कलुसीयो 1:1 - जीवन को च्यानणो (सेकावाटी नया नियम की पोथ्या)

^1-2 म परमेसर की इंछ्या गेल मसी ईसुऊँ भेजेड़ो चेलो पोलुस अर आपणो बिस्वासी भाईड़ो तिमूतियूस आ चिठी कलुसीया नगरी म रेह्बाळा मसी प बिस्वास करबाळा बिस्वास जोगा परमेसर का मिनखानै मांडर्या हां। था सगळा प आपणा परम-पिता परमेसर की दया अर स्यांती होती रेह।

कलुसीयो 1:1 Referans Kwoze

2 कुरन्थीयो 1:1

आ चिठी परमेसर की इंछ्याऊँ म, मसी ईसु को भेजेड़ो चेलो पोलुस अर आपणो बिस्वासी भाई तिमूतियूस परमेसर की कुरन्थी नगरी की बिस्वासी मंडळी का मिनखानै अर अखाया का सगळा परमेसर का मिनखानै मांडां हां।

फिलेमोन 1:1

म पोलुस, जखो मसी ईसु को समचार सुणाबा की बजेऊँ जेळ म बंदि हूँ। म अर बिस्वासी भाईड़ो तिमूतियूस आ चिठी, म्हारा लाडला संगी फिलेमोन,

1 कुरन्थीयो 1:1

परमेसर की इंछ्या गेल मसी ईसु म भेजेड़ो चेलो होबा ताँई टाळ्यो गयो, म पोलुस जखो बिस्वासी भाईड़ा सोस्थिनेस की मददऊँ आ चिठी,

1 थिसलूनिकी 1:1

म पोलुस, आ चिठी सीलास अर तिमूतियूस क सागै मिलर थिसलूनिकी नगरी का बा सगळा मिनखानै मांडर्यो हूँ, जखा परम-पिता परमेसर अर परबु ईसु मसीनै मानबा की बजेऊँ बिस्वासी मंडळीऊँ जुड़ेड़ा हीं। परमेसर थार प दया बणाए राखै अर थानै स्यांती देवै।

फलिपी 1:1

म्हें मसी ईसु का गुलाम पोलुस अर तिमूतियूस आ चिठी फलिपी नगरी म मसी क सागै मेळ राखबाळा परमेसर का सगळा मिनखा, सागै की सागै बिस्वासी मंडळी का रूखाळा अर काम म हात बटाबाळानै मांडर्या हां। था सगळा प आपणा परम-पिता परमेसर अर परबु ईसु मसी कानिऊँ दया अर स्यांती मिलती रेह।

रोमीयो 1:1

म ईसु मसी को दास, भेजेड़ो चेलो पोलुस, जिनै परमेसर बुलायो अर चोखो समचार परचार करबा ताँई टाळ्यो, आ चिठी रोम की बिस्वासी मंडळीनै मांडूँ हूँ। रोम म रेह्बाळा थारै सगळा प जखा परमेसर का लाडला अर पबितर होबा ताँई बुलाया गया हीं। आपणा परम-पिता परमेसर अर परबु ईसु मसी की दया अर स्यांती बणी रेह्‍वै। चोखा समचार को बादो परमेसर की खेबाळा क जरिए पेलीऊँई कर्यो गयो, जंय्यां क पबितर सास्तर म मंडर्यो ह, ओ चोखो समचार परमेसर का बेटा क बारां म ह अर ओ काया रूप म दाऊद क कूणबा म जलम्यो। अर बिनै पबितर आत्माऊँ मरेड़ा मऊँ जीवार सक्‍ति क सागै ओ साबित कर्यो गयो क ओ परमेसर को बेटो ह जखो आपणो परबु ईसु मसी ह। मसी क जरिए परमेसर म्हानै ओ सोभाग अर भेजेड़ा चेला को ओदो दिओ, जिऊँ जगत का सगळा मिनख बिस्वास करीं अर बिकी मानी जिऊँ बिका नाम की मेमा होवै। थारी बी गिणती आमई आवै ह, थानै ईसु मसी का होबा ताँई बुलायो गयो ह।

2 थिसलूनिकी 1:1

म पोलुस, आ चिठी सीलास अर तिमूतियूस क सागै मिलर थिसलूनिकी नगरी का बा सगळा मिनखानै मांडर्यो हूँ, जखा परम-पिता परमेसर अर परबु ईसु मसीनै मानबा की बजेऊँ बिस्वासी मंडळीऊँ जुड़ेड़ा हीं।

इफिसुस 1:1

म परमेसर की इंछ्या गेल मसी ईसुऊँ भेजेड़ो चेलो पोलुस, इफिसुस म रेह्बाळा ईसु मसी प बिस्वास करबाळा परमेसर का मिनखानै नमस्कार मांडू हूँ।

भेजेड़ा चेला का काम 16:1

इकै पाछै पोलुस दिरबे अर लुस्तरा म गयो बठै बिनै तिमूतियूस नाम को एक चेलो मिल्यो जिकी माँ यहूदि बिस्वासण ही पण बिको बाप यूनानी हो।

इबरानीआ 13:23

अर म चाऊँ हूँ क थानै खबर लागै क आपणो बिस्वासी भाई तिमूतियूस छुटगो ह। अर ज बो तावळोई मेरै कनै आसी जणा म बी बिकै सागै थारूँ मिलबा आस्युं।