भेजेड़ा चेला का काम 9:1 - जीवन को च्यानणो (सेकावाटी नया नियम की पोथ्या)

¹ हाल बी साऊल नाम को मिनख जखो ईसु का चेलानै धमकार्यो हो अर जानऊँ मार्यो हो, बो म्हायाजक क कनै गयो।

भेजेड़ा चेला का काम 9:1 Referans Kwoze

भेजेड़ा चेला का काम 8:3

अर साऊल हो जखो बिस्वासी मंडळ्यानै उजाड़तो फिरतो हो अर बो घरा मऊँ काड-काडर घिसर मोट्यार-लूगायानै जेळ म बंद करबा लाग्यो।

1 तिमूतियूस 1:13

पेल्या म मेरा मुंडाऊँ परमेसर की बुराई करबाळो, परमेसर का मिनखानै दिन घालबाळो अर एक अँधेर करबाळो मिनख हो। इकै पाछै बी मेर प दया होई। क्युं क म एक परमेसर म बिस्वास नइ करबाळा की जंय्यां अणभोळ म अ सगळा काम कर्यो हो।

गलातियो 1:13

अर थे जाणो हो क म पेली यहूदि मत म कंय्यांसिक जीआ करतो हो। अर थे ओ बी जाणो हो क म परमेसर की बिस्वासी मंडळी का मिनखानै कंय्यां सताया करतो अर बिनै मिटाबा की कोसिस करतो हो।

1 कुरन्थीयो 15:9

म सगळा भेजेड़ा चेलाऊँ छोटो हूँ म तो भेजेड़ो चेलो खुवाबा जोगोई कोनी क्युं क म परमेसर की बिस्वासी मंडळी का मिनखानै सतायो करतो हो।

भेजेड़ा चेला का काम 7:58

बे बिकै सागै धका-मुकी करताई बिनै नगरी क बारनै लेग्या अर बिपै भाठा बगाबा लाग्या। अर बिकै खिलाप हाळा गुवा आप-आपका गाबा साऊल क पगा म म्हेल दिआ।

फलिपी 3:6

ज मेरा जोस क बारां म सुणबो चाओ जणा म बिस्वासी मंडळीनै दिन घालबाळो; अर नेम-कायदा का हुकमानै मानबाळो धरमी अर निरदोस आदमी हो।