भेजेड़ा चेला का काम 8:23 - जीवन को च्यानणो (सेकावाटी नया नियम की पोथ्या)

²³ क्युं क तू बळोकड़ो ह अर पाप म उळजर्यो ह।”

भेजेड़ा चेला का काम 8:23 Referans Kwoze

इबरानीआ 12:15

थे ध्यानऊँ रेहज्यो कदै अंय्यां नइ होज्या क थारै मऊँ कोई परमेसर की दयाऊँ चूक ज्यावै। अर ध्यान राखज्यो क थारै मऊँ कोई खारी जड़ नइ निकळै जखी कयानै असुद अर दुख देबा की बजे बाजै।

यहून्ना 8:34

ईसु बाऊँ बोल्यो, “म थानै बोलुँ हूँ, जखो बी पाप करै ह, बो पाप को गुलाम ह।

2 पतरस 2:19

बे मिनख बाऊँ छुटकारो देबा की तो जबान करीं हीं पण बे खुदई छुटकारो कोनी पायो। क्युं क जखो मिनख जिऊँ हार ज्यावै बो बिको दास बणज्यावै ह।

2 पतरस 2:4

क्युं क परमेसर बा दुतानै जखा पाप कर्या हा बानैई कोनी बकस्यो। अर बानै पताळ क मांयनै अँधेरा कूंड म गेर दिओ, जिऊँ क बे न्यायहाळै दिन ताँई बिकै मांयनै केद रेह्‍वै।

तितूस 3:3

क्युं क मसीनै मानबाऊँ पेली आपा बी बेबुदी का, खयो नइ मानबाळा, भटकेड़ा अर हरतर्या की मो-माया का गुलाम हा। आपणो जीवन बुराई अर बळोकड़ा पुणाऊँ भरेड़ो हो। अर आपा एक दुसराऊँ नफरत करता हा।

इफिसुस 4:31

इ ताँई थे सगळी कड़वाट, परकोप, झाळ, कळै, दुसरा की बुराई करबाऊँ अर दुसरा की हानी करबाऊँ दूर रेह्ओ।