भेजेड़ा चेला का काम 8:12 - जीवन को च्यानणो (सेकावाटी नया नियम की पोथ्या)

¹² पण जद फलिपूस मिनखानै परमेसर का राज अर ईसु मसी का नाम को चोखो समचार सुणायो जणा बे बिकी बाता प बिस्वास कर्या अर सगळा मोट्यार लूगाई बतिस्मो लिओ।

भेजेड़ा चेला का काम 8:12 Referans Kwoze

भेजेड़ा चेला का काम 2:38

जणा पतरस बोल्यो, “थे थारा पापऊँ तौबा करो ईसु मसी का नाम म बतिस्मो लेल्यो जिऊँ थारा पाप धोया जासी। अर थानै पबितर आत्मा को बरदान मिलसी

भेजेड़ा चेला का काम 1:3

बिकै सुळी प दुख भोगर मरबा क पाछै, बो बोळा पुक्‍ता सबूत देर खुदनै मरेड़ा मऊँ जिंदो साबित कर्यो, अर बो चाळिस दिना ताँई बानै दिखतो रिह्यो अर बाऊँ परमेसर का राज क बारां म बतळातो रिह्यो।

मत्ती 28:19

इ ताँई थे जाओ अर धरती का सगळा कूणबा का मिनखानै मेरा चेला बणाओ अर परम-पिता, बेटा अर पबितर आत्मा क नाम म बतिस्मो द्‍यो।

1 पतरस 3:21

अर बा पाणी की बाढ बतिस्मा की जंय्यां ही, बतिस्मो जखो थारो छुटकारो करै ह पण इ बतिस्मा को मतबल काया का मेलनै धोबो कोनी पण अन्तर-आत्मानै सुद कर खुदनै परमेसर कानि मोड़बो ह। क्युं क ईसु मसी मरेड़ा मऊँ ओज्यु जीवायो गयो ह।

भेजेड़ा चेला का काम 2:41

बोळाजणा बिकी बाता प बिस्वास कर्या अर हात्युहात बतिस्मो ले लिआ, अर बि दिन करीब तीन झार मिनख बाकी टोळी म सामिल होया।

गलातियो 3:28

जणा इब नइ तो कोई यहूदि रिह्यो अर नइ यूनानी, नइ गुलाम, नइ अजाद, नइ नर, नइ नारी, क्युं क थे सगळा मसी ईसु म एकई हो।

रोमीयो 10:10

क्युं क आपका हिया म बिस्वासऊँ मिनख धरमी बणायो जावै ह अर खुदका मुंडाऊँ मानबाऊँई बिनै बचायो जावै ह।

1 कुरन्थीयो 11:11

इकै पाछै बी परबु म नइ तो नर नारीऊँ न्यारो ह अर नइ नारी नरऊँ।

भेजेड़ा चेला का काम 28:31

अर बिना रोक-टोक बेधड़क होर परमेसर का राज को परचार करतो अर परबु ईसु मसी की बाता सीखातो हो।

भेजेड़ा चेला का काम 20:25

अर इब म थानै बताबो चाऊँ हूँ क थे सगळा जणा जाकै मांयनै म परमेसर का राज क बारां म सुणायो हूँ मेरो मुंडो ओज्यु कोनी देखस्यो।

भेजेड़ा चेला का काम 20:21

अर म यहूदि अर यूनानी मिनखानै पापऊँ मन फेर'र परमेसर कानि मुड़बा अर परबु ईसु मसी प बिस्वास करबा ताँई खेतो रिह्यो।

भेजेड़ा चेला का काम 18:8

जणा अरदास घर को अधिकारी आपका सगळा परवार सेत्युं परबु म बिस्वास कर्यो अर बाकै सागै बोळा कुरन्थी म रेह्बाळा पोलुस की बाता सुणर बिस्वास कर्या अर बतिस्मो लिओ।

भेजेड़ा चेला का काम 11:20

आमऊँ क्युंक साईपरस अर कुरेन का हा। अर जद बे अंताकीया म आया जणा बे यूनानी मिनखा म बी ईसु को समचार सुणाबा लागगा।

भेजेड़ा चेला का काम 5:14

अर बठिनै परबु प बिस्वास करबाळा लूगाई अर मिनख रोजकी बाकी टोळी म मिलता जार्या हा।

लूका 9:60

जणा ईसु बोल्यो, “मरेड़ा मिनखानै बाका मरेड़ानै गाडबा दे। पण तू जा अर परमेसर का राज को हेलो पाड़।”

लूका 9:2

इकै पाछै बो बानै परमेसर का राज को हेलो पाड़बा अर रोगलानै निरोगो करबा को अधिकार देर बारनै भेज्या।

भेजेड़ा चेला का काम 8:4

अर दुसरी कानि बे बिखरेड़ा बिस्वासी जठै बी गया बठैई ईसु को चोखो समचार सुणाबा लागगा।

भेजेड़ा चेला का काम 19:5

आ सुणर बे परबु ईसु का नामऊँ बतिस्मो लिओ।