भेजेड़ा चेला का काम 8:1 - जीवन को च्यानणो (सेकावाटी नया नियम की पोथ्या)

¹ सतफनुस की मोतनै साऊल सई बतायो। बि दिनऊँई बिस्वासी मंडळ्या प तुमत आ पड़ी जिऊँ ईसु का भेजेड़ा चेलानै छोडर बाकी सगळा बिस्वासी यहूदिआ अर सामरीया म बिखरगा।

भेजेड़ा चेला का काम 8:1 Referans Kwoze

भेजेड़ा चेला का काम 22:20

अर जद थारा गुवा सतफनुसनै मार्यो जार्यो हो जणा बि टेम म बठैई खड़्यो हो, अर बिकी मोतनै सई बताई अर बिनै मारबाळा का गाबा की रूखाळी करी।’

भेजेड़ा चेला का काम 7:58

बे बिकै सागै धका-मुकी करताई बिनै नगरी क बारनै लेग्या अर बिपै भाठा बगाबा लाग्या। अर बिकै खिलाप हाळा गुवा आप-आपका गाबा साऊल क पगा म म्हेल दिआ।

भेजेड़ा चेला का काम 5:40

जणा बे बिकाळी बात मानर बानै बुलवाया अर बाकै तड़ा पड़वार आ खेर छोड दिआ, अर आदेस दिओ क, “आईंदा इ ईसु नामऊँ कोई बात मना करज्यो।”

भेजेड़ा चेला का काम 5:33

आ सुणर पंचायत का सदस्य लाल-ताता होर बानै मारबा की सोची।

भेजेड़ा चेला का काम 1:8

पण जद पबितर आत्मा थानै मिलसी जणा थारै म परमेसर की सक्‍ति आज्यासी अर थे यरूसलेम, सगळा यहूदिआ, सामरीया का इलाका अर धरती का इ कूणाऊँ बि कूणा ताँई मेरा गुवा होस्यो।”

भेजेड़ा चेला का काम 8:14

अर जद ईसु का भेजेड़ा चेलानै ओ बेरो पड़्यो क सामरीया का रेह्बाळा परमेसर का बचनानै मानबा लागगा हीं जणा बे पतरस अर यहून्नानै बाकन भेज्या।

भेजेड़ा चेला का काम 9:31

जणा अंय्यां सगळा यहूदिआ, गलिल, अर सामरीया की बिस्वासी मंडळ्यानै स्यांती मिली। अर बिस्वास्या की बिस्वासी मंडळी मजबूत होती गई अर परमेसर का गुणगान करती गई। अर पबितर आत्मा का हियावऊँ गिणती म बढती गई अर परमेसर का डर म रेह्ती।

भेजेड़ा चेला का काम 8:4

अर दुसरी कानि बे बिखरेड़ा बिस्वासी जठै बी गया बठैई ईसु को चोखो समचार सुणाबा लागगा।

यहून्ना 15:20

जोक्यु बी म थानै बोल्यो हूँ बिनै ध्यान म राखज्यो, ‘दास आपका मालिकऊँ बडो कोनी होवै।’ ज मिनख मनै दिन घाल सकै ह, जणा थानै बी दिन घालसी, अर ज बे मेरी सुणै जणा थारी बी सुणसी।

इबरानीआ 11:27

बिस्वास करबा की बजेऊँई बो राजा की झाळ को डर कोनी मान्यो अर बो मिसरनै छोड दिओ। बो सक्यु सेण करग्यो क्युं क बो अंय्यां को भिवार कर्यो मानो नइ दिखबाळा परमेसरनै देख लिओ हो।

फलिपी 1:12

अब मेरा लाडला बिस्वास्यो, जखी बाता मेरै सागै बिती ह बाऊँ पक्काई चोखो समचार बोळो फळ्यो ह। म चाऊँ हूँ क थे आ बातानै जाणो।

भेजेड़ा चेला का काम 13:1

अंताकीया की बिस्वासी मंडळी म परमेसर की खेबाळा अर उपदेस देबाळा कई हा, जंय्यां की बरनाबास, समोन जिनै काळ्यो बी बोलता हा अर कुरेन को लूकियुस अर देस की चोथी पाँती को राजपाल हेरोद को गोद आयड़ो भाई मनाएम, अर साऊल।

भेजेड़ा चेला का काम 7:38

ओ बोई ह जखो उजाड़ म इजरायली मिनखा की मंडळी क सागै हो, जिऊँ सीनै डूँगरी प ईस्बर नगरी दुत बतळायो हो अर बो आपणा बाप-दादा क सागै बी हो। अर जिनै आपणा ताँई परमेसरऊँ जीवन देबाळा बचन मिल्या।

भेजेड़ा चेला का काम 5:20

“मनदर म जार खड़्या होवो अर इ नया जीवन की सगळी बाता मिनखानै सुणाओ।”

भेजेड़ा चेला का काम 5:18

अर बे बा भेजेड़ा चेलानै पकड़र कोठड़ी म बंद करवा दिआ।

भेजेड़ा चेला का काम 2:47

अर परमेसर को गुणगान गाता। बे सगळा इ दान दयाऊँ राजी हा। अर जखो बी परमेसर क जरिए छुटकारो पातो, परमेसर बिनै रोजकी बाकी टोळी म जोड़ देतो।

यहून्ना 16:2

थे अरदास करबाळी झघाऊँ काड्या जास्यो अर बो टेम आसी जद थानै मारबाळा सोचसी क थानै मार'र बे परमेसर की सेवा करीं हीं।

मत्ती 23:34

इ ताँई म थानै खेऊँ हूँ, म थारै कनै परमेसर की खेबाळानै, बुदीमानानै अर गरूजीआनै भेजस्युं। पण थे बामैऊँ कया क तो अरदास करबाळी झघा म बेत मारस्यो, कयानै सतास्यो, कयानै सुळी प चढास्यो, कयानै मार गेरस्यो अर नगरी-नगरी थे बाको पिछो करस्यो।

मत्ती 22:6

अर कई मिनख तो बा दासा क सागै मारा पिटी कर बाकी जान लेली।

मत्ती 5:13

“थे धरती का सगळा मिनखा ताँई लुण हो; पण जद लुण मऊँ सुवाद चल्योजा जणा बिनै ओज्यु चरचरो कोनी बणायो जा सकै। अर नइ बो कोई काम आवै। पण बिनै फेक दिओ जावै ह, जिऊँ बो लोगा क पगा तळै मसळ्यो जावै ह।

भेजेड़ा चेला का काम 7:54

अ बाता सुणताई बे सतफनुस प लाल-ताता होगा, अर आँख्या का'डर जाड़ भीचबा लागगा।

भेजेड़ा चेला का काम 8:2

बामैऊँ क्युं क भगत सतफनुसनै गाड्या अर बिकै मरबा को म्हातम मनायो।

भेजेड़ा चेला का काम 8:5

फलिपूस सामरीया नाम की नगरी म जार बठै ईसुई मसी ह इकै बारां म परचार करबा लाग्यो।

भेजेड़ा चेला का काम 13:36

अर दाऊद तो परमेसर की इंछ्या गेल आपका टेम म सेवा कर मरगो अर बिनै बठैई गाड्यो गयो जठै बिका बडका गडर्या हा अर बाकी लास सिड़गी।

भेजेड़ा चेला का काम 26:10

अर म यरूसलेम म अंय्यांई कर्यो हो। अर परधान याजकाऊँ अधिकार लेर परमेसर का मिनखानै जेळ म गेर्यो हो अर जद बानै मार गेर्यो जातो हो जणा म बी बाकै खिलाप मेरी हामी देतो हो।

रोमीयो 1:32

बे परमेसर का नियमानै जाणी हीं क जखो मिनख अंय्यां जीवै ह बो मोतनै पाळै ह जणा पाछै बी बे खुद तो अंय्यां करै जखा करैई ह अंय्यां करबाळा दुसरानै बी सई बतावै।