भेजेड़ा चेला का काम 6:9 - जीवन को च्यानणो (सेकावाटी नया नियम की पोथ्या)

⁹ पण अजाद बिस्वासी मंडळी नाम की एक यहूदि अरदास करबाळी झघा का क्युंक यहूदि मिनख जखा कुरेन, सिकन्दरिआ, कलिकीया नगर्याऊँ अर एसिया परदेसऊँ आएड़ा हा, बे बिकै सागै जिरै करबा लाग्या।

भेजेड़ा चेला का काम 6:9 Referans Kwoze

भेजेड़ा चेला का काम 23:34

बो कागद बाचर बो पोलुसनै बुज्यो, “तू कूणसा इलाका को ह?” अर जद बिनै ओ बेरो पड़गो क कलिकीया को ह

भेजेड़ा चेला का काम 22:3

“म एक कलिकीया का तरसुस म जलमेड़ो एक यहूदि मिनख हूँ। अर मेरी लिखाई पढाई अठैई इ यरूसलेम नगरी म गमलिएल धरम-गरूजी क कनैई होई ह। अर आपणा बाप-दादा का नेम-कायदा मनै सई ढंगऊँ सीखाया गया हीं। अर जंय्यां थे परमेसरनै मानबा ताँई कट्टर हो बंय्यांई म बी हूँ।

भेजेड़ा चेला का काम 15:41

अर बो बिस्वासी मंडळ्यानै मजबूत करतो सिरीया अर कलिकीया इलाकाऊँ होतो होयो गयो।

भेजेड़ा चेला का काम 15:23

बाकै हात बे अंय्यां मांडर भेज्या क, “अंताकीया, सिरीया अर कलिकीया म रेह्बाळा गैर-यहूदि बिस्वासी भायानै भेजेड़ा चेला अर यरूसलेम की बिस्वासी मंडळी का मुखिया को नमस्कार।

मत्ती 27:32

अर जद बे बारनै निकळर क्युंक दूर गया जणा बानै कुरेन को रेह्बाळो समोन नाम को एक मिनख मिल्यो। अर बिनै धमकार खया, “ईसु की सुळी उठार चाल।”

गलातियो 1:21

अर म बिकै पाछै सिरीया अर कलिकीया दिसावरा म गयो।

भेजेड़ा चेला का काम 21:27

अर जद बे सात दिन पूरा होबाळा हा जणा एसिया का यहूदि मिनख मनदर म पोलुसनै देखर भीड़ का सगळा मिनखा का कान भर दिआ अर अंय्यां चिलार बिनै पकड़ लिआ।

भेजेड़ा चेला का काम 19:10

करीब दो बरस ताँई अंय्यांई चालतो रिह्यो अर अंय्यां करता-करता एसिया का सगळा रेह्बाळा चाए बे यहूदि हो चाए यूनानी ईस्बर को बचन सुण्या।

भेजेड़ा चेला का काम 18:24

अपुलोस नाम को एक यहूदि जिकी जन्मभौम सिकन्दरिआ ही बो बोलबा म बोळो माहिर हो अर सास्तर को चोखो ज्ञ्याता हो बो बा दिना इफिसुस आयो।

भेजेड़ा चेला का काम 16:6

बे फरूगिया अर गलातिया परदेसा म होर गया, क्युं क पबितर आत्मा बानै एसिया म बचन सुणाबा ताँई मना कर दिओ हो।

लूका 21:12

पण आ सगळी बाता क होबाऊँ पेली हर कठै थानै मेरी बजेऊँ पकड़्यो अर सतायो जासी। थानै अरदास करबाळी झघा म सूप्यो जासी अर जेळ म बंद कर्यो जासी थानै राजा अर राज करबाळा क सामै लेर जासी।

मरकुस 13:9

पण थे समळर रेहज्यो, थानै पकड़र कचेरी म सूप्यो ज्यासी अर थानै अरदास करबाळी झघा म पिट्यो जासी अर थानै मेरा नाम अर चोखा समचार की बजेऊँ पंचा, राजा अर हाकीमा क सामै खड़्यो कर दिओ जासी जिऊँ थे बानै चोखो समचार बता सको।

मत्ती 10:17

अर थे मिनखाऊँ हुस्यार रेहज्यो क्युं क बे थानै पकड़र पंचा क हाता सूप देसी अर बे थानै अरदास करबाळी झघा लेज्यार बेत पड़वासी।

1 कुरन्थीयो 1:20

कठै ह ज्ञानी? अर कठै ह सीखाबाळा? अर कठै हीं इ दुनिया का जिरैबाज? के परमेसर इ दुनिया का ज्ञाननै बेबुदी को कोनी बतायो?

भेजेड़ा चेला का काम 26:11

अर बोळीबर म अरदास करबाळी झघा म बानै पिट्यो अर बापै ईसु की बुराई करबा ताँई जोर देतो हो। म बापै झाळा भर'र अत्तो बिकराळ होगो हो क म दिसावर नगर्या म बी जार बानै दिन घाल्या करतो हो।

भेजेड़ा चेला का काम 22:19

जणा म बोल्यो, ‘परबु जी थे तो जाणोई हो की म यहूदि मिनखा क अरदास करबाळी झघा म जार थार प बिस्वास करबाळा क तड़ा मरवाया करतो हो अर जेळ म गेर दिआ करतो हो।

भेजेड़ा चेला का काम 21:39

जणा पोलुस बोल्यो, “अजी म बो कोनी। म तो कलिकीया की मानेड़ी नगरी तरसुस को रेह्बाळो यहूदि मिनख हूँ। म थारूँ हात जो'ड़र खेऊँ हूँ की थे मनै मिनखाऊँ बात करबा को मोको द्‍यो।”

भेजेड़ा चेला का काम 19:26

अर थानै जंय्यां बेरोई ह क पोलुस इफिसुस मई नइ पण सगळा एसिया म मिनखानै भंगरा इ बातनै मनवावै ह क हातऊँ बणाएड़ी मूरती ईस्बर कोनी।

भेजेड़ा चेला का काम 13:45

इ भीड़नै देखर यहूदि बळगा अर पोलुस की बाता क खिलाप बोलता होया बिकी बुराई करी।

भेजेड़ा चेला का काम 13:1

अंताकीया की बिस्वासी मंडळी म परमेसर की खेबाळा अर उपदेस देबाळा कई हा, जंय्यां की बरनाबास, समोन जिनै काळ्यो बी बोलता हा अर कुरेन को लूकियुस अर देस की चोथी पाँती को राजपाल हेरोद को गोद आयड़ो भाई मनाएम, अर साऊल।

भेजेड़ा चेला का काम 11:20

आमऊँ क्युंक साईपरस अर कुरेन का हा। अर जद बे अंताकीया म आया जणा बे यूनानी मिनखा म बी ईसु को समचार सुणाबा लागगा।

मत्ती 23:34

इ ताँई म थानै खेऊँ हूँ, म थारै कनै परमेसर की खेबाळानै, बुदीमानानै अर गरूजीआनै भेजस्युं। पण थे बामैऊँ कया क तो अरदास करबाळी झघा म बेत मारस्यो, कयानै सतास्यो, कयानै सुळी प चढास्यो, कयानै मार गेरस्यो अर नगरी-नगरी थे बाको पिछो करस्यो।

भेजेड़ा चेला का काम 6:10

पण सतफनुसनै जखी पबितर आत्मा दियड़ी ही अर जि बुदीऊँ बो बाता कर्या करतो जणा बे बिकै सामै कोनी टिक सक्या।

भेजेड़ा चेला का काम 24:18

अर जद म अ सगळी बाता करर्यो हो जणा अ मनै मनदर म देख्या, बि टेम म सगळा बिधी-बिधाननै पूरो कर सुद होगो हो। अर नइ तो बठै कोई भीड़ ही अर नइ कोई रोळो-बेदो।