भेजेड़ा चेला का काम 6:5 - जीवन को च्यानणो (सेकावाटी नया नियम की पोथ्या)

⁵ भेजेड़ा चेला की आ बात सगळी बिस्वासी मंडळीनै चोखी लागी। जणा बे सतफनुस नाम का एक मिनखनै जखो बिस्वास अर पबितर आत्माऊँ भरेड़ो हो, अर फिलीप, परखोरस, निकानोर, तिमोन, परमिनास अर अंताकीया को रेह्बाळो निकोलस जखो यहूदि धरम पंथ म रळगो हो, आनै टाळ लिआ।

भेजेड़ा चेला का काम 6:5 Referans Kwoze

भेजेड़ा चेला का काम 11:24

बो पबितर आत्मा अर बिस्वासऊँ भरेड़ो एक भलो मिनख हो। इकै पाछै ओर बोळा मिनख परमेसर प बिस्वास कर्या।

भेजेड़ा चेला का काम 21:8

अर दुसरा दिन बठैऊँ चालर म्हें कैसरिया पुग्या अर फलिपूस जखो चोखा समचार को परचार कर्या करतो हो बिकै घरा रूक्या जखो यरूसलेम म टाळेड़ा बा सात जणा मऊँ एक हो।

भेजेड़ा चेला का काम 6:8

सतफनुस परमेसर की दया अर बिकाळी ताकतऊँ भरेड़ो हो अर मिनखा म बडा-बडा चमत्कार अर अचरजभर्या काम कर्या करतो हो।

भेजेड़ा चेला का काम 7:1

अर म्हायाजक बिऊँ बुज्यो, “अ बाता सची ह के?”

भेजेड़ा चेला का काम 6:3

इ ताँई यहूदि भाई-भाणो, थारै मऊँ थे सात चोखी पेठहाळा मिनखानै टाळल्यो जखा म पबितर आत्मा अर बुदी होवै अर बानै इ काम की जिमेदारी आपा दे देस्यां।

भेजेड़ा चेला का काम 13:1

अंताकीया की बिस्वासी मंडळी म परमेसर की खेबाळा अर उपदेस देबाळा कई हा, जंय्यां की बरनाबास, समोन जिनै काळ्यो बी बोलता हा अर कुरेन को लूकियुस अर देस की चोथी पाँती को राजपाल हेरोद को गोद आयड़ो भाई मनाएम, अर साऊल।

भेजेड़ा चेला का काम 11:19

सतफनुस क मोत क पाछै बिस्वास्या म आया सताव की बजेऊँ बे तीनतेरा होगा। अर बे फिनीके, साईपरस अर अंताकीया ताँई जा पुग्या। अर ईसु को समचार सुणाता हा पण अ यहूदि मिनखानैई ईसु को समचार सुणाता हा।

भेजेड़ा चेला का काम 6:10

पण सतफनुसनै जखी पबितर आत्मा दियड़ी ही अर जि बुदीऊँ बो बाता कर्या करतो जणा बे बिकै सामै कोनी टिक सक्या।

दरसाव 2:15

अंय्यांई तेरै अठै बी अंय्यां का मिनख ह जखा नीकुलीया की सीख प चालै ह।

दरसाव 2:6

पण तेर म एक बात ह क तू नीकुलीया का कामाऊँ नफरत करै ह जिऊँ म बी नफरत करूं हूँ।

भेजेड़ा चेला का काम 15:22

जणा पाछै भेजेड़ा चेला, बिस्वासी मंडळी का मुखिया अर सगळी बिस्वासी मंडळी क्युंक जणानै टाळर पोलुस अर बरनाबास क सागै अंताकीया भेजबा की ते करी। जणा बे यहूदा जिनै बरसबा बोलता हा अर सीलासनै टाळर, जखा बामै चोखी पेठ राखता हा बानै बाकै सागै भेज्या।

मत्ती 23:15

“हे कपट राखबाळा धरमसास्तर्यो अर फरिसीयो! थार प धिक्कार ह। थे कोईनै चेलो बणाबा ताँई बिकै हात धोर गेल होज्याओ हो अर जद बो यहूदि धरम पंथ म रळज्यावै ह। जणा थे बिनै थारूँ बेत्ती नरक म झोक द्‍यो हो।

भेजेड़ा चेला का काम 2:4

बे सगळा पबितर आत्माऊँ भरगा अर जंय्यां पबितर आत्मा बानै बोलबा की सक्‍ति दि बे बंय्यांई दुसरी भासा म बोलबा लाग्या।

भेजेड़ा चेला का काम 11:20

आमऊँ क्युंक साईपरस अर कुरेन का हा। अर जद बे अंताकीया म आया जणा बे यूनानी मिनखा म बी ईसु को समचार सुणाबा लागगा।

भेजेड़ा चेला का काम 11:22

अर जद बाकी चरचा यरूसलेम की बिस्वासी मंडळी क काना म पड़ी जणा बे बरनाबासनै अंताकीया भेज्या।

भेजेड़ा चेला का काम 11:26

अर जद साऊल बिनै लाध्यायो जणा बो बिनै लेर अंताकीया आगो। अर बे पूरा बरस भर बिस्वासी मंडळ्याऊँ मिलता अर बोळासारा मिनखानै उपदेस देता रिह्या अर चेला सऊँ पेली अंताकीया मई मसी का मिनख बाज्या।

भेजेड़ा चेला का काम 11:27

आ दिना मई क्युं परमेसर की खेबाळा यरूसलेमऊँ अंताकीया म आया।

भेजेड़ा चेला का काम 22:20

अर जद थारा गुवा सतफनुसनै मार्यो जार्यो हो जणा बि टेम म बठैई खड़्यो हो, अर बिकी मोतनै सई बताई अर बिनै मारबाळा का गाबा की रूखाळी करी।’