भेजेड़ा चेला का काम 6:4 - जीवन को च्यानणो (सेकावाटी नया नियम की पोथ्या)

⁴ अर म्हें म्हारो सगळो टेम अरदास करबा अर बचन को परचार करबा अर सीखाबा म लगास्यां।”

भेजेड़ा चेला का काम 6:4 Referans Kwoze

भेजेड़ा चेला का काम 1:14

अर आकै सागै क्युंक लूगाया बी ही, अ सगळा एक चित होर अरदास करबा म लाग्या रेह्ता हा। बामै ईसु की माँ मरीयम अर बिको भाई बी हो।

भेजेड़ा चेला का काम 2:42

अर बे भेजेड़ा चेलाऊँ उपदेस सुणबा, संगती करबा, एक सागै परबुनै याद करबा ताँई रोटी तोड़बा अर अरदास करबा म रमग्या।

2 तिमूतियूस 4:2

परमेसर का बचना को परचार कर। टेम बेटेम मिनखानै सुदारबा ताँई त्यार रेह। तू मिनखानै सई कर अर बाका पाप प बाकै दकाल लगा। सागैई बानै उदास बी मना होबा दे, बानै हिदायत देती टेम सदाई थ्यावस राखजे।

रोमीयो 1:9

परमेसर जिकी सेवा म मेरी आत्माऊँ बिका बेटा का चोखा समचार को परचार कर करूं हूँ, बो मेरो गुवा ह क म सदाई थानै मेरी अरदास म याद करूं हूँ।

कलुसीयो 4:17

अर परबु की सेवा ताँई जखा काम दियड़ा हीं बानै ढंगऊँ करबा ताँई अरखिप्पुसनै बोलजे।

कलुसीयो 2:1

म चाऊँ क थे इ बातनै जाणो क, म थारै ताँई, लोदिकीया नगरी म रेह्बाळा अर बा सगळा ताँई जाऊँ मेरो आमनो-सामनो कोनी होयो, कत्ती चिंत्या राखूँ हूँ।

फलिपी 1:4

अर जद बी म था सगळा ताँई परमेसरऊँ अरदास करूं जणा म राजी हियाऊँ थारै ताँई अरदास करूं हूँ,

1 कुरन्थीयो 9:16

इ ताँई ज म चोखो समचार सुणाऊँ हूँ जणा इमै मनै गुमान करबा की जुर्त कोनी क्युं क ओ तो मेरो फरज ह। अर ज म चोखा समचार कोनी सुणाऊँ जणा आ बात मेरै ताँई बोळी बुरी ह।

कलुसीयो 4:12

थारै मालोई एक ओर ह जिको नाम इफरास ह अर मसी ईसु को दास ह बिकी बी थानै “जे मसी की” पुगै। ओ सदाई थारै ताँई जी ज्यानऊँ अरदास करै ह जिऊँ थे परमेसर की सगळी इंछ्या म समजदारी अर पूरा भरोसा क सागै खड़्या रेह सको।

लूका 1:23

जद मनदर म बिका सेवा का दिन पूरा होगा जणा बो आपकै घरा चलेगो।