भेजेड़ा चेला का काम 5:21 - जीवन को च्यानणो (सेकावाटी नया नियम की पोथ्या)

²¹ जणा बे बिकी बात मानर भागपाट्याई मनदर म जा लिआ अर बठै सीख देबा लागगा। बठिनै म्हायाजक अर बिकाळा साती, इजरायल म रेह्बाळा सगळा बूडा-ठेरा की पंचायत बुलार बानै भेळा कर्या अर कोठड़ी म खुवा भेज्यो क बानै पंचायत क सामै हाजिर करो।

भेजेड़ा चेला का काम 5:21 Referans Kwoze

यहून्ना 8:2

आगलै दिन भागपाट्याई बो ओज्यु मनदर गयो। सगळा बिनै च्यारूमेरूँ घेर लिआ, अर बो तळै बेठर बानै सीखाबा लाग्यो।

भेजेड़ा चेला का काम 22:15

क्युं क तू मिनखा क आगै बा बाता की गुवाई देसी जानै तू सुणी अर देखी।

भेजेड़ा चेला का काम 5:41

बे राजी-खुसी पंचायतऊँ चलेगा क्युं क ईसु नामऊँ परमेसर बानै पिड़ा अर बेजती भोगबा जोगा समज्या।

भेजेड़ा चेला का काम 5:34

पण बामै गमलिएल नाम को एक फरिसी जखो यहूदि नेम-कायदा सीखाबाळो हो अर सगळा मिनख बिकी ईज्जत करता हा। बो पंचायत म खड़्यो होर बा चेलानै चिनेक देर बारनै लेज्याबा ताँई हुकम दिओ।

भेजेड़ा चेला का काम 5:27

बे बानै ल्यार बडी पंचायत क सामै हाजिर कर दिआ, जणा म्हायाजक बाऊँ बोल्या,

भेजेड़ा चेला का काम 5:17

जणा म्हायाजक अर बाकै सागै का सदुकी पंथहाळा मिनख भेजेड़ा चेला प जळबा लागगा। जिकै चलतै बे बाकै खिलाप क्युं कारवाई करबा की सोची।

यहून्ना 18:35

पीळातुस बोल्यो, “के म यहूदि हूँ? तेराई यहूदि मिनख अर परधान याजक तनै मेरै हाता म सूप्या हीं। तू अंय्यां को काँई कर्यो ह?”

लूका 22:66

दिन उगताई यहूदि नेता, परधान याजक अर सास्तरनै सीखाबाळा भेळा होया अर ईसुनै बी पंचायत म पेस कर्यो गयो।

मत्ती 5:22

पण म थारूँ खेऊँ हूँ क ज कोई मिनख कोई पाड़ोसी भाईड़ा प झाळ काडै बिको न्याय होसी। अर ज कोई मिनख कोईकी बेजती करै बिको न्याय पंचायत करसी; अर ज कोई मिनख कोईनै बावळो खेवै बिनै परमेसर नरक की आग म गेरसी।

भेजेड़ा चेला का काम 22:5

अर मेरी इ बात का गुवा म्हायाजक अर म्हासभा का सगळा यहूदि नेता ह। म बाऊँ अधिकार कागद मंडवार इ गेला प चालबाळा यहूदि भायानै पकड़र यरूसलेम ल्यार बंद करबानै दमिसक नगरी जार्यो हो।