भेजेड़ा चेला का काम 3:18 - जीवन को च्यानणो (सेकावाटी नया नियम की पोथ्या)

¹⁸ पण इ बातनै परमेसर बोळी पेल्याई परमेसर की खेबाळा क मुंडाऊँ खुवा दिओ हो, क मसी पिड़ा भोगसी जणा परमेसर बानै अंय्यांई पूरी कर्यो।

भेजेड़ा चेला का काम 3:18 Referans Kwoze

भेजेड़ा चेला का काम 2:23

परमेसर आपका मकसद अर आबाळी बातानै जाणबाळा ज्ञानऊँ पेल्याई ते कर्यो, क ईसु थारा हाता म सूप्यो ज्यासी अर थे पापी मिनखा क हाता बिनै पकड़र बिका हाता म किलां ठोकर बिनै सुळी प चढार मार गेरस्यो।

भेजेड़ा चेला का काम 28:23

जणा बे पोलुस की सुणबा ताँई एक दिन राख्यो। अर बि दिन जठै बो रेहर्यो हो बठै बोळासारा मिनख आर भेळा होया। जणा बो मूसा का नेम-कायदा अर परमेसर की खेबाळा की पोथ्याऊँ ईसु क बारां म समजाबा की कोसिस करतो बानै परमेसर का राज क बारां म समजायो। बो दिनग्याऊँ लेर दिन ढळबा ताँई इमई लाग्यो रिह्यो।

लूका 24:44

अर बाऊँ बोल्यो, “अ बे बाता हीं जखी म जनाड़ै बोली ही जद म थारै सागै हो। अ सगळी बात जखी मूसा का नेम-कायदा म, परमेसर की खेबाळा अर भजना की पोथी म मंडरी ह सगळी पूरी होणीई ही।”

दरसाव 19:10

जणा म बिकी जेजैकार करतो होयो ईस्बर नगरी दुत क आगै धोक खाई। पण बो मेरूँ बोल्यो, “अंय्यां मना करै! क्युं क म तो तेरै अर तेरा साती-संगी भाया क सागै परमेसर को दास हूँ। जखानै ईसु मसी की गुवाई देबा की जिमेबारी दि गई ह। तू परमेसर क धोक खा, क्युं क आ परमेसर की आत्मा ह जखी मिनखानै ईसु मसी क बारा म बोलबा की सक्‍ति देवै ह।”

भेजेड़ा चेला का काम 10:43

अर सगळा परमेसर की खेबाळा बिकै बारां म गुवाई दि ही की जखो बी बिपै बिस्वास करसी बिका पाप ईसु मसी क नाम म धुप ज्यासी।”

2 पतरस 1:21

क्युं क कोईबी भबिस्वाणी मिनखा की इंछ्याऊँ कदैई कोनी आई, पण भगत मिनख पबितर आत्माऊँ परमेसर कानिऊँ बोलता हा।