भेजेड़ा चेला का काम 3:15 - जीवन को च्यानणो (सेकावाटी नया नियम की पोथ्या)

¹⁵ अर बि जिंदगी देबाळानै मार गेर्यो पण परमेसर बिनै मोतऊँ जिंदो कर दिओ, अर इ बात का म्हें गुवा हा।

भेजेड़ा चेला का काम 3:15 Referans Kwoze

भेजेड़ा चेला का काम 2:24

पण परमेसर बिनै मोतऊँ ओज्यु जीवा दिओ क्युं क आ होय कोनी सकै ही क मोत बिकै जेवड़ो घाल्या राखती।

दरसाव 21:6

बो ओज्यु बोल्यो, “सक्यु पूरो होगो। मई अलफा हूँ अर मई ओमेगा हूँ, मई जुगाद हूँ अर मई अंत हूँ। जखो बी तिसायो ह बिनै म सितमित म जीवन का कूंडऊँ पाणी प्यास्युं।

भेजेड़ा चेला का काम 2:32

अर इ ईसुनै परमेसर मरेड़ा मऊँ जीवायो, अर इ बात का आपा सगळा गुवा हां।

इबरानीआ 2:10

सगळी चिजा परमेसर ताँई ह अर सक्यु बिऊँई ह। परमेसरनै भायो क बो आपका घणकराक टाबरानै आपकी मेमा म ल्याबा ताँई ईसुनै दुख क जरिए सिद बणावै। बानै छुटकारो देबाळो ईसुई ह।

1 कुरन्थीयो 15:45

क्युं क पबितर सास्तर म मंडर्यो ह क “पेलो मिनख आदम जिनै एक जिंदा पराणी क रूप रच्यो गयो” पण आखरी मिनख मसी जीवन देबाळी आत्मा ह।

यहून्ना 5:26

क्युं क जंय्यां परम-पिता जीवनदाता ह, ठिक बंय्यांई बो आपका बेटानै बी जीवन देबा को अधिकार दे राख्यो ह।

यहून्ना 1:4

बिमै जीव हो। अर बो जीव सगळा मिनखा को च्यानणो हो।

दरसाव 22:17

पबितर आत्मा अर बनड़ी खेवै ह, “आ!” अर जखो इनै सुणै ह बो बी बोलै ह, “आ!” अर जखो तिसायो ह बो अर जखोबी चावै बो इ जीवन का पाणी का फळनै सितमित म लेले।

1 यहून्ना 5:20

इ बातनै बी आपा जाणा हां क परमेसर को बेटो ईसु मसी आयो अर आपानै समज दिओ जिऊँ आपा सचा परमेसरनै जाण सकां, अर आपा बिकै सागै रेह्‍वां जखो सचो ह, मतबल ईसु मसी क सागै। ओई सचो परमेसर अर अजर-अमर जीवन देबाळो ह।

इबरानीआ 5:9

बो सगळी बाता म निधान होर बा सगळा मिनखा ताँई जखा बिका हुकमानै मानै ह, जुग-जुग ताँई छुटकारा को आधार बणगो।

यहून्ना 17:2

थे बिनै सगळा मिनखा प अधिकार दिओ ह जिऊँ बो बा मिनखानै अजर-अमर जीवन देवै जानै थे टाळ्या हो।

यहून्ना 14:6

ईसु बिऊँ बोल्यो, “सच, जीवन अर गेलो मई हूँ। मेरै बिना कोई परम-पिता कनै कोनी जा सकै।”

यहून्ना 4:14

पण ज मेरा दियड़ा पाणी मऊँ कोई पिसी जणा बो ओज्यु कदैई कोनी तिसायो होसी। बि पाणीऊँ जखो म बानै देस्युँ, बिऊँ बे अजर-अमर जीवन ताँई जीवन देबाळा पाणी को झरनो बणज्यासी।”

यहून्ना 4:10

ईसु जुबाब म बोल्यो, “ज तू परमेसर का बरदाननै जाणती अर आबी क, ‘जखो तेरूँ पीबा ताँई पाणी माँगर्यो ह बो कूण ह, जणा तू बिऊँ माँगती अर बो तनै जीवन देबाळो पाणी देतो।’”

दरसाव 22:1

इकै पाछै ईस्बर नगरी दुत मनै जीवन देबाळी पाणी की नदि दिखाई , बा नदि सिसा की जंय्यां साप ही , बा नदि परमेसर अर उन्या का सिंघासनऊँ भेह्ती होई,

यहून्ना 10:28

म बानै अजर-अमर जीवन द्‍युँ हूँ, अर बे कदैई कोनी मरसी। बानै मेरूँ कोई कोनी खोस सकै।

इफिसुस 1:20

जंय्यां बो इ सक्‍तिनै मसीनै मोतऊँ ओज्यु जीवार बिनै ईस्बर नगरी म आपकै दाणै नाकै बिठाबा ताँई काम म लिनी ही।

भेजेड़ा चेला का काम 5:31

अर परमेसर बिनैई आपका दाया हात कानि उचा पद प बिठार राजकुमार अर बचाबाळो बणायो ह। बो इजरायल का मिनखानै पापऊँ मन फेरबा को मोको अर पाप की माफी देसी।

लूका 24:48

थे आ बाता का गुवा हो।

भेजेड़ा चेला का काम 4:2

अर बे आ दो चेलाऊँ आखता होगा, क्युं क बे बठै मिनखानै आ सीख देर्या हा क ईसु मर के ओज्यु जिंदो होगो अर ओ इ बात को सबूत ह की मरेड़ा ओज्यु जिज्यासी।

इबरानीआ 12:2

आओ ल्यो आपा आपणी आँख्या ईसु प लगावां। जखो बिस्वास को मालिक अर बिनै निधान करबाळो ह। बो आगला सुक क बारां म सोचतो होयो बेजती होबा की चिंत्या कर्या बिना सुळी प दुख भोग्यो अर परमेसर क सिंघासन क दायणै जार बिराजगो।