भेजेड़ा चेला का काम 3:14 - जीवन को च्यानणो (सेकावाटी नया नियम की पोथ्या)

¹⁴ बो पबितर अर धरमी हो। पण थे बिनै तज दिआ, अर एक हत्यारानै छोडबा की पीळातुसऊँ दरखास्त करी।

भेजेड़ा चेला का काम 3:14 Referans Kwoze

मरकुस 1:24

बोल्यो, “ओ ईसु नासरी थारो म्हारो काँई लेणदेण के तू म्हानै तबा करबा ताँई आयो ह, म जाणू हूँ क तू परमेसर को खरो मिनख ह!”

भेजेड़ा चेला का काम 7:52

अंय्यां को कोई परमेसर की खेबाळो होयो हो के जिनै थारा बाप-दादा कोनी सताया हो? बे बा परमेसर की खेबाळानै मार गेर्या जखा बि परमेसर का धरमी दास क आबा को समचार पेल्याई दिआ करता हा। अर ठिक बंय्यांई थे बी बिनै धोकाऊँ पकड़ाबाळा अर मारबाळा होया।

1 पतरस 3:18

क्युं क मसी सगळा का पाप ताँई एकर मर्यो जखो धरमी होर बी पाप की बजेऊँ दुख भोग्यो जिऊँ आपानै परमेसरऊँ मिलावै। बो काया म मर्यो पण आत्मा म जीवायो गयो।

भेजेड़ा चेला का काम 4:27

सचमई थारा अभिसेक करेड़ा पबितर दास ईसु क खिलाप हेरोद अर पिन्तुस को पीळातुस इ नगरी क मांय इजरायल का मिनखा अर गैर-यहूदिआ क सागै कांदाऊँ कांदो मिलार खड़्या होगा।

याकूब 5:6

अर थे धरमी मिनखानै जखा थारै खिलाप कोनी होया, बानै दोसी बतार बाकी हत्या कर दिनी।

भेजेड़ा चेला का काम 22:14

जणा बो मेरूँ बोल्यो, ‘आपणा बाप-दादा को परमेसर तनै इ ताँई टाळ्यो ह क तू बिकी इंछ्या जाणै। अर बि धरमीनै देखै अर बिका मुंडाऊँ बाता सुणै।

दरसाव 3:7

“फिलीदिलफिआ की बिस्वासी मंडळी का मुखियानै मांड। अ बाता बिकै कानिऊँ ह जखो पबितर अर सचो ह अर जिकै कनै दाऊद राजा की नगरी की ताळी ह। अर बो जि दरूजानै खोलै ह बिनै कोईबी कोनी जुड़ सकै अर जिनै बो जुड़ै ह बिनै कोईबी खोल कोनी सकै।

1 यहून्ना 2:1

ओ मेरा टाबरो, म थानै अ बाता इ ताँई मांडूँ हूँ क, थे पाप नइ करो। पण ज कोई मिनख पाप करै ह बिका पाप धोबा ताँई धरमी ईसु मसी आपणै अर परम-पिता क बिचमै बकिल ह जखो आपणानै परमेसर क सामै सई बणावै ह।

2 कुरन्थीयो 5:21

अर जखो कदैई पाप कोनी कर्यो बिनै परमेसर आपणा ताँई पापबली बणायो जिऊँ आपा परमेसर क सामै धरमी बाजां।

भेजेड़ा चेला का काम 2:27

क्युं क तू मेरी आत्मानै पताळ म कोनी छोडसी। अर नइ तू तेरा पबितर दासनै कबर म सिड़बा देसी।

लूका 23:25

अर बो एक आदेस ओर काड्यो क बरअबानै छोड दिओ जावै जिनै मिनख छोडबा की माँग करर्या हा जखो सरकार क खिलाप बगावत अर हत्या का जुरम म जेळ म पड़्यो हो अर ईसुनै बाका हाता म सूप दिओ जिऊँ बे बिकै सागै बा कर सकै जखो बे चावै हा।

लूका 1:35

ईस्बर नगरी दुत खयो, “पबितर आत्मा तेरै प उतरसी अर परम-परधान की सक्‍ति तनै आपकी ओट म ले लेसी, इ बजेऊँ बो पबितर टाबर परमेसर को बेटो खुवासी,

मरकुस 15:11

पण परधान याजक बरअबानै पीळातुसऊँ छुटाबा ताँई भीड़नै पेल्याऊँ उकसा राख्यो हो।

मरकुस 15:7

बि टेम बरअबा नाम को एक मिनख बगावत्या क सागै केद म हो क्युं क बो एक बगावत म एक मिनखनै मार गेर्यो हो।

मत्ती 27:20

पण परधान याजक अर यहूदि नेता जनतानै उकसाया क म्हारै ताँई बरअबानै छोड दे अर ईसुनै मार।

यहून्ना 16:10

बो धारमिक्‍ता क बारां बतासी क्युं क म परम-पिता कनै जार्यो हूँ अर थे मनै ओज्यु कोनी देखस्यो।

यहून्ना 18:40

ओज्यु बे एक सागै चिलाया, “इनै नइ पण बरअबानै छोड दे।” बरअबा एक बागी हो।

भेजेड़ा चेला का काम 5:28

“म्हें थानै ठोक बजार आदेस दिन्यो हो क, बि मिनख का नाम की सीख मना दिज्यो, पण थारै काना प तो जुंई कोनी रिंगी। अर थे सगळा यरूसलेमनै बिकी सीखऊँ भर दिओ, थे काँई चाओ हो? बिको लोय म्हारै माथा मंढबो चाओ हो के?”

भेजेड़ा चेला का काम 13:28

बानै बिमै मारबा जंय्यां को कोई दोस कोनी लाध्यो इकै पाछै बी बे पीळातुसऊँ बिनै मारबा की माँग करी।