भेजेड़ा चेला का काम 26:5 - जीवन को च्यानणो (सेकावाटी नया नियम की पोथ्या)

⁵ बे मनै सदाऊँ जाणता आया हीं अर बे इ बात की गुवाई दे सकीं हीं क म म्हारा धरम का कट्टर पंथ फरिसी क गेल जीतो आयो हूँ।

भेजेड़ा चेला का काम 26:5 Referans Kwoze

भेजेड़ा चेला का काम 23:6

जणा पोलुस आ जा'णर क अठै एक टोळी सदुकीया की अर दुसरी फरिसीया की ह जणा बो पंचायत म जोरऊँ बोल्यो, “ओ यहूदि भाईड़ो, म फरिसी हूँ अर फरिसीया की ओलाद हूँ, अर मरबा क पाछै ओज्यु जी उठबा की मेरी आस की बातनै लेर मेर प मुकदमो चालर्यो ह।”

भेजेड़ा चेला का काम 22:3

“म एक कलिकीया का तरसुस म जलमेड़ो एक यहूदि मिनख हूँ। अर मेरी लिखाई पढाई अठैई इ यरूसलेम नगरी म गमलिएल धरम-गरूजी क कनैई होई ह। अर आपणा बाप-दादा का नेम-कायदा मनै सई ढंगऊँ सीखाया गया हीं। अर जंय्यां थे परमेसरनै मानबा ताँई कट्टर हो बंय्यांई म बी हूँ।

भेजेड़ा चेला का काम 24:5

ओ मिनख अपरादि ह अर म्हें इनै जगत का सगळा यहूदिआ म बबाळ मचाता देख्या हा, अर ओ नासरी पंथ को खास नेता ह।

भेजेड़ा चेला का काम 22:5

अर मेरी इ बात का गुवा म्हायाजक अर म्हासभा का सगळा यहूदि नेता ह। म बाऊँ अधिकार कागद मंडवार इ गेला प चालबाळा यहूदि भायानै पकड़र यरूसलेम ल्यार बंद करबानै दमिसक नगरी जार्यो हो।

भेजेड़ा चेला का काम 24:14

पण म अ बातानै झूठी कोनी बताऊँ क जिनै बे कुपंथ बोलीं हीं, म बि गेलाई मेरा बाप-दादा का परमेसर की भगती करूं हूँ। अर म बा सगळी बाता प बिस्वास करूं हूँ, जखी बाता मूसा का नेम-कायदा अर परमेसर की खेबाळा की पोथ्या म मंडरी ह।

भेजेड़ा चेला का काम 15:5

पण फरिसीया मऊँ बिस्वास म आया क्युंक मिनख खड़्या होर बोल्या, “गैर-यहूदि मिनखानै सुन्नत करार नेम-कायदानै मानबो चाए।”