भेजेड़ा चेला का काम 26:18 - जीवन को च्यानणो (सेकावाटी नया नियम की पोथ्या)

¹⁸ जिऊँ तू बाकी आँख्या खोलै अर बानै अँधेराऊँ च्यानणा म अर सेतान की सक्‍तिऊँ परमेसर कानि ल्यावै, अर मेर प बिस्वास करबाऊँ बानै पापऊँ माफी मिलसी अर जखी बापोत मेरा टाळेड़ा मिनखा ताँई ह बिमै बाको बी हिस्सो होसी।’

भेजेड़ा चेला का काम 26:18 Referans Kwoze

1 पतरस 2:9

पण थे अंय्यां का मिनख कोनी हो। थे तो परमेसर का टाळेड़ा खास मिनख हो। थे स्याही याजका की टोळी अर पबितर कूणबो हो। एक कूणबो जखो परमेसरऊँ निकळ्यो ह। परमेसर थानै अँधकारऊँ ताजूबभर्या च्यानणा म ल्यायो ह। जणा इब थानै चाए क थे बिकी ताजूबभरी बाता को जखी बो करी ह, हेलो पाड़ो। पबितर सास्तर म मंडेड़ो ह,

इफिसुस 1:18

अर म आ बी माँगु हूँ क बिका च्यानणानै देखबा ताँई थारा मन की आँख्या खुलज्यावै जिऊँ थे जाणल्यो क बा कूणसी आस ह जि ताँई बो थानै बुलायो ह? अर बा आ ह क परमेसर का मिनखा म बिऊँ मिलबाळी मेमाभरी पाँती कत्ती मोकळी ह।

इफिसुस 5:8

क्युं क थे इब अँधकार म नइ पण परबु का उजाळा म हो, उजाळो भलाई, धारमिक्‍ता अर सच जंय्यां का फळ ल्यावै ह। इ ताँई उजाळा का टाबरा की जंय्यां जीओ।

भेजेड़ा चेला का काम 20:32

अर इब म थानै परमेसर की साळसमाळ अर बिकी दया का बचना म सूपूँ हूँ जखो थानै तगड़ो करसी अर जखी बापोत परमेसर का सगळा मिनखा ताँई ह बा थानै बी देसी।

2 कुरन्थीयो 4:6

क्युं क बो परमेसरई ह जखो बोल्यो क, “अँधेरा म च्यानणो हो” अर बोई म्हारा हिया म होयो, जिऊँ म्हानै ईसु मसी म परमेसर की मेमा की ज्ञान को च्यानणो मिल सकै।

यहून्ना 8:12

ईसु ओज्यु बोल्यो, “म इ जगत का मिनखा को च्यानणो हूँ। जखो बी मेरै गेल चालसी बो सचो जीवन जिसी, अर बो कदैई पाप का गेला प कोनी जावै।”

लूका 1:79

जिऊँ बो च्यानणो मोत की छाया म सोबाळा अर अँधकार म जिबाळा प चमकसी अर आपानै स्यांती म लेज्यासी।”

इफिसुस 4:18

बाकी मती मरेड़ी ह। बे आपकी अज्ञानता अर हिया की कलडाई की बजेऊँ परमेसर का जीवनऊँ न्यारा ह।

2 कुरन्थीयो 6:14

परमेसर प बिस्वास नइ करबाळा का संगी मना बणो। क्युं क, बुराई को भलाई क सागै अर अँधेरा को च्यानणा क सागै काँई मेळ?

2 कुरन्थीयो 4:4

अर इ दुनिया को ईस्बर जखो सेतान ह बो बा मिनखा की मत मार राखी ह जखा बिस्वास कोनी करीं। जिऊँ बे चोखा समचार का मेमाभर्या उजाळानै कोनी देख सकीं अर मसी जखो परमेसर को रूप ह बिकी मेमा का समचारनै कोनी समजीं।

1 यहून्ना 3:8

जखोबी मिनख पाप करतो रेह्‍वै ह बो सेतान को ह, क्युं क सेतान जुगादऊँई पाप करतो आयो ह। जणाई तो परमेसर को बेटो परगट होयो जिऊँ क बो सेतान का कामा को नास करदे।

भेजेड़ा चेला का काम 2:38

जणा पतरस बोल्यो, “थे थारा पापऊँ तौबा करो ईसु मसी का नाम म बतिस्मो लेल्यो जिऊँ थारा पाप धोया जासी। अर थानै पबितर आत्मा को बरदान मिलसी

1 यहून्ना 5:19

आपा आबी जाणा हां क, सगळा जगत का मिनख सेतान क बस म ह, पण आपा परमेसर का हां।

1 यहून्ना 1:9

पण ज आपा परमेसर क सामै खुदका पापनै मानल्या जणा बो आपणा सगळा पाप माफ कर देसी अर सगळी बुरायाऊँ आपानै सुद कर देसी। क्युं क बो बिस्वास जोगो अर न्याय करबाळो ह।

भेजेड़ा चेला का काम 20:21

अर म यहूदि अर यूनानी मिनखानै पापऊँ मन फेर'र परमेसर कानि मुड़बा अर परबु ईसु मसी प बिस्वास करबा ताँई खेतो रिह्यो।

लूका 24:47

अर बिका नामऊँ पाप की माफी ताँई मन फेरबा का चोखा समचार को यरूसलेमऊँ लेर धरती का सगळा कूणबा म परचार कर्यो जासी।

दरसाव 21:27

कोई असुद चिज तो बिकै मांयनै बड़ई कोनी सकै, अर नइ बे जखा सूगला अर धोकेबाज हीं, पण बि नगरी म तो बेई बड़ सकै ह जखा को नाम उन्या की जीवन हाळी पोथी म मंडर्या ह।

1 पतरस 2:25

क्युं क पेली थे भटकेड़ी लल्ड्या की जंय्यां हा। पण इब थे थारा गुवाळ्या अर थारी आत्मा की रूखाळी करबाळा कनै ओटा आगा हो।

इबरानीआ 11:6

अर बिस्वास क बिना परमेसरनै राजी करबो अणहोतो ह, क्युं क परमेसर क कनै आबाळानै बिस्वास करबो चाए क बो ह अर परमेसरनै लगनऊँ ढुंढबाळानै बो फळ देवै ह।

भेजेड़ा चेला का काम 13:47

क्युं क अ आदेस म्हानै परबु दिओ ह। बो बोलै ह, ‘दुसरा देसा ताँई म थानै च्यानणो बणायो हूँ। जिऊँ ओ होवै की थारै जरिए मुक्‍ति को ओ संदेसो धरती का सगळा मिनखा म फेल जावै।’”

भेजेड़ा चेला का काम 15:9

अर बिस्वासऊँ बाका हियानै धोर आपणा म अर बामै कोई भेद-भाव कोनी कर्यो।

भेजेड़ा चेला का काम 5:31

अर परमेसर बिनैई आपका दाया हात कानि उचा पद प बिठार राजकुमार अर बचाबाळो बणायो ह। बो इजरायल का मिनखानै पापऊँ मन फेरबा को मोको अर पाप की माफी देसी।

यहून्ना 9:5

जद ताँई म इ जगत म हूँ, म इ जगत का मिनखा को च्यानणो हूँ।”

यहून्ना 3:19

बाको न्याय इ आधार प ह क ईस्बर नगरीऊँ च्यानणो धरती प आयो। पण बे च्यानणाऊँ बेत्ती अँधकारऊँ लगाव राख्या। क्युं क बाका करम बुरा हा।

1 यहून्ना 2:12

ओ मेरा टाबरो, म थानै मांडू हूँ, क्युं क ईसु मसी की बजेऊँ थारा पाप धोया गया हीं।

1 पतरस 1:4

इब थे ईस्बर नगरी म धरेड़ी बि बापोत का वारिस होगा हो, जखी नइ तो कदैई नास होबा की अर नइ सिड़बा की अर नइ गुमबा की ह।

यहून्ना 17:17

सच क जरिए थे बानै थारी सेवा करबा ताँई पबितर करो। थारा बचन सचा हीं।

लूका 1:77

अर बानै सीखासी क थारा पाप की माफी मिलबा की बजेऊँ थे बचाया जास्यो।

यहूदा 1:1

म, यहूदा जखो ईसु मसी को दास अर याकूब को भाई हूँ। आ चिठी थानै मांडूँ हूँ, जानै परम-पिता परमेसर बुलायो ह अर जिऊँ बो लाड करै ह, अर थानै जखानै ईसु मसी बचा राख्यो ह।

याकूब 2:5

मेरा लाडला बिस्वास्यो, ध्यानऊँ सुणो, के ईस्बर बानै कोनी टाळ्यो जखा इ जगत का मिनखा की नजर्या म गरीब ह? जिऊँ बे बिस्वास म अमीर होज्यावै अर बि राज का अधिकारी बणै जिनै परमेसर बिऊँ परेम करबाळानै देबा को बादो कर्यो ह।

इबरानीआ 10:14

क्युं क बो एकर का चढावा की बजेऊँ बानै जखा पबितर कर्या जार्या हीं सदा-सदा ताँई सिद कर दे।

गलातियो 3:14

मसी ईसु आपानै इ ताँई छुटायो ह क अब्राहमनै दियड़ो आसिरबाद गैर-यहूदि मिनखानै मिल सकै, जिऊँ आपानै बिस्वास करबा की बजेऊँ पबितर आत्मा मिल सकै जिको करार करेड़ो ह।

लूका 24:45

अर बो पबितर सास्तरनै समजाबा ताँई बाकी बुदी का पाट खोल दिआ।

2 तिमूतियूस 2:26

अर चेतो कर सेतान का जाळऊँ बच ज्यावीं, जखो बानै खुदकी इंछ्या मनवाबा ताँई पकड़ राख्यो ह।

इफिसुस 2:8

क्युं क आ परमेसर की दयाई ह क थे बिपै बिस्वास कर्या जणा थानै बचा लिओ गयो। अर ओ थारा करमा की बजेऊँ कोनी पण परमेसर का दान की बजेऊँ होयो ह। जिऊँ इकै बारां म कोई फांप कोनी मार सकै।

इफिसुस 1:11

परमेसर सगळी चिजा बंय्यांई करी जंय्यां बो ध्यार राखी ही; अर परमेसर आपका मकसद गेल आपणानै बी मसी क सागै बिका मिनख होबा ताँई टाळ्यो जिनै बो बोळी पेल्याऊँई ध्यार राख्यो हो।

1 कुरन्थीयो 1:30

पण परमेसर थानै मसी ईसु म जोड़्यो अर मसीनै थारी बुदी बणायो। अर बिकै जरिएई आपा परमेसर की नजर्या म धरमी हां अर आपा परमेसर का पबितर मिनख बण्या अर अजाद कर्या गया।

लूका 4:18

“परबु की पबितर आत्मा मेर प ह, क्युं क बे मेरो अभिसेक करर भेज्यो ह, क म बोदानै चोखो समचार सुणाऊँ, केद्‍या की अजादि को हेलो पाड़ूँ, आँदानै आँख्या द्‍युँ, दब्या-चिथ्यानै उठाऊँ,

लूका 2:32

ओ बा गैर-यहूदि मिनखा ताँई थारो गेलो दिखाबाळो उजाळो अर थारा इजरायल का मिनखा ताँई मेमा ह।”

मत्ती 4:16

जखा अँधेरा म बेठ्या हा, बे च्यानणो देख्या; अर जखा मोत का काळ म हा बाकै उपर बी च्यानणो चमक्यो।”

इबरानीआ 10:10

अर परमेसर की बि इंछ्याऊँ आपा ईसु मसी की कायानै एकर बलिदान करबा की जरिए पबितर कर दिआ गया हां।

इबरानीआ 9:15

इ बजेऊँ मसी नया करार को बिचोलिओ ह जिऊँ जखा बुलाईड़ा हीं बानै बा बादो करेड़ी जुग-जुग ताँई की बापोत दि जावै। अर बा पापऊँ जखा पेलड़ा करार क तळै आता हा बाकी मर'र किमत चुकाई अर बानै अजाद कर्यो।

इफिसुस 5:14

क्युं क जखो सक्यानै परगट करै ह बो उजाळोई ह। इ ताँई अंय्यां खेयड़ो ह, “ओ सोबाळा, जागज्या अर मरेड़ा मऊँ जी उठ; अर मसी को उजाळो तेरै प भळकसी”

इफिसुस 1:14

आ पबितर आत्मा इ बात की जामनी ह क परमेसर आपका मिनखा ताँई जखो बादो कर्यो ह बो पूरो होज्यासी, अर आपणानै ओ बिस्वास दिलावै क जखा बी बिका ह बानै परमेसर पूरो-पूरो छुटकारो दिलासी जिऊँ बिकी मेमा की जे-जैकार होवै।

इफिसुस 1:7

ईसु मसी की खुदकी मरजीऊँ बिका लोयऊँई आपणो छुटकारो होयो ह अर पापऊँ माफी मिली ह। आ परमेसर की बोळी बडी दया ह,

गलातियो 3:2

म तो थारूँ अत्तो जाणबो चाऊँ हूँ, क थानै पबितर आत्मा को बरदान नेम-कायदानै मानबा की बजेऊँ मिल्यो नहिस जखो चोखो समचार थे सुण्या बिपै बिस्वास करबा की बजेऊँ मिल्यो हो?

गलातियो 2:20

अर इब म खुद जिंदो कोनी हूँ, पण मसी मेरै म जीवै ह। अर ज म काया म जिंदो हूँ तो बस बि बिस्वासऊँ जिंदो हूँ जखो परमेसर का बेटा प ह, जखो मेरूँ परेम कर्यो अर मेरै ताँई खुदनै दे दिओ।

1 कुरन्थीयो 1:2

कुरन्थी नगरी म परमेसर की बिस्वासी मंडळी का मिनखा अर बा सगळा क नाम मांडूँ हूँ, जखा परमेसर का मिनख होबा ताँई बुलाया गया हीं, जखा मसी ईसु क जरिए परमेसरऊँ जुड़ेड़ा हीं। अर बे सगळा जखा हर कठै रेह्‍र म्हारा अर आपणा सगळा का परबु ईसु मसी, को गुणगान करीं हीं।

रोमीयो 8:17

अर ज आपा बिकी ओलाद हां जणा परमेसर का वारिस अर मसी क सागै पाँतीवाळ बी हां, ज आपा बिकै सागै दुख म पाँतीवाळ हां जणा बिकै सागै मेमा म बी पाँतीवाळ हां।

भेजेड़ा चेला का काम 26:23

की मसी बोळा दुख भोगसी, मरसी अर बोई सऊँ पेली मरेड़ा म जिंदो होसी जिऊँ यहूदि अर गैर-यहूदि मिनखा म च्यानणा को हेलो पाड़ै।”

भेजेड़ा चेला का काम 10:43

अर सगळा परमेसर की खेबाळा बिकै बारां म गुवाई दि ही की जखो बी बिपै बिस्वास करसी बिका पाप ईसु मसी क नाम म धुप ज्यासी।”

भेजेड़ा चेला का काम 3:19

इ ताँई थे थारा पापऊँ तौबा करो अर हियानै ईस्बर कानि लगाओ जिऊँ परमेसर थारा पाप धो देसी।

यहून्ना 9:39

ईसु बोल्यो, “म इ जगत म न्याय करबा आयो हूँ, जिऊँ आँदा देख सकै अर आँख्या हाळा आँदा होज्या।”

यहून्ना 4:14

पण ज मेरा दियड़ा पाणी मऊँ कोई पिसी जणा बो ओज्यु कदैई कोनी तिसायो होसी। बि पाणीऊँ जखो म बानै देस्युँ, बिऊँ बे अजर-अमर जीवन ताँई जीवन देबाळा पाणी को झरनो बणज्यासी।”

यहून्ना 4:10

ईसु जुबाब म बोल्यो, “ज तू परमेसर का बरदाननै जाणती अर आबी क, ‘जखो तेरूँ पीबा ताँई पाणी माँगर्यो ह बो कूण ह, जणा तू बिऊँ माँगती अर बो तनै जीवन देबाळो पाणी देतो।’”

मत्ती 4:10

जणा ईसु बिनै बोल्यो, “हे सेतान दूर भागज्या!” पबितर सास्तर म मांडेड़ो ह: “तू परबु परमेसर किई भगती करजे अर बिकिई सेवा करजे।”

भेजेड़ा चेला का काम 26:19

जणा म्हराज अगरीपा, म बि दरसावनै कोनी टाळ्यो जखो मेर कनै ईस्बर नगरीऊँ आयो हो।

इफिसुस 5:11

अर अँधकार का बुरा कामा म सामिल मना होवो जंय्यां मिनख करै ह इकी बजाय बानै बाका बुरा कामा ताँई चेताओ।

इफिसुस 6:12

क्युं क आ राड़ मिनखाऊँ कोनी पण उपरी सक्‍तिया का अधिकारीयाऊँ, अँधकार का हाकीमाऊँ अर बुरी आत्मा की सेनाऊँ ह।