भेजेड़ा चेला का काम 26:16 - जीवन को च्यानणो (सेकावाटी नया नियम की पोथ्या)

¹⁶ पण इब तू उठर खुदका पगा प खड़्यो हो। म तनै मेरो दास बणाबा ताँई दरसाव दिओ हूँ। अर जोक्यु तू आज देख्यो ह अर जखी म तनै आगै दिखास्युं बिनै लोगानै बतातो रेह।

भेजेड़ा चेला का काम 26:16 Referans Kwoze

1 तिमूतियूस 1:12

म आपणा परबु मसी ईसु जखो मनै ताकत दि ह, बिको गुण-एसान मानू हूँ क, बो मनै बिस्वास जोगो जाणर आपकी सेवा सूपी ह।

गलातियो 1:12

क्युं क ओ मनै कोई मिनखऊँ कोनी मिल्यो अर नइ कोई मनै सीखायो, पण ओ मेर प ईसु मसी क जरिए परगट कर्यो गयो।

रोमीयो 15:16

क्युं क गैर-यहूदि मिनखा ताँई मसी ईसु को दास होर म परमेसरऊँ मिलेड़ा चोखा समचार को हेलो पाड़बा ताँई एक याजक की जंय्यां काम करूं हूँ, जिऊँ गैर-यहूदि मिनख पबितर आत्मा क जरिए पूरा का पूरा पबितर होर परमेसर क चढबा जोगो चढावो बण सकै।

कलुसीयो 1:25

थारै भला ताँई परमेसर मनै जखो हुकम दिओ हो, बि बजेऊँई म बिस्वास्या की बिस्वासी मंडळी को दास बणायो गयो हूँ। जिऊँ म परमेसर का चोखा समचार को भरपुरीऊँ हेलो पाड़ूँ।

कलुसीयो 1:23

ओ जणाई हो सकै ह जद थे बिस्वास म एक झघा अर अटल बण्या रह्यो अर जि चोखा समचारनै थे सुण्या हो बिऊँ मिलेड़ी बि आसनै मना तजो। ओ बोई चोखो समचार ह जिको म पोलुस गुलाम बण्यो हूँ अर इकी इ जगत का सगळा मिनखानै सीख दिनी गई ह।

गलातियो 2:2

म बठै कोनी जाबो चातो हो पण म बठै परमेसर की इंछ्या की बजेऊँ गयो। अर म बि चोखा समचार क बारां म चुपचाप बठै की बिस्वासी मंडळी का मुखियानै बतायो जखो म गैर-यहूदि मिनखानै सुणायो हो, क्युं क म अंय्यां कोनी चातो हो मेरी गेलड़ी मेनत बेकार चली जावै।

भेजेड़ा चेला का काम 23:11

बि रात परबु बिनै दरसाव देर बोल्यो, “हिमत बांद अर जंय्यां तू मेरै बारां म अठै गुवाई दि ह, ठिक बंय्यांई तनै रोम म बी देणी पड़सी।”

2 तिमूतियूस 4:5

तू स्यांतीऊँ टिक्यो रेह अर दुख भोगबा ताँई त्यार रेह। चोखा समचारनै बोलबा ताँई कड़ी मेनत कर अर तेरी जुबाबदारीनै चोखा ढंगऊँ निभा।

1 तिमूतियूस 4:6

ज तू भाईड़ानै अ हिदायत देसी जणा तू मसी ईसु को चोखो दास होसी। इऊँ ओ बेरो पड़ै क, आत्मिक रूपऊँ बिस्वास का बचन अर सची सीख तेरै मांयनै ह, जखी तू मानतो आयो ह।

कलुसीयो 1:7

आपणो लाडलो भाई इफरास, जखो आपणै ताँई मसी को संगी बिस्वास जोगो दास ह बिऊँ थानै परमेसर की दया की सीख मिली ही।

2 कुरन्थीयो 5:18

अ सगळी बाता परमेसर करी ह। बो मसी की बजेऊँ आपणै सागै रिस्तो सई कर्यो अर आपानै परमेसर क सागै मिनखा को ओज्यु मेळमिलाप करबा की सेवा दिनी ह।

2 कुरन्थीयो 4:1

म्हारै प परमेसर की दया होई जिऊँ म्हानै आ सेवा मिली ह, जणा म्हें हिमत कोनी हारां।

भेजेड़ा चेला का काम 22:10

जणा म बोल्यो, ‘तो परबु म काँई करूं?’ परबु मेरूँ कह्या, ‘खड़्यो होर दमिसक म जा, अर जोक्यु तनै करबो ह बो तनै बठैई बतायो ज्यासी।’

भेजेड़ा चेला का काम 21:19

जणा बो बानै नमस्कार कर सगळा कामा क बारां म बतायो जखा काम परमेसर बिकी सेवा क जरिए गैर-यहूदिआ क मांयनै कर्यो।

भेजेड़ा चेला का काम 20:24

पण मनै मेरी ज्यान की परवा कोनी म तो बस मेरी भाग दोड़नै पूरी करबो चाऊँ हूँ। अर परमेसर की दया का चोखा समचार सुणाबा को काम जखो परबु मनै सूप्यो ह बिनै पूरो करबो चाऊँ हूँ।

भेजेड़ा चेला का काम 6:4

अर म्हें म्हारो सगळो टेम अरदास करबा अर बचन को परचार करबा अर सीखाबा म लगास्यां।”

भेजेड़ा चेला का काम 1:25

जिऊँ बो थारी सेवा करबा ताँई इ भेजेड़ा चेला का ओदानै ले सकै, जिनै यहूदा छोडर जि झघा जोगो हो बठैई चलेगो।”

भेजेड़ा चेला का काम 1:17

बो आपणा मालोई हो, अर इ सेवा म बिको बी हिस्सो हो।

लूका 1:2

अ सगळी बाता आपानै बे पुगाई जखा आ सगळी बातानै सरूँ घटता देखी। अर जखा बचन को हेलो पाड़बाळा होया।

भेजेड़ा चेला का काम 26:15

जणा म बुज्यो ‘परबु थे कूण हो?’ अर परबु बोल्या, ‘म ईसु हूँ जिनै तू दिन घालै ह।

इफिसुस 3:3

परमेसर आपका भेदनै मेर प परगट कर्यो ह। पिछै बी म, इ कागद म आ बाता क बारां म थोड़ो-भोत थानै मांड्यो हूँ।