भेजेड़ा चेला का काम 26:13 - जीवन को च्यानणो (सेकावाटी नया नियम की पोथ्या)

¹³ तो म्हराज गेला म मनै धोळै दोपारा घणो जोरको च्यानणो जखो आसमानऊँ आर्यो हो मेरै अर मेरै सागै जाबाळा क च्यारूमेर चमकतो दिख्यो। अर बो अत्तो जोरको हो की सूरज को च्यानणो बिकै आगै क्युंई कोनी हो।

भेजेड़ा चेला का काम 26:13 Referans Kwoze

मत्ती 17:2

बठै बा चेला क सामै ईसु को रूप बदलगो। बिको मुंडो बी सूरज की जंय्यां भळका मारबा लाग्यो अर गाबा चमकबा लाग्या।

दरसाव 21:23

नगरीनै सूरज अर चाँद की जुर्त कोनी ही क्युं क बा परमेसर की मेमा का च्यानणाऊँ चमकरी ही अर उन्यो नगरी को दिओ हो।

दरसाव 1:16

अर बो आपका दाया हात म सात तारा ले राख्या हा। बिका मुंडाऊँ दोधारी तलवार बारनै निकळरी ही। अर बिकी सकल दोपारी का भळकता सूरज की जंय्यां ही।

भेजेड़ा चेला का काम 22:6

“अर जद चालतो-चालतो म दमिसक क सांकड़ै लाग्यो जणा दोपारी क टेम आसमानऊँ मेरै च्यारूमेर एक जोरकी बिजळीसी चमकी।

भेजेड़ा चेला का काम 9:3

अर जद चालता-चालता बो दमिसक क सांकड़ै लाग्योक जणा चाणचुकई आसमान मऊँ एक च्यानणो बिपै चमक्यो।

भेजेड़ा चेला का काम 22:9

मेरै सागैहाळा बिजळी को बो च्यानणो सो तो देख्या पण जखो मेरै सागै बात करै हो बिकी उवाज कोनी सुण्या।

भेजेड़ा चेला का काम 26:12

“अर इ लोर म जद म परधान याजकाऊँ अधिकार कागद मंडवार दमिसक जार्यो हो।

भेजेड़ा चेला का काम 26:14

अर म्हें सगळा धरती प पड़गा, अर इबरानी भासा म, म अंय्यां की एक उवाज सुणी ‘साऊल ओ साऊल! तू मनै क्युं दिन घालै ह? आरी क मुंडा प लात मार तू क्याले खुदनै दिन घालै ह।’