भेजेड़ा चेला का काम 26:11 - जीवन को च्यानणो (सेकावाटी नया नियम की पोथ्या)

¹¹ अर बोळीबर म अरदास करबाळी झघा म बानै पिट्यो अर बापै ईसु की बुराई करबा ताँई जोर देतो हो। म बापै झाळा भर'र अत्तो बिकराळ होगो हो क म दिसावर नगर्या म बी जार बानै दिन घाल्या करतो हो।

भेजेड़ा चेला का काम 26:11 Referans Kwoze

भेजेड़ा चेला का काम 22:19

जणा म बोल्यो, ‘परबु जी थे तो जाणोई हो की म यहूदि मिनखा क अरदास करबाळी झघा म जार थार प बिस्वास करबाळा क तड़ा मरवाया करतो हो अर जेळ म गेर दिआ करतो हो।

भेजेड़ा चेला का काम 13:45

इ भीड़नै देखर यहूदि बळगा अर पोलुस की बाता क खिलाप बोलता होया बिकी बुराई करी।

मत्ती 10:17

अर थे मिनखाऊँ हुस्यार रेहज्यो क्युं क बे थानै पकड़र पंचा क हाता सूप देसी अर बे थानै अरदास करबाळी झघा लेज्यार बेत पड़वासी।

भेजेड़ा चेला का काम 22:5

अर मेरी इ बात का गुवा म्हायाजक अर म्हासभा का सगळा यहूदि नेता ह। म बाऊँ अधिकार कागद मंडवार इ गेला प चालबाळा यहूदि भायानै पकड़र यरूसलेम ल्यार बंद करबानै दमिसक नगरी जार्यो हो।

भेजेड़ा चेला का काम 9:1

हाल बी साऊल नाम को मिनख जखो ईसु का चेलानै धमकार्यो हो अर जानऊँ मार्यो हो, बो म्हायाजक क कनै गयो।

2 पतरस 2:16

पण बिका इ बावळापुणा का काम की बजेऊँ बेजुबान गधेड़ी मिनख की उवाज म बोलर बिनै दकाली अर बि परमेसर का खेबाळानै बावळापुणा को काम करबाऊँ रोकी।

याकूब 2:7

के बे मसी का बि चोखा नाम की बुराई कोनी करै जखो थानै दिओ गयो ह?

भेजेड़ा चेला का काम 18:6

पण जद बे मिनख पोलुस को बिरोद अर बिकी बुराई करबा लागगा जणा बो आपको पल्लो झाड़ लिओ अर बोल्यो, “थारी करनी थेई पाओ! इमै मेरी कोई जुबाबदारी कोनी अर इबऊँ म गैर-यहूदि मिनखा क कनै जास्युं।”

लूका 21:12

पण आ सगळी बाता क होबाऊँ पेली हर कठै थानै मेरी बजेऊँ पकड़्यो अर सतायो जासी। थानै अरदास करबाळी झघा म सूप्यो जासी अर जेळ म बंद कर्यो जासी थानै राजा अर राज करबाळा क सामै लेर जासी।

लूका 15:17

जद बो आपका आपा म आयो तो बड़बड़ाबा लाग्यो, ‘मेरा बाप क कनै कत्ताई मजुर ह जखा धापर खावीं हीं बिकै पाछै बी बाकन बच जावै ह। अर म अठै बास्यो मरूँ हूँ।

लूका 6:11

अंय्यां देखर बे लाल-ताता होगा अर भेळा होर बतळाबा लागगा की, “ईसु को काँई करां?”

मरकुस 13:9

पण थे समळर रेहज्यो, थानै पकड़र कचेरी म सूप्यो ज्यासी अर थानै अरदास करबाळी झघा म पिट्यो जासी अर थानै मेरा नाम अर चोखा समचार की बजेऊँ पंचा, राजा अर हाकीमा क सामै खड़्यो कर दिओ जासी जिऊँ थे बानै चोखो समचार बता सको।

मरकुस 3:28

म थानै सची-सची खेऊँ हूँ क, मिनखा का सगळा पाप अठै ताँई परमेसर की बुराई करेड़ी बी माफ हो सकै ह