भेजेड़ा चेला का काम 23:6 - जीवन को च्यानणो (सेकावाटी नया नियम की पोथ्या)

⁶ जणा पोलुस आ जा'णर क अठै एक टोळी सदुकीया की अर दुसरी फरिसीया की ह जणा बो पंचायत म जोरऊँ बोल्यो, “ओ यहूदि भाईड़ो, म फरिसी हूँ अर फरिसीया की ओलाद हूँ, अर मरबा क पाछै ओज्यु जी उठबा की मेरी आस की बातनै लेर मेर प मुकदमो चालर्यो ह।”

भेजेड़ा चेला का काम 23:6 Referans Kwoze

भेजेड़ा चेला का काम 24:21

इनै छोडर की म उची उवाज म बोल्यो हो क, ‘म मरबा क पाछै ओज्यु जी उठबा की बात प बिस्वास करूं हूँ’ इ बजेऊँ आज थे मेरो न्याय करो हो।”

भेजेड़ा चेला का काम 24:15

अर जंय्यां अ परमेसर म आस राखै ह बंय्यांई म बी राखूँ हूँ की सगळा धरमी अर अधरमी दोन्या को ओज्यु जी उठबो होसी।

फलिपी 3:5

म जद आठ दिन को हो जणा मेरी सुन्नत होई ही। म जलमजात इजरायली, बिन्यामीन का कूणबा को अर इबरानी माँ-बापऊँ पैदा होयड़ो सागे इबरानी हूँ। अर जठै ताँई नेम-कायदा म लगाव राखबा की बात ह जणा म फरिसी हूँ।

भेजेड़ा चेला का काम 28:20

इ ताँई म थारूँ मिलबो अर बातचित करबो चावै हो। क्युं क मसी ताँई इजरायली मिनखा की आस की बजेऊँई म साँकळाऊँ बंदर्यो हूँ।”

मत्ती 22:23

जनाड़ैई सदुकी बी ईसु कनै आया। बे मरेड़ा मऊँ ओज्यु जी उठबानै कोनी मानता हा। बे ईसुनै बुज्या,

भेजेड़ा चेला का काम 22:5

अर मेरी इ बात का गुवा म्हायाजक अर म्हासभा का सगळा यहूदि नेता ह। म बाऊँ अधिकार कागद मंडवार इ गेला प चालबाळा यहूदि भायानै पकड़र यरूसलेम ल्यार बंद करबानै दमिसक नगरी जार्यो हो।

मत्ती 10:16

“सुणो म थानै ल्याळ्या क मांयनै लल्ड्या की जंय्यां भेजर्यो हूँ। इ ताँई थे साँप जंय्यां चलाक अर कबूतर की जंय्यां भोळा रेहज्यो।

मत्ती 3:7

जद बो देख्यो क बोळासारा फरिसी अर सदुकी पाणी को बतिस्मो लेबा ताँई बिकन आर्या हीं, जणा बो बाऊँ बोल्यो, “अरै सपोलो, परमेसर की सजाऊँ थे बच सको हो इ बात क बारां म थानै कूण बता दिओ?

भेजेड़ा चेला का काम 22:3

“म एक कलिकीया का तरसुस म जलमेड़ो एक यहूदि मिनख हूँ। अर मेरी लिखाई पढाई अठैई इ यरूसलेम नगरी म गमलिएल धरम-गरूजी क कनैई होई ह। अर आपणा बाप-दादा का नेम-कायदा मनै सई ढंगऊँ सीखाया गया हीं। अर जंय्यां थे परमेसरनै मानबा ताँई कट्टर हो बंय्यांई म बी हूँ।

भेजेड़ा चेला का काम 22:30

सऊँ पेली पलटण को सरदार आ जाणबो चायो क यहूदि पोलुस क खिलापत म काँई दोस लगार्या हीं। इ ताँई बो दुजै दिन बिका हात-पग खुलवाया अर परधान याजक अर सगळी म्हासभानै भेळा होबा ताँई ओडायो। जणा पोलुसनै ल्यार बाकै सामै खड़्यो कर दिओ।

भेजेड़ा चेला का काम 23:1

पोलुस म्हापंचायत क कानि एक टक देखर बोल्यो, “इजरायल का यहूदि भाईड़ो, म हाल ताँई परमेसर क सामै ईमानदारी क सागै साप मनऊँ जियो हूँ।”

भेजेड़ा चेला का काम 23:7

पोलुस क अ बाता खेताई फरिसी अर सदुकीया म खिचा-ताणी होबा लागगी अर पंचायत म फूट पड़गी।

भेजेड़ा चेला का काम 23:15

जणा इब थे अर म्हापंचायत का सगळा जणा पलटण का सरदार क कनै जार ओ भानो लेल्यो क थे बिका मुकदमा क बारां म ठिक-ठिक जाच करबो चाओ हो, बिनै थारै कनै ल्याबा की बोलो, अर म्हें बिनै थारै कनै पुगबाऊँ पेलीई मार देस्यां।”

भेजेड़ा चेला का काम 23:20

बो बिऊँ बोल्यो, “यहूदि आ साजिस करी, क थे पोलुसनै इ भानै पंचायत म लेर आओ अर अंय्यां मानो जंय्यां क बे बिकी ओर चोखी ढाळ जाच करबो चावीं हीं।

कलुसीयो 1:5

अंय्यां बि आस करेड़ी चिज की बजेऊँ होयो ह जखी थारै ताँई ईस्बर नगरी म धरेड़ी ह। अर जिकै बारां म थे पेल्याऊँई चोखा समचार जखो सचो ह बिमै सुण लिआ हो।

इबरानीआ 6:19

आपणी आ आस बि निम का भाठा की जंय्यां ह जखी आपणा हियानै थाम्यो राखै जिऊँ आपणो बिस्वास नइ हालै। अर आपणी आस की बजेऊँई आपा अंय्यां का हां मानो आपा परमेसर की बि झघा म बड़गा जिमै खाली म्हायाजकई बड़ सकै ह जखी परदाऊँ ढकेड़ी ही।