भेजेड़ा चेला का काम 23:21 - जीवन को च्यानणो (सेकावाटी नया नियम की पोथ्या)

²¹ पण थे बाकी मना मानज्यो, क्युं क बामैऊँ चाळिसऊँ बेसी मिनख बिकी घात म बेठ्या हीं, जखा आ सोगन खाराखी ह क, जद ताँई बे पोलुसनै नइ मार गेरीं जणा ताँई क्युंई कोनी खावीं पीवीं। अर बे इब त्यार हीं अर तेरी हामळनै उडिकीं हीं।”

भेजेड़ा चेला का काम 23:21 Referans Kwoze

2 कुरन्थीयो 11:26

म बोळीबर लामो-लामो सफर कर्यो, कई बर तो म उफणती नद्‍या को तो कदै डाकूआ का खतरा को सामनो कर्यो। खुदका मिनखाऊँ खतरा को सामनो कर्यो अर गैर-यहूदि मिनखाऊँ बी खतरा को सामनो कर्यो। नगर्या म, उजाड़ म, अर समदर म मनै तो खतरोई मिल्यो। अर बा मिनखाऊँ बी जखा खुदनै बिस्वासी बतावीं हीं बाऊँ बी मनै तो खतरोई मिल्यो।

रोमीयो 9:3

ज मेरा बस म होतो क, म मेरा यहूदि भाई-भाणा अर मेरा देस का मिनखा ताँई सराप खुद प ले लेतो, अर मसीऊँ न्यारो होज्यातो।

भेजेड़ा चेला का काम 25:3

अर बे बिऊँ दरखास्त करी क बो पोलुसनै कैसरियाऊँ यरूसलेम भेजै, क्युं क बे बिनै गेला मई मारबा की साजिस कर राखी ही।

भेजेड़ा चेला का काम 20:19

अर थानै आ बताबा की जुर्त तो आथ कोनी क यहूदि मिनख जद एको कर मेरै खिलाप होगा हा। जिऊँ मेर प कत्ती तुमत आई ही पण आकै बावजुद बी म दिन-रात नरमाई अर आसुआ क सागै कंय्यां परबु की सेवा करतो रिह्यो।

लूका 11:54

क्युं क बे हा जखा बिनै बिकिई बात म फसाबा की फिराक म हा।

भेजेड़ा चेला का काम 23:22

जणा पलटण को सरदार ओ आदेस देर मोट्यारनै बिदा कर्यो, “आ कोईनैई मना खिजे क तू मनै अ बाता बताई ह।”