भेजेड़ा चेला का काम 22:5 - जीवन को च्यानणो (सेकावाटी नया नियम की पोथ्या)

⁵ अर मेरी इ बात का गुवा म्हायाजक अर म्हासभा का सगळा यहूदि नेता ह। म बाऊँ अधिकार कागद मंडवार इ गेला प चालबाळा यहूदि भायानै पकड़र यरूसलेम ल्यार बंद करबानै दमिसक नगरी जार्यो हो।

भेजेड़ा चेला का काम 22:5 Referans Kwoze

लूका 22:66

दिन उगताई यहूदि नेता, परधान याजक अर सास्तरनै सीखाबाळा भेळा होया अर ईसुनै बी पंचायत म पेस कर्यो गयो।

भेजेड़ा चेला का काम 5:21

जणा बे बिकी बात मानर भागपाट्याई मनदर म जा लिआ अर बठै सीख देबा लागगा। बठिनै म्हायाजक अर बिकाळा साती, इजरायल म रेह्बाळा सगळा बूडा-ठेरा की पंचायत बुलार बानै भेळा कर्या अर कोठड़ी म खुवा भेज्यो क बानै पंचायत क सामै हाजिर करो।

1 तिमूतियूस 4:14

तेरै मांयनै जखो आत्मिक बरदान ह जखो तनै बि टेम मिल्यो हो जद परमेसर की खेबाळा अर बिस्वासी मंडळी का मुखिया तेरा सीर प तनै आसिरबाद देबा ताँई हात मेहल्या हा, बि बरदान बई लापरवा मना हो।

भेजेड़ा चेला का काम 28:21

बे बिऊँ बोल्या, “म्हानै नइ तो तेरै बारां म यहूदिआऊँ कोई कागद आयो अर नइ बठैऊँ आएड़ा यहूदि भाई तेरै बारां म कोई बुरो समचार दिओ अर नइ तेरै बारां म क्युं गळत बात बोली।

भेजेड़ा चेला का काम 26:12

“अर इ लोर म जद म परधान याजकाऊँ अधिकार कागद मंडवार दमिसक जार्यो हो।

भेजेड़ा चेला का काम 26:10

अर म यरूसलेम म अंय्यांई कर्यो हो। अर परधान याजकाऊँ अधिकार लेर परमेसर का मिनखानै जेळ म गेर्यो हो अर जद बानै मार गेर्यो जातो हो जणा म बी बाकै खिलाप मेरी हामी देतो हो।

भेजेड़ा चेला का काम 22:1

“यहूदि भाईड़ो, अर बडको मेरो पक्ष बी सुणो।”

भेजेड़ा चेला का काम 13:26

सुणो मेरा यहूदि भाईड़ो, अब्राहम की संतानो अर गैर-यहूदि परमेसर का भगतो! छुटकारा का अ बचन थारै कनैई पुग्या हीं।

भेजेड़ा चेला का काम 9:14

अर अठै बी ओ परधान याजकाऊँ अधिकार लेर तेरो नाम लेबाळानै गिरफदार करबा ताँई आयो ह।”

भेजेड़ा चेला का काम 4:5

आगला दिन यहूदि नेता, बडका अर नेम-कायदानै सीखाबाळा यरूसलेम म भेळा होया

भेजेड़ा चेला का काम 1:15

जणा पाछै बा दिना म पतरस बा बिस्वासी भाई-भाणा म खड़्यो होर बोल्यो जखा गिणत-माणत का एक सो बिस हा,

भेजेड़ा चेला का काम 2:29

“मेरा यहूदि भाई-भाणो सुणो, म थानै आपणा कूणबा का बडका मऊँ राजा दाऊद क बारां म साप-साप बताऊँ हूँ। बो मर्यो अर बिनै गाड दिओ। बिकी कबर हाल ताँई आपणै अठैई ह।

भेजेड़ा चेला का काम 3:17

अर यहूदि भाई-भाणो, म जाणू हूँ क थे अर थारा यहूदि नेता जोक्यु बी कर्या बो अणभोळ म कर्या हा।

भेजेड़ा चेला का काम 23:1

पोलुस म्हापंचायत क कानि एक टक देखर बोल्यो, “इजरायल का यहूदि भाईड़ो, म हाल ताँई परमेसर क सामै ईमानदारी क सागै साप मनऊँ जियो हूँ।”

भेजेड़ा चेला का काम 23:6

जणा पोलुस आ जा'णर क अठै एक टोळी सदुकीया की अर दुसरी फरिसीया की ह जणा बो पंचायत म जोरऊँ बोल्यो, “ओ यहूदि भाईड़ो, म फरिसी हूँ अर फरिसीया की ओलाद हूँ, अर मरबा क पाछै ओज्यु जी उठबा की मेरी आस की बातनै लेर मेर प मुकदमो चालर्यो ह।”

भेजेड़ा चेला का काम 26:11

अर बोळीबर म अरदास करबाळी झघा म बानै पिट्यो अर बापै ईसु की बुराई करबा ताँई जोर देतो हो। म बापै झाळा भर'र अत्तो बिकराळ होगो हो क म दिसावर नगर्या म बी जार बानै दिन घाल्या करतो हो।

भेजेड़ा चेला का काम 28:17

अर तीन दिना क पाछै पोलुस बठै का यहूदि बडका की एक सभा बुलाई। अर जद बे भेळा होया जणा बो बाऊँ बोल्यो, “यहूदि भाईड़ो, म आपणा मिनखा अर बाप-दादा का रिती-रिवाजा क खिलाप क्युंई कोनी कर्यो इकै बावजुद बी यरूसलेम म बंदि बणार रोमी मिनखा क हाता म सूप्यो गयो।

गलातियो 1:13

अर थे जाणो हो क म पेली यहूदि मत म कंय्यांसिक जीआ करतो हो। अर थे ओ बी जाणो हो क म परमेसर की बिस्वासी मंडळी का मिनखानै कंय्यां सताया करतो अर बिनै मिटाबा की कोसिस करतो हो।

फलिपी 3:6

ज मेरा जोस क बारां म सुणबो चाओ जणा म बिस्वासी मंडळीनै दिन घालबाळो; अर नेम-कायदा का हुकमानै मानबाळो धरमी अर निरदोस आदमी हो।