भेजेड़ा चेला का काम 22:3 - जीवन को च्यानणो (सेकावाटी नया नियम की पोथ्या)

³ “म एक कलिकीया का तरसुस म जलमेड़ो एक यहूदि मिनख हूँ। अर मेरी लिखाई पढाई अठैई इ यरूसलेम नगरी म गमलिएल धरम-गरूजी क कनैई होई ह। अर आपणा बाप-दादा का नेम-कायदा मनै सई ढंगऊँ सीखाया गया हीं। अर जंय्यां थे परमेसरनै मानबा ताँई कट्टर हो बंय्यांई म बी हूँ।

भेजेड़ा चेला का काम 22:3 Referans Kwoze

भेजेड़ा चेला का काम 26:5

बे मनै सदाऊँ जाणता आया हीं अर बे इ बात की गुवाई दे सकीं हीं क म म्हारा धरम का कट्टर पंथ फरिसी क गेल जीतो आयो हूँ।

भेजेड़ा चेला का काम 9:11

जणा परबु बिऊँ बोल्यो, “खड़्यो होर सिदी नाम की गळी क मांयनै यहूदा क घरा जार तरसुस का रेह्बाळा साऊल नाम का एक मिनख क बारां म बुज। देख, बो इब अरदास करर्यो ह अर

भेजेड़ा चेला का काम 5:34

पण बामै गमलिएल नाम को एक फरिसी जखो यहूदि नेम-कायदा सीखाबाळो हो अर सगळा मिनख बिकी ईज्जत करता हा। बो पंचायत म खड़्यो होर बा चेलानै चिनेक देर बारनै लेज्याबा ताँई हुकम दिओ।

भेजेड़ा चेला का काम 21:39

जणा पोलुस बोल्यो, “अजी म बो कोनी। म तो कलिकीया की मानेड़ी नगरी तरसुस को रेह्बाळो यहूदि मिनख हूँ। म थारूँ हात जो'ड़र खेऊँ हूँ की थे मनै मिनखाऊँ बात करबा को मोको द्‍यो।”

भेजेड़ा चेला का काम 21:20

आ सुणर बे परमेसर की बडाई करबा लागगा अर इकै पाछै बोल्या, “मेरा लाडला बिस्वासी भाईड़ा, तू देखै ह क यहूदिआऊँ मिनख झारा की तादाद म बिस्वास कर्या हीं अर मूसा का नेम-कायदा प चालबा ताँई कट्टर हीं।

2 कुरन्थीयो 11:22

बे इबरानी हीं, जणा म बी तो इबरानी हूँ। बे इजरायल का हीं, जणा म बी तो इजरायल को हूँ। बाकी जड़ अब्राहम ह, जणा मेरी जड़ बी तो अब्राहमई ह।

लूका 10:39

अर बिकी एक भाण ही जिको नाम मरीयम हो, बा परबु का पगा कनै बेठर बिका बचन सुणरी ही।

रोमीयो 11:1

जणा म बुजूँ हूँ, “के परमेसर आपका मिनखानै तज दिओ?” नइ, अंय्यां कोनी। क्युं क म बी अब्राहम का बंस अर बिन्यामीन का गोत को इजरायली हूँ।

भेजेड़ा चेला का काम 23:6

जणा पोलुस आ जा'णर क अठै एक टोळी सदुकीया की अर दुसरी फरिसीया की ह जणा बो पंचायत म जोरऊँ बोल्यो, “ओ यहूदि भाईड़ो, म फरिसी हूँ अर फरिसीया की ओलाद हूँ, अर मरबा क पाछै ओज्यु जी उठबा की मेरी आस की बातनै लेर मेर प मुकदमो चालर्यो ह।”

भेजेड़ा चेला का काम 6:9

पण अजाद बिस्वासी मंडळी नाम की एक यहूदि अरदास करबाळी झघा का क्युंक यहूदि मिनख जखा कुरेन, सिकन्दरिआ, कलिकीया नगर्याऊँ अर एसिया परदेसऊँ आएड़ा हा, बे बिकै सागै जिरै करबा लाग्या।

गलातियो 1:21

अर म बिकै पाछै सिरीया अर कलिकीया दिसावरा म गयो।

गलातियो 1:14

अर म यहूदि मत को पालन करबा म दुसरा यहूदि मिनखाऊँ कट्टर हो, अर आपणा बडकाऊँ आपानै जखा रिती-रिवाज मिल्या हा बानै म निभातो हो।

भेजेड़ा चेला का काम 23:34

बो कागद बाचर बो पोलुसनै बुज्यो, “तू कूणसा इलाका को ह?” अर जद बिनै ओ बेरो पड़गो क कलिकीया को ह

भेजेड़ा चेला का काम 15:41

अर बो बिस्वासी मंडळ्यानै मजबूत करतो सिरीया अर कलिकीया इलाकाऊँ होतो होयो गयो।

भेजेड़ा चेला का काम 15:23

बाकै हात बे अंय्यां मांडर भेज्या क, “अंताकीया, सिरीया अर कलिकीया म रेह्बाळा गैर-यहूदि बिस्वासी भायानै भेजेड़ा चेला अर यरूसलेम की बिस्वासी मंडळी का मुखिया को नमस्कार।

भेजेड़ा चेला का काम 11:25

बरनाबास साऊलनै टोबा तरसुस नगरी चलेगो।

भेजेड़ा चेला का काम 9:30

अर जद बिस्वासी भाई-भाणानै इ बात को बेरो पड़्यो जणा बे बिनै कैसरिया लिआया अर बठैऊँ तरसुस भेज दिआ।

लूका 8:35

जणा जोक्यु बठै घट्यो बिनै देखबा ताँई लोग गया, अर जद बे ईसु कनै पुग्या जणा बि आदमीनै जिमैऊँ ओपरी बलाय भागगी ही बिनै ईसु क पगा म, पूरा गाबा पेर्या अर सतूना म बेठ्यो देखर बे सगळा का सगळा डरग्या।

लूका 2:46

तीन दिना क पाछै बो बानै ज्ञानीधान्या म बेठ्यो बाकी सुणतो अर बाऊँ सुवाल जुबाब करतो मनदर म लाध्यो।

भेजेड़ा चेला का काम 9:1

हाल बी साऊल नाम को मिनख जखो ईसु का चेलानै धमकार्यो हो अर जानऊँ मार्यो हो, बो म्हायाजक क कनै गयो।

भेजेड़ा चेला का काम 26:9

“म बी सोच्यो हो, जोक्यु मेरूँ हो सकै बो म नासरत का ईसु नाम क खिलाप करूं।