भेजेड़ा चेला का काम 22:16 - जीवन को च्यानणो (सेकावाटी नया नियम की पोथ्या)

¹⁶ इब देर क्याकी? खड़्यो हो बतिस्मो ले अर बिका नामऊँ अरदास कर जिऊँ परमेसर तेरा पाप धो दे।’

भेजेड़ा चेला का काम 22:16 Referans Kwoze

भेजेड़ा चेला का काम 2:38

जणा पतरस बोल्यो, “थे थारा पापऊँ तौबा करो ईसु मसी का नाम म बतिस्मो लेल्यो जिऊँ थारा पाप धोया जासी। अर थानै पबितर आत्मा को बरदान मिलसी

भेजेड़ा चेला का काम 2:21

अर जखा बी परबु को नाम लेवै ह, बानै बचायो ज्यासी।’

इबरानीआ 10:22

जणा आओ, आपा सचा हिया अर पूरा बिस्वास क सागै मन का बुरा बिचारानै छिड़कावऊँ सुद करवार कायानै पबितर पाणीऊँ धुलवार परमेसर क कनै चालां।

तितूस 3:5

अंय्यां इ ताँई कोनी होयो क आपा धरम का करम कर्या हा, पण आ बिकी दयाई ह की बो आपानै पबितर आत्मा क जरिए बचायो ह जखी आपानै धोर नयो जलम अर नई जिंदगी देवै ह।

1 कुरन्थीयो 6:11

अर थारै म बी पेल्या क्युंक मिनख अंय्यां का हा, पण इब थानै परबु ईसु मसी अर परमेसर की पबितर आत्मा क जरिए पापऊँ धोर पबितर कर परमेसर क सागै सई होबा ताँई परमेसरनै सूप दिओ गयो ह।

1 पतरस 3:21

अर बा पाणी की बाढ बतिस्मा की जंय्यां ही, बतिस्मो जखो थारो छुटकारो करै ह पण इ बतिस्मा को मतबल काया का मेलनै धोबो कोनी पण अन्तर-आत्मानै सुद कर खुदनै परमेसर कानि मोड़बो ह। क्युं क ईसु मसी मरेड़ा मऊँ ओज्यु जीवायो गयो ह।

गलातियो 3:27

अर थार मऊँ जत्ता बी मसी म बतिस्मो लिआ हो बे मसीनै गाबा की जंय्यां पेर लिआ हीं।

1 कुरन्थीयो 12:13

क्युं क आपा सगळा चाए यहूदि हो चाए यूनानी, चाए दास हो, चाए अजाद सगळा एकई पबितर आत्माऊँ एक काया होबा ताँई पबितर आत्मा को बतिस्मो लिओ ह अर आपानै एकई पबितर आत्मा को दान दिओ गयो ह।

भेजेड़ा चेला का काम 9:14

अर अठै बी ओ परधान याजकाऊँ अधिकार लेर तेरो नाम लेबाळानै गिरफदार करबा ताँई आयो ह।”

1 कुरन्थीयो 1:2

कुरन्थी नगरी म परमेसर की बिस्वासी मंडळी का मिनखा अर बा सगळा क नाम मांडूँ हूँ, जखा परमेसर का मिनख होबा ताँई बुलाया गया हीं, जखा मसी ईसु क जरिए परमेसरऊँ जुड़ेड़ा हीं। अर बे सगळा जखा हर कठै रेह्‍र म्हारा अर आपणा सगळा का परबु ईसु मसी, को गुणगान करीं हीं।

भेजेड़ा चेला का काम 9:18

अर जदकी जद मछी का छिलका जंय्यां की कोई चिज बिकी आँख्याऊँ गिरी अर बिनै सुजबा लागगो जणा बो खड़्यो होयो अर बतिस्मो लिओ।

यहून्ना 13:8

पतरस बिऊँ बोल्यो, “नइ आ कदैई कोनी हो सकै क, थे मेरा पग धोओ!” ईसु बोल्यो, “ज म तेरा पग नइ धोऊँ जणा तू मेरो चेलो कोनी।”

भेजेड़ा चेला का काम 7:59

अर बे बिपै भाठा बगाबा लागर्या हा बि टेमई बो परमेसरऊँ आ खेतो अरदास करबा लाग्यो, “ओ परबु ईसु मेरा पिराणानै थारै कनै बुलाल्यो।”

इफिसुस 5:26

जिऊँ बिस्वासी मंडळीनै मसी परमेसर का बचना अर पाणी का बतिस्माऊँ धोर पबितर अर उजळी बणावै,