भेजेड़ा चेला का काम 22:1 - जीवन को च्यानणो (सेकावाटी नया नियम की पोथ्या)

¹ “यहूदि भाईड़ो, अर बडको मेरो पक्ष बी सुणो।”

भेजेड़ा चेला का काम 22:1 Referans Kwoze

भेजेड़ा चेला का काम 7:2

जणा सतफनुस बोल्यो, “यहूदि भाई-भाणो अर मेरा बाप समान बडको मेरी सुणो। थानै बेरो होवै तो जद आपणो बाप अब्राहम हारान देस म बसबाऊँ पेली मिसोपोटामिआ म हो। जणा मेमाऊँ भरेड़ो परमेसर बिकै सामै परगट होयो।

2 तिमूतियूस 4:16

जद पेली बर कचेरी म मनै लेर गया, जणा मेरा बचाव म मेरो सागो कोई कोनी दिओ, पण सगळा का सगळा मनै तज दिआ। ज हो सकै तो परमेसर बाऊँ इको हिसाब नइ लेवै।

1 पतरस 3:15

पण मसीनै थारा हिया को मालिक मानो अर ज कोई थारूँ थारी आस क बारां म क्युं बुजै, जणा थे बिनै मान अर कदर क सागै जुबाब देबा ताँई सदाई त्यार रेह्‍ओ।

फलिपी 1:7

थारै बारां म अंय्यां सोचबो मेर ताँई सई ह, क्युं क थे मेरा काळज्या म बसर्या हो। बि सोभाग म थे सगळा पाँतीवाळ हो जखो परमेसर मनै दिओ, चाएस म जद अब जेळ म हूँ अर नहिस जद म अजादिऊँ चोखा समचार क सच को सबूत देर बिनै पुक्‍ता करबा म लागर्यो हो।

2 कुरन्थीयो 12:19

हो सकै ह! थे अंय्यां सोचो हो क, म्हें अंय्यां बोलर खुदको बचाव करर्या हां। नइ! म्हें मसी का दास होर बोल्या, अर इ बात को गुवा परमेसर ह। ओ मेरा लाडला भाईड़ो! म्हें जोक्यु बी कर्या बो थानै आत्मिक रूपऊँ मजबूत करबा ताँई कर्या।

2 कुरन्थीयो 7:11

थेई बताओ जखो दुख परमेसर थानै दिओ बिकी बजेऊँ थे कत्ता राजी हो, थे बात का खरा, गळत की भीड़ नइ लेबाळा, परमेसर क डर म रेह्बाळा, म्हारूँ मिलबा की लगन राखबाळा, हिमत राखबाळा अर पापी को न्याय चुकाबाळा होगा। थे अंय्यां कर सगळी बाता म आ दिखा दिआ हो, क थे पबितर हो।

1 कुरन्थीयो 9:3

अर जखा मिनख मेरी जाच पड़ताळ करबो चावीं हीं बा ताँई मेरो जुबाब ह।

रोमीयो 2:15

बाका काम आ दिखावै ह क नेम-कायदो बाका मना प मंडर्यो ह, बाकी अन्तर-आत्मा गुवाई देवै ह, कदै-कदै बाका बिचार बापै दोस लगावै अर कदै-कदै बानै बचावै ह।

भेजेड़ा चेला का काम 28:17

अर तीन दिना क पाछै पोलुस बठै का यहूदि बडका की एक सभा बुलाई। अर जद बे भेळा होया जणा बो बाऊँ बोल्यो, “यहूदि भाईड़ो, म आपणा मिनखा अर बाप-दादा का रिती-रिवाजा क खिलाप क्युंई कोनी कर्यो इकै बावजुद बी यरूसलेम म बंदि बणार रोमी मिनखा क हाता म सूप्यो गयो।

भेजेड़ा चेला का काम 26:24

अंय्यां बोलर जद पोलुस खुदको बचाव करर्यो हो, जणा फेतूस जोरऊँ बोल्यो, “पोलुस! तू बावळो ह, तेरी घणी बिद्‍या तनै बावळो करै ह।”

भेजेड़ा चेला का काम 25:16

जणा म बाऊँ बोल्यो, रोम्या म ओ चलन कोनी की कोईनै बी बिकी बात सुण्या पेली अर जद ताँई बिपै दोस मंढबाळानै बिकै आमै-सामै कोनी कर्यो जा, सजा ताँई सूप दे।

भेजेड़ा चेला का काम 25:8

पण पोलुस आपका बचाव म बोल्यो, “म यहूदिआ का कानून, मनदर अर रोमी समराट मऊँ कोई क खिलाप क्युंई गळत कोनी कर्यो।”

भेजेड़ा चेला का काम 24:10

अर जद अधिकारी पोलुसनै बोलबा ताँई इसारो कर्यो, जणा बो बोल्यो, “म आ जा'णर की थे बोळा बरसाऊँ यहूदि मिनखा को न्याय कर्या हो, जणा म राजी होर तेरै सामै मेरो पक्ष धरूँ हूँ।

भेजेड़ा चेला का काम 23:6

जणा पोलुस आ जा'णर क अठै एक टोळी सदुकीया की अर दुसरी फरिसीया की ह जणा बो पंचायत म जोरऊँ बोल्यो, “ओ यहूदि भाईड़ो, म फरिसी हूँ अर फरिसीया की ओलाद हूँ, अर मरबा क पाछै ओज्यु जी उठबा की मेरी आस की बातनै लेर मेर प मुकदमो चालर्यो ह।”

भेजेड़ा चेला का काम 23:1

पोलुस म्हापंचायत क कानि एक टक देखर बोल्यो, “इजरायल का यहूदि भाईड़ो, म हाल ताँई परमेसर क सामै ईमानदारी क सागै साप मनऊँ जियो हूँ।”

भेजेड़ा चेला का काम 19:33

जणा यहूदि सिकन्दरनै आगै भेज्या अर बो आपका बचाव पक्ष म मिनखानै हात हला-हलार बोलबा लाग्यो।

भेजेड़ा चेला का काम 13:26

सुणो मेरा यहूदि भाईड़ो, अब्राहम की संतानो अर गैर-यहूदि परमेसर का भगतो! छुटकारा का अ बचन थारै कनैई पुग्या हीं।

लूका 21:14

जणा आ बाता क होबाऊँ पेली थे थारा मननै त्यार करल्यो। अर थे थारो बचाव कंय्यां करस्यो इ बात की चिंत्या मना करो।

लूका 12:11

जद थानै पकड़र अरदास करबाळी झघा का परधान क सामै नहिस राजा अर अधिकारीया क सामै लेज्यावै। बि टेम थे चिंत्या मना करज्यो की थानै थारा बचाव म काँई बोलबो ह?