भेजेड़ा चेला का काम 20:6 - जीवन को च्यानणो (सेकावाटी नया नियम की पोथ्या)

⁶ अर जंय्यांई बिना खमिर की रोटी को त्युंहार सलट्योक, म्हें पाणी का झाजऊँ पाच दिना पाछै तरोआस पुग्या जठै म्हें सात दिन ताँई रिह्या।

भेजेड़ा चेला का काम 20:6 Referans Kwoze

भेजेड़ा चेला का काम 12:3

अर आ देखर क अंय्यां करबाऊँ यहूदि मिनख राजी होवीं हीं जणा बो पतरसनै बी पकड़ाबा की मन म करी, अर बे बिना खमिर की रोटी खाबाळा त्युंहार का दिन हा।

भेजेड़ा चेला का काम 16:12

अर बठैऊँ बे जमीन क गेला फलिपी पुग्या। फलिपी मकीदुनिया परदेस की मानेड़ी नगरी अर रोमी मिनखा की बस्ति ही। म्हें क्युंक दिन बठै रिह्या।

2 तिमूतियूस 4:13

जद तू आवै जणा तरोआस का रेह्बाळा करपुस क घराऊँ मेरो चोळो, पोथ्या अर चमड़ा को पतर तो खासकर याद कर ल्याजे।

1 थिसलूनिकी 2:2

अर आबी जाणो हो क थिसलूनिकी आबाऊँ पेल्या फलिपी म म्हें दुख उठाया अर बेजत कर्या गया। अर जद म्हें थिसलूनिकी म आया जणा अठै बी म्हारो खूब बिरोद होयो पण परमेसरऊँ अंय्यां की हिमत मिली क बिना डर थानै चोखो समचार सुणावां।

फलिपी 1:1

म्हें मसी ईसु का गुलाम पोलुस अर तिमूतियूस आ चिठी फलिपी नगरी म मसी क सागै मेळ राखबाळा परमेसर का सगळा मिनखा, सागै की सागै बिस्वासी मंडळी का रूखाळा अर काम म हात बटाबाळानै मांडर्या हां। था सगळा प आपणा परम-पिता परमेसर अर परबु ईसु मसी कानिऊँ दया अर स्यांती मिलती रेह।

भेजेड़ा चेला का काम 28:14

बठै म्हानै क्युं क बिस्वासी भाईड़ा मिल्या अर बे म्हानै सात दिन आपकै सागै रेह्बा ताँई कह्या। अर अंय्यां म्हें रोम आया।

भेजेड़ा चेला का काम 21:8

अर दुसरा दिन बठैऊँ चालर म्हें कैसरिया पुग्या अर फलिपूस जखो चोखा समचार को परचार कर्या करतो हो बिकै घरा रूक्या जखो यरूसलेम म टाळेड़ा बा सात जणा मऊँ एक हो।

भेजेड़ा चेला का काम 21:4

अर बठै क्युंक बिस्वास्यानै देखर म्हें बाकै सागै सात दिना ताँई रिह्या अर पबितर आत्मा क बताया गेल बे पोलुसऊँ बोलता हा की यरूसलेम म जाबा को बिचार छोड दे।

भेजेड़ा चेला का काम 16:8

जणा बे मूसियाऊँ होर तरोआस म आया।

भेजेड़ा चेला का काम 16:10

बिकै ओ दरसाव देखताई म्हें मकीदुनिया जाबो चाया क्युं क परमेसर म्हानै बठै चोखो समचार सुणाबा ताँई बुलायो ह।

भेजेड़ा चेला का काम 20:5

बे म्हारै अगाऊ जार तरोआस म म्हानै उडिकबा लागगा।

भेजेड़ा चेला का काम 20:16

पोलुस इफिसुसऊँ बारै-बारै होर जाबा की मन म कर राखी ही, क्युं क बो एसिया म टेम काटबो कोनी चातो हो, क्युं क बो पेन्तिकूस हाळै दिन ताँई यरूसलेम पुगबा की तावळ्या म हो।