भेजेड़ा चेला का काम 2:9 - जीवन को च्यानणो (सेकावाटी नया नियम की पोथ्या)

⁹ आपा जखा पारसी, मेदि, अर एलामी, मिसोपोटामिआ, यहूदिआ अर कपुदूकिया, पिन्तुस अर एसिया,

भेजेड़ा चेला का काम 2:9 Referans Kwoze

1 पतरस 1:1

म ईसु मसी को भेजेड़ो चेलो पतरस, आ चिठी परमेसर का टाळेड़ा मिनखानै मांडूँ हूँ। जखा पिन्तुस, गलातिया, कपुदूकिया, एसिया अर बितूनिया परदेसा म तीनतेरा होगा।

दरसाव 1:4

म यहून्ना, एसिया परदेस की सात्यु बिस्वासी मंडळ्यानै मांडू हूँ , परमेसर जखो ह, हो अर आबाळो ह बिकै कानिऊँ, अर सात्यु आत्मा जखी बिकै सिंघासन क सामै ह बाकै कानिऊँ, अर बिस्वास जोगो गुवा, अर मरेड़ा मऊँ जीबाळो पेलो अर इ धरती का राजा प राज करबाळा ईसु मसी कानिऊँ थार प दया अर सुक-स्यांती होती रेह्‍वै। बो आपणाऊँ परेम करै ह अर आपका लोयऊँ आपानै आपणा पापऊँ सुद करबा ताँई मर्यो ,

2 तिमूतियूस 1:15

तू जाणै ह क, एसिया दिसावर का रेह्बाळा सगळा मेरूँ मुंडो फेर लिआ ह, जिमै फूगिलुस अर हरमुगनेस बी सामिल ह।

भेजेड़ा चेला का काम 18:2

जठै बो अकविला नाम का एक यहूदि मिनखऊँ टकरायो। जिकी जन्मभौम पिन्तुस ही। अर बो इटलीऊँ आपकी लूगाई क सागै हाल आयोई हो। क्युं क बठै को म्हराज कलोदियुस सगळा यहूदिआनै रोमऊँ निकळ जाबा को हुकम काड्यो। जणाई पोलुस बाऊँ मिलबा गयो।

भेजेड़ा चेला का काम 16:6

बे फरूगिया अर गलातिया परदेसा म होर गया, क्युं क पबितर आत्मा बानै एसिया म बचन सुणाबा ताँई मना कर दिओ हो।

भेजेड़ा चेला का काम 19:10

करीब दो बरस ताँई अंय्यांई चालतो रिह्यो अर अंय्यां करता-करता एसिया का सगळा रेह्बाळा चाए बे यहूदि हो चाए यूनानी ईस्बर को बचन सुण्या।

भेजेड़ा चेला का काम 6:9

पण अजाद बिस्वासी मंडळी नाम की एक यहूदि अरदास करबाळी झघा का क्युंक यहूदि मिनख जखा कुरेन, सिकन्दरिआ, कलिकीया नगर्याऊँ अर एसिया परदेसऊँ आएड़ा हा, बे बिकै सागै जिरै करबा लाग्या।

दरसाव 1:11

अर बि उवाज म अंय्यां हेलो आर्यो हो क, “तू जोक्यु बि देखर्यो ह बिनै एक पोथी म मांडतो जा अर बिकै पाछै आ बातानै इफिसुस, स्मुरना, परगमुम, थुआतिरा, सरदिस, फिलीदिलफिआ अर लोदिकीया की सात्यु बिस्वासी मंडळ्यानै भेज दिजे।”

2 कुरन्थीयो 1:8

क्युं क मेरा लाडला बिस्वास्यो, म्हें आ चावां हां क जखी पिड़ा म्हें एसिया म भोगी बिकै बारां म थे जाणो। बठै म्हें म्हारी सेवाऊँ बी बेत्ती पिड़ा भोगी। अठै ताँई क मरबा की बी नोबत आगी ही।

1 कुरन्थीयो 16:19

एसिया की बिस्वासी मंडळी क कानिऊँ थानै नमस्कार। अर अकविला अर परसकीला! अर बाकै घर म भेळी होबाळी बिस्वासी मंडळी क कानिऊँ थानै नमस्कार।

रोमीयो 16:5

बिकै घरा भेळी होबाळी बिस्वासी मंडळीनै बी मेरो नमस्कार। मेरा लाडला इपनितुसनै जखो एसिया म मसीनै मानबाळा म पेलो मिनख ह मेरो नमस्कार खिज्यो।

भेजेड़ा चेला का काम 20:18

अर जद बे बिकै कनै पुग्या जणा बो बानै बोल्यो, “थे तो जाणोई हो की जद म एसिया म पेली बर आयो हो, बि दिनऊँ लेर हाल ताँई मेरो चाल-चलन किसोक रिह्यो ह।

भेजेड़ा चेला का काम 20:16

पोलुस इफिसुसऊँ बारै-बारै होर जाबा की मन म कर राखी ही, क्युं क बो एसिया म टेम काटबो कोनी चातो हो, क्युं क बो पेन्तिकूस हाळै दिन ताँई यरूसलेम पुगबा की तावळ्या म हो।

भेजेड़ा चेला का काम 19:31

एसिया परदेस का क्युंक अधिकारी पोलुस का भाईला हा बे बी पोलुसनै खुवा भेज्यो क बो मैदान म नइ आवै।

भेजेड़ा चेला का काम 19:27

जिकी बजेऊँ आपणा धंधा की बदनामी होबा कोई डर कोनी पण म्हान देबी अरतिमीस का देवरा की मेमा बी खतम होबा को डर ह। अर आपणी देबी जिनै सगळा एसिया अर जगत का मिनख पूजै ह बिकी मेमा बी खतम होज्यासी।”

भेजेड़ा चेला का काम 7:2

जणा सतफनुस बोल्यो, “यहूदि भाई-भाणो अर मेरा बाप समान बडको मेरी सुणो। थानै बेरो होवै तो जद आपणो बाप अब्राहम हारान देस म बसबाऊँ पेली मिसोपोटामिआ म हो। जणा मेमाऊँ भरेड़ो परमेसर बिकै सामै परगट होयो।

भेजेड़ा चेला का काम 2:8

जणा ओ कंय्यां होयो क आपा सगळा आनै आपणी भासा म बोलता सुणर्या हां।

भेजेड़ा चेला का काम 20:4

जणा बिरीया को पाईरस को छोरो सूपतरुस अर थिसलूनिकी अरिस्तखुस अर सिकन्दुस, दिरबे को गयुस, एसिया को तुखीकुस अर तरीफिमुस एसिया ताँई बिकै सागै होलिआ बाकै सागै तिमूतियूस बी हो।

भेजेड़ा चेला का काम 21:27

अर जद बे सात दिन पूरा होबाळा हा जणा एसिया का यहूदि मिनख मनदर म पोलुसनै देखर भीड़ का सगळा मिनखा का कान भर दिआ अर अंय्यां चिलार बिनै पकड़ लिआ।

भेजेड़ा चेला का काम 24:18

अर जद म अ सगळी बाता करर्यो हो जणा अ मनै मनदर म देख्या, बि टेम म सगळा बिधी-बिधाननै पूरो कर सुद होगो हो। अर नइ तो बठै कोई भीड़ ही अर नइ कोई रोळो-बेदो।

भेजेड़ा चेला का काम 27:2

म्हें अदरमुतियुमऊँ आबाळा एक पाणी हाळा झाज प चढर चाल पड़्या, जखो एसिया का समदरी भागाऊँ होतो होयो जाबाळो हो। अर एक थिसलूनिकी को रेह्बाळो एक मकीदुनी, जिको नाम अरिस्तखुस हो बो म्हारै सागै हो।