भेजेड़ा चेला का काम 2:42 - जीवन को च्यानणो (सेकावाटी नया नियम की पोथ्या)

⁴² अर बे भेजेड़ा चेलाऊँ उपदेस सुणबा, संगती करबा, एक सागै परबुनै याद करबा ताँई रोटी तोड़बा अर अरदास करबा म रमग्या।

भेजेड़ा चेला का काम 2:42 Referans Kwoze

इबरानीआ 10:25

थे भेळो होबो मना छोडो, जंय्यां क कयानै तो बाणई पड़गी ह। पण एक दुसरानै समजाता रेह्ओ अर जंय्यां-जंय्यां बि दिननै कनै आता देखो जणा थानै ओर बी बेत्ती अंय्यां करबो चाए।

भेजेड़ा चेला का काम 1:14

अर आकै सागै क्युंक लूगाया बी ही, अ सगळा एक चित होर अरदास करबा म लाग्या रेह्ता हा। बामै ईसु की माँ मरीयम अर बिको भाई बी हो।

1 यहून्ना 1:3

म्हें जोक्यु सुण्या अर देख्या बिको हेलो थारै मांयनै पाड़ां हां, जिऊँ थेबी म्हारै सागै पाँतीवाळ होवो। क्युं क म्हें बी परम-पिता अर बिका बेटा ईसु मसी क सागै पाँतीवाळ हां।

1 यहून्ना 1:7

पण ज आपा च्यानणा म चालां जंय्यांकी बो च्यानणा म चालै ह, जणा आपा बिस्वासी होबा क नातै एक दुसराको सागो देस्यां, अर परमेसर का बेटा ईसु को लोय आपानै आपणा सगळा पापऊँ सुद कर देसी।

भेजेड़ा चेला का काम 2:46

बे रोजकी एक टोळी की जंय्यां मनदर म मिलता, एक-दुसरा का घरा म रोटी तोड़ता। राजी-खुसी अर सिदा मनऊँ एक सागै रळमिल रोटी खाता।

भेजेड़ा चेला का काम 20:7

सपता का पेला दिन दितबारनै, म्हें एक सागै परबु की याद म रोटी खाबा ताँई भेळा होया। पोलुस जखो दुसरा दिन बठैऊँ जाबाळो हो बो बाऊँ बाता करी अर आदी रात ताँई बो बाऊँ बतळातो रिह्यो।

इफिसुस 6:18

हरेक मोका प अर सगळी बाता म पबितर आत्माऊँ अरदास करता रह्यो अर बंय्यांई सगळा परमेसर का मिनखा ताँई जी ज्यानऊँ अरदास करबा ताँई जागता रेह्ओ।

यहूदा 1:20

पण लाडलो, थे बिस्वास की पबितर निम प मजबूत होता जाओ अर पबितर आत्मा की मददऊँ अरदास करो।

कलुसीयो 4:2

ध्यानऊँ अरदास करबा म लाग्या रह्यो अर परमेसरनै धनेवाद देता रेह्ओ।

कलुसीयो 1:23

ओ जणाई हो सकै ह जद थे बिस्वास म एक झघा अर अटल बण्या रह्यो अर जि चोखा समचारनै थे सुण्या हो बिऊँ मिलेड़ी बि आसनै मना तजो। ओ बोई चोखो समचार ह जिको म पोलुस गुलाम बण्यो हूँ अर इकी इ जगत का सगळा मिनखानै सीख दिनी गई ह।

2 तिमूतियूस 3:14

पण तू बा बाता प जखी तू सीखी ह, अर जाकै बारां म तनै पक्को बिस्वास ह, आ जाणर की तनै बे बाता सीखाबाळा कूण हा बामै बण्यो रेह।

इफिसुस 2:20

जंय्यां एक हेली निम प चिणी जावै ह, बंय्यांई थे परमेसर का भेजेड़ा चेला अर बिकी खेबाळा मिनखा की सीख की निम प सेलाणी हो। जिकै कूणा का सिरा को भाठो खुद मसी ईसुई ह।

भेजेड़ा चेला का काम 14:22

अर चेलानै समजाता अर हिमत बंधाता हा क, “बिस्वास म बण्या रेह्ओ अर परमेसर का राज म बड़बा ताँई आपानै बोळा दुख भोगणा पड़सी।”

भेजेड़ा चेला का काम 6:4

अर म्हें म्हारो सगळो टेम अरदास करबा अर बचन को परचार करबा अर सीखाबा म लगास्यां।”

भेजेड़ा चेला का काम 4:31

बाकै अरदास करताई बा झघा जठै बे भेळा होर्या हा हालबा लागगी अर बे सगळा पबितर आत्माऊँ भरगा अर हिमत क सागै परमेसर का बचनानै बोलबा लागगा।

1 कुरन्थीयो 10:21

जणा थे परबु अर ओपरी बलाय मऊँ एक कोई खा अर पी सको हो।

रोमीयो 12:12

आस म राजी रेह्ओ, पिड़ा म थ्यावस राखो, लगातार अरदास करता रेह्ओ।

इबरानीआ 10:39

पण आपा बिस्वासऊँ फिरबाळा कोनी, जिऊँ क नास होज्यावां पण बिस्वास राखबाळा हां जिऊँ क पिराण बचावां।

भेजेड़ा चेला का काम 11:23

बरनाबास बठै परमेसर की दयानै देखर राजी होयो। अर बानै उपदेस दिओ की तन मनऊँ बिस्वास जोगा अर परमेसर म बण्या रेह्ओ।

1 कुरन्थीयो 11:2

म थारी बडाई करूं हूँ क्युं क म कंय्यांसिक जिऊँ हूँ बिनै थे ध्यान म राखो हो अर मेरी सीख प चालो हो।

भेजेड़ा चेला का काम 20:11

अर इकै पाछै बो उपर जार परबु की याद म रोटी तोड़ी अर रोटी खार भागपाट्या ताँई बाऊँ बाता करतो रिह्यो। अर इकै पाछै बो बठैऊँ चलेगो।

1 यहून्ना 2:19

मसी का बेरी आपणाऊँ निकळ्या हीं पण बे आपणा कोनी। क्युं क ज बे आपणा होता जणा आपणो संगरो कोनी छोडता, पण बे अंय्यां कर दिखा दिओ क बे आपणा मऊँ कोनी।

गलातियो 1:6

मनै ताजूब होर्यो ह, क परमेसर थानै मसी की दयाऊँ बुलायो हो। अर थे बि परमेसरनै तावळाई छोडर दुसराई समचार प बिस्वास कर्या हो।

भेजेड़ा चेला का काम 4:23

बठैऊँ छुट-छुटार पतरस अर यहून्ना सिदा आपकी टोळी म जार बानै बे बाता बताई जखी परधान याजक अर यहूदि नेता बानै बोल्या हा।

लूका 24:35

जणा बे दोन्यु जणा जोक्यु बाकै सागै गेला म होयो बानै बतायो अर आ बी बता दिनी की बे कंय्यां बिनै रोटी तोड़ता टेम पिछाण्या।

लूका 24:30

अर जद रोटी खाबा बो बाकै सागै चोकी प बेठ्यो जणा रोटी उठार परमेसर को धनेवाद कर्यो अर रोटी तोड़र बानै दिनी।

1 कुरन्थीयो 14:6

मेरा लाडला बिस्वास्यो, ज म थारै कनै आर दरसाव नहिस समजदारी नहिस परमेसरऊँ आबाळा बोल नहिस सीख देबाळी बाता नइ बताऊँ, पण न्यारी-न्यारी बोली बोलुँ जणा थानै मेरूँ काँई फाईदो?

फलिपी 1:5

क्युं क जद थे चोखा समचारनै सुण्या बि दिनऊँ लेर इब ताँई चोखा समचारनै फेलाबा म थे मेरा संगी हो।