भेजेड़ा चेला का काम 2:4 - जीवन को च्यानणो (सेकावाटी नया नियम की पोथ्या)

⁴ बे सगळा पबितर आत्माऊँ भरगा अर जंय्यां पबितर आत्मा बानै बोलबा की सक्‍ति दि बे बंय्यांई दुसरी भासा म बोलबा लाग्या।

भेजेड़ा चेला का काम 2:4 Referans Kwoze

मरकुस 16:17

मेर प बिस्वास करबाळा म अ सेलाणी होसी क बे मेरा नामऊँ ओपरी बलायानै भगासी अर बे नई-नई भासा बोलसी।

भेजेड़ा चेला का काम 13:52

अर बठिनै अंताकीया का बिस्वासी राजी होर्या हा अर बे पबितर आत्माऊँ भरता गया।

भेजेड़ा चेला का काम 4:31

बाकै अरदास करताई बा झघा जठै बे भेळा होर्या हा हालबा लागगी अर बे सगळा पबितर आत्माऊँ भरगा अर हिमत क सागै परमेसर का बचनानै बोलबा लागगा।

इफिसुस 5:18

दारू पीर मतवाळा मना बणो, क्युं क इऊँ मत्त मारी ज्यावै, पण इकी बजाय पबितर आत्मा म भर्यापूरा होता जाओ।

1 कुरन्थीयो 12:10

जणा कोईनै चमत्कार करबा की सक्‍ति, कोईनै परमेसर की बाता खेबा को बरदान अर कोईनै आत्मानै पिछाण्बा को बरदान। अर कोईनै भात-भात की बोली बोलबा को बरदान अर कोईनै बोली को मतबल बताबा को बरदान दिओ जावै ह।

यहून्ना 14:26

मदद करबाळी पबितर आत्मा, जिनै परम-पिता मेरा नामऊँ भेजसी थानै सगळी बाता सीखासी। अर जखी बाता म थारूँ बोल्यो हो बे सगळी थानै याद दिवासी।

भेजेड़ा चेला का काम 19:6

अर जद पोलुस बापै हात धर्यो जणा बापै पबितर आत्मा उतर्यो। बे भात-भात की बोली बोलबा लागगा अर परमेसर का चोखा समचार को हेलो पाड़बा लागगा।

भेजेड़ा चेला का काम 10:46

क्युं क बे बानै भात-भात की बोली म परमेसर को गुणगान करता सुणर्या हा। जणा पतरस बोल्यो,

भेजेड़ा चेला का काम 9:17

इकै पाछै हनन्या खड़्यो होर बि घर म गयो जठै साऊल हो अर बिपै आपका हात धर'र बोल्यो, “मेरा लाडला बिस्वासी भाईड़ा, मनै परबु ईसु जखो गेला म तेरै सामै परगट होयो हो बो भेज्यो ह, जिऊँ तू ओज्यु देखबा लागै अर पबितर आत्माऊँ भर जावै।”

भेजेड़ा चेला का काम 7:55

पण बो तो पबितर आत्माऊँ भर'र ईस्बर नगरी कानि देख्यो, जणा बो परमेसर की मेमा का तेज अर परमेसर क दाया हात कानि ईसुनै खड़्यो देखर

भेजेड़ा चेला का काम 1:5

अर यहून्ना तो पाणी को बतिस्मो दिआ करतो हो, पण आबाळा दिना म थानै पबितर आत्मा को बतिस्मो मिलसी।”

1 कुरन्थीयो 13:8

परेम कदैई टळै कोनी; पण एक टेम आसी जद परमेसर की खेबाळा का बोलां की जुर्त कोनी रेह्सी; न्यारी-न्यारी बोली म बोलबा का बरदान की बी जुर्त कोनी रेह्सी; अर ज्ञान बी जातो रेह्सी।

1 कुरन्थीयो 13:1

ज म मिनखा अर ईस्बर नगरी दुता की बोली बोलुँ पण मिनखाऊँ परेम कोनी करूं, जणा म ठन-ठन करती पितळ की परात अर टन-टन करता थाळी गिलास हूँ।

भेजेड़ा चेला का काम 13:9

जणा साऊल पबितर आत्माऊँ भर'र जिनै पोलुस बी बोलीं हीं बिकै कानि एक टक देख्यो।

भेजेड़ा चेला का काम 2:11

जामैऊँ जलमजात यहूदि अर यहूदि धरमनै मानबाळा हां, अर आपणा मऊँ क्युंक करेती अर अरबऊँ बी आएड़ा हीं। पण आपा सगळा अठै परमेसर का ताजूब का कामा की चरचा आपणी खुदकी भासा मई सुणर्या हां।”

लूका 12:12

क्युं क पबितर आत्मा बि घड़ी थानै खुदई सीखा देसी की थानै काँई खेणो चाए।”

1 कुरन्थीयो 14:18

म परमेसर को धनेवाद करूं हूँ क म थारूँ बी बेत्ती बार न्यारी-न्यारी बोली बोलुँ हूँ।

रोमीयो 15:13

थारै बिस्वास गेल थानै आस देबाळो परमेसर थानै सुक-स्यांती अर खुसीऊँ भर देवै। जिऊँ पबितर आत्मा की सक्‍तिऊँ थारी आस बढती जावै।

भेजेड़ा चेला का काम 4:8

जणा पतरस पबितर आत्माऊँ भर'र जुबाब देबा लाग्यो, “ओ यहूदि नेता अर बडको

यहून्ना 20:22

आ खेर बे बापै फूंक मारी अर बाऊँ बोल्यो, “पबितर आत्मानै ल्यो।

लूका 4:1

ईसु पबितर आत्माऊँ भर'र यरदन नदिऊँ पाछो आयो। अर पबितर आत्मा बिनै उजाड़ म लेगो।

1 पतरस 1:12

पण बानै ओबी बतायो गयो क, बे खुदकी नइ पण थारी सेवा ताँई अ बाता बोल्या हीं। बे थारै ताँई ईस्बर नगरीऊँ आईड़ी पबितर आत्मा की सक्‍तिऊँ चोखा समचार को हेलो पाड़्या। जदकी आ बातानै जाणबा ताँई ईस्बर नगरी दुत बी तरसीं हीं, पण इकै वावजुद बी अ बाता बस थारै ताँई परचार करी गई।

1 कुरन्थीयो 14:5

अर म आ चाऊँ हूँ क थे न्यारी-न्यारी बोली म बाता करो पण इऊँ बी बेत्ती म आ चाऊँ हूँ क परमेसरऊँ आबाळा बोलां का समचार को हेलो पाड़ो: क्युं क बिस्वासी मंडळीनै पक्को करबा ताँई जद ताँई न्यारी-न्यारी बोल्या को मतबल समजाबाळा नइ समजावै जणा मंडळीनै काँई फाईदो? इ ताँई परमेसरऊँ आबाळा बोलां का समचार को हेलो पाड़बो बिऊँ बेत्ती जरूरी ह।

भेजेड़ा चेला का काम 11:15

अर जद म परमेसर का बचन बानै सुणाबा लाग्यो, जणा ठिक बंय्यांई बापै पबितर आत्मा उतर्यो जंय्यां सरूआत म आपणा प उतर्यो हो।

भेजेड़ा चेला का काम 6:5

भेजेड़ा चेला की आ बात सगळी बिस्वासी मंडळीनै चोखी लागी। जणा बे सतफनुस नाम का एक मिनखनै जखो बिस्वास अर पबितर आत्माऊँ भरेड़ो हो, अर फिलीप, परखोरस, निकानोर, तिमोन, परमिनास अर अंताकीया को रेह्बाळो निकोलस जखो यहूदि धरम पंथ म रळगो हो, आनै टाळ लिआ।

भेजेड़ा चेला का काम 6:3

इ ताँई यहूदि भाई-भाणो, थारै मऊँ थे सात चोखी पेठहाळा मिनखानै टाळल्यो जखा म पबितर आत्मा अर बुदी होवै अर बानै इ काम की जिमेदारी आपा दे देस्यां।

भेजेड़ा चेला का काम 1:8

पण जद पबितर आत्मा थानै मिलसी जणा थारै म परमेसर की सक्‍ति आज्यासी अर थे यरूसलेम, सगळा यहूदिआ, सामरीया का इलाका अर धरती का इ कूणाऊँ बि कूणा ताँई मेरा गुवा होस्यो।”

लूका 1:15

परमेसर की नजर्या म बो म्हान होसी अर बो अँगूरी अर नसिली चिजा कदैई कोनी पिसी, अर बो आपकी माँ का पेटऊँई पबितर आत्माऊँ भरेड़ो होसी।

इफिसुस 6:18

हरेक मोका प अर सगळी बाता म पबितर आत्माऊँ अरदास करता रह्यो अर बंय्यांई सगळा परमेसर का मिनखा ताँई जी ज्यानऊँ अरदास करबा ताँई जागता रेह्ओ।

इफिसुस 3:19

अर मसी का बि प्यार-परेमनै जाण सको जखो सगळी समजऊँ नाकै ह। अर थे परमेसर का सुभाव म भर्यापूरा होज्याओ।

भेजेड़ा चेला का काम 11:24

बो पबितर आत्मा अर बिस्वासऊँ भरेड़ो एक भलो मिनख हो। इकै पाछै ओर बोळा मिनख परमेसर प बिस्वास कर्या।

भेजेड़ा चेला का काम 6:8

सतफनुस परमेसर की दया अर बिकाळी ताकतऊँ भरेड़ो हो अर मिनखा म बडा-बडा चमत्कार अर अचरजभर्या काम कर्या करतो हो।

लूका 21:15

क्युं क म थानै अंय्यां का बचन अर बुदी देस्युँ जिऊँ जोक्यु बी थे बोलस्यो जणा थारा बेरी थारै सामै कोनी खड़्या रेह सकींगा अर नइ बिनै गळत साबित कर सकींगा।

लूका 1:67

बिको बाप जकरयाह पबितर आत्माऊँ भरगो अर बो परमेसर कानिऊँ खेबा लागगो,

लूका 1:41

जद इलिसीबा क काना म मरीयम को नमस्कार पड़्यो जणा इलिसीबा का पेट को टाबरियो उछळबा लाग्यो अर इलिसीबा पबितर आत्माऊँ भरगी।

मत्ती 10:19

जद बे थानै पकड़सी जणा थे आ चिंत्या मना करज्यो क थानै इब काँई खेणो ह क्युं क बि घड़ी पबितर आत्मा थानै बतासी काँई खेणो ह।

2 पतरस 1:21

क्युं क कोईबी भबिस्वाणी मिनखा की इंछ्याऊँ कदैई कोनी आई, पण भगत मिनख पबितर आत्माऊँ परमेसर कानिऊँ बोलता हा।

भेजेड़ा चेला का काम 2:3

अर बानै आग की लपटा जीब की जंय्यां फेलती दिखी, अर बे लपटा एक-एक प आर डटगी।

भेजेड़ा चेला का काम 8:17

जणा पतरस अर यहून्ना बापै हात धर्या अर बानै पबितर आत्मा मिलगो।

भेजेड़ा चेला का काम 10:47

“आ सगळानै आपणी जंय्यांई पबितर आत्मा मिली ह, जणा इब कोई आनै पाणी को बतिस्मो लेबाऊँ मना कर सकै ह के?”

भेजेड़ा चेला का काम 15:8

अर हियानै जाणबाळो परमेसर आपणी जंय्यां बानै बी पबितर आत्मा देर अपणायो।