भेजेड़ा चेला का काम 2:23 - जीवन को च्यानणो (सेकावाटी नया नियम की पोथ्या)

²³ परमेसर आपका मकसद अर आबाळी बातानै जाणबाळा ज्ञानऊँ पेल्याई ते कर्यो, क ईसु थारा हाता म सूप्यो ज्यासी अर थे पापी मिनखा क हाता बिनै पकड़र बिका हाता म किलां ठोकर बिनै सुळी प चढार मार गेरस्यो।

भेजेड़ा चेला का काम 2:23 Referans Kwoze

लूका 22:22

मिनख का बेटानै तो मरनोई ह जंय्यां की परमेसर ते कर्यो ह। पण हाय बि मिनख प जखो बिनै पकड़ासी।”

भेजेड़ा चेला का काम 4:28

जोक्यु तू तेरी सक्‍ति अर इंछ्याऊँ पेलीई ते कर राख्यो हो, बिनैई बे पूरो कर्या।

भेजेड़ा चेला का काम 3:18

पण इ बातनै परमेसर बोळी पेल्याई परमेसर की खेबाळा क मुंडाऊँ खुवा दिओ हो, क मसी पिड़ा भोगसी जणा परमेसर बानै अंय्यांई पूरी कर्यो।

1 पतरस 1:20

बिनै इ सरस्टि की रचना होबा क पेल्याई टाळ लिओ गयो हो, पण थारा भला ताँई आ आखरी दिना म बिनै परगट कर्यो गयो।

भेजेड़ा चेला का काम 13:27

यरूसलेम का रेह्बाळा अर यहूदि नेता आ कोनी जाण्या क ईसुई छुटाबाळो ह, अर अरामहाळा दिन सीखाया जाबाळा बे बचन जखा परमेसर की खेबाळा क कानिऊँ मांड्या गया हा, बाका भेद बी कोनी जाण्या। पण ईसु प दोस लगार सास्तर का बा बचनानै बे पूरा कर्या।

मत्ती 26:24

मिनख का बेटानै तो मरनोई ह जंय्यां क पबितर सास्तर म मंडेड़ो ह। पण कत्ती बुरी दसा ह बि मिनख की जिकी बजेऊँ मिनख को बेटो पकड़ायो जासी। इऊँ चोखो तो ओ होतो क बो मिनख जलमतोई नइ।”

रोमीयो 4:17

जंय्यां क पबितर सास्तर म मंडर्यो ह, “म तनै बोळा कूणबा को बाप बणायो।” बि परमेसर क सामै जिपै बो बिस्वास कर्यो जखो मरेड़ानै ओज्यु जीवावै ह अर जखी बात आथई कोनी बानै परगट करै ह बो अब्राहम आपणो बाप ह।

भेजेड़ा चेला का काम 5:30

म्हारा बाप-दादा को परमेसर थारै हाता सुळी प चढार मार्या गया ईसुनै मोतऊँ ओज्यु जीवायो।

दरसाव 13:8

जखा मिनखा को नाम बि उन्या की जीवन हाळी पोथी म कोनी मांडेड़ो बे सगळा मिनख इ डरावना जानबरनै धोकसी। ओ उन्यो जखो इ सरस्टि की सरूआतऊँई बलि होबा ताँई ते कर्यो गयो हो।

यहूदा 1:4

पण थारै म अंय्यां का मिनख घुसगा हीं, जिकै बारां म सास्तर म पेल्याऊँई मांडेड़ो ह क, बानै सजा मिलसी। बे परमेसरनै कोनी मानी अर आपणा परमेसर की दयानै कुकरम करबा ताँई हरी झंडी मानी हीं। बे आपणा परबु जखो आपणो मालिक ह बि ईसु मसीनै मानबाऊँ बी मना करीं हीं।

1 पतरस 1:2

परम-पिता परमेसर पेल्याऊँ काँई ध्यार राखी ही बिकै गेलई थानै टाळ्यो ह। अर पबितर आत्मा थानै पबितर बणाई, जिऊँ थे ईसु मसी क खया प चालो अर बिका लोयऊँ सुद होवो। परमेसर की दया अर स्यांती थार प बणी रेह्‍वै।

भेजेड़ा चेला का काम 15:18

परबु बोलै ह क, म अ बाता बोळी पेल्याऊँई बता दिनी ही।’”

लूका 24:20

बिनै म्हारा यहूदि नेता अर परधान याजक पकड़ा'र बिनै मोत की सजा दिवा दिआ अर बिनै सुळी प चढा दिओ गयो।

लूका 22:37

क्युं क सास्तर म मंडेड़ी बाता मेरै ताँई पूरी होसी क बो अपराद्‍या म गिण्यो जासी अ मंडेड़ी बाता पूरी होबा जारी ह।”

भेजेड़ा चेला का काम 7:52

अंय्यां को कोई परमेसर की खेबाळो होयो हो के जिनै थारा बाप-दादा कोनी सताया हो? बे बा परमेसर की खेबाळानै मार गेर्या जखा बि परमेसर का धरमी दास क आबा को समचार पेल्याई दिआ करता हा। अर ठिक बंय्यांई थे बी बिनै धोकाऊँ पकड़ाबाळा अर मारबाळा होया।

यहून्ना 19:24

जिकी बजेऊँ बे आपसरी म बोल्या, “इनै पाड़बाऊँ चोखो तो इनै कूण ले, इ खातर आपा पासा गेरल्यां।” ओ इ ताँई होयो जिऊँ पबितर सास्तर को आंक पूरो होवै: “बे मेरा गाबल्यानै आपसरी म बांट लिआ अर मेरा कुर्तानै बाटबा ताँई पासा गेर्या।” जणा बे सिपाईड़ा अंय्यांई कर्या।

1 पतरस 2:8

अर सास्तर म अंय्यां बी मांडेड़ो ह, “ओ बो भाठो ह जखो मिनखानै ठोकर खुवावै, आ बा ढाड ह जखी मिनखानै तळै पटकै ह।” बे ठोकर खावीं हीं, क्युं क बे परमेसर का बचन प कोनी चालीं जि बजेऊँ बे बि मोत को मुंडो देखी हीं, जखी अंय्यां का मिनखा ताँई त्यार करी गई ह।

मत्ती 20:19

परमेसरनै नइ ध्यारबाळा मिनखा क हाता म सूप देसी अर बे बिको तमासो बणासी अर बिकै तड़ा मारसी। अर सुळी प चढासी। पण बो तीसरा दिन ओज्यु जिंदो होज्यासी।”

मत्ती 27:35

इकै पाछै बे ईसुनै सुळी प चढा दिओ, अर ईसु का गाबा प परची गेर'र आपसरी म बाट लिआ।

मरकुस 15:24

इकै पाछै बे ईसुनै सुळी प चढा दिओ, ईसु का गाबा लेबा ताँई बे परची गेरी अर आपसरी म बानै बाट लिआ।

लूका 23:33

अर जद बे बि झघा पुग्या जिनै भोडी खेता हा, बे ईसु अर बा दो कुकरमीयानै सुळी चढा दिआ बा दोन्या मऊँ एकनै बिकै दायणा अर दुसरानै बाया हात कानि सुळी प चढा दिआ।

यहून्ना 19:18

बठै बे बिनै दो जणा क सागै सुळी प चढाया। एकनै दाया नाकै की सुळी प, दुजानै बाया नाकै की सुळी प अर बिच की सुळी प ईसुनै।

भेजेड़ा चेला का काम 2:36

“आ बात म इ ताँई खेऊँ हूँ, क इजरायल का रेह्बाळा आ बात ढंगऊँ जाणज्यावै क जि ईसुनै थे सुळी प चढायो हो। बिनैई परमेसर परबु अर मसी बणायो हो।”

भेजेड़ा चेला का काम 5:28

“म्हें थानै ठोक बजार आदेस दिन्यो हो क, बि मिनख का नाम की सीख मना दिज्यो, पण थारै काना प तो जुंई कोनी रिंगी। अर थे सगळा यरूसलेमनै बिकी सीखऊँ भर दिओ, थे काँई चाओ हो? बिको लोय म्हारै माथा मंढबो चाओ हो के?”

रोमीयो 2:12

जखा नेम-कायदानै जाण्या बिना पाप करीं हीं बे बिना नेम-कायदा क नास कर्या ज्यासी। अर जखा नेम-कायदानै जाणर पाप करीं हीं बे नेम-कायदा गेल नास कर्या ज्यासी।

1 थिसलूनिकी 2:15

जखा परबु ईसुनै अर परमेसर की खेबाळानै मार्या अर आपानै दिन घाल्या बाऊँ परमेसर बोळो नराज ह क्युं क बे सगळा क विरोध म हीं।