भेजेड़ा चेला का काम 2:22 - जीवन को च्यानणो (सेकावाटी नया नियम की पोथ्या)

²² “इजरायल का रेह्बाळो, ईसु नासरी क बारां म आ बचनानै सुणो। परमेसर ईसु क हाता सेलाणी-चमत्कार अर अचरजभर्या काम कर आ साबित कर्यो क बो परमेसर कानिऊँ थारै ताँई भेजेड़ो मिनख हो। जंय्यां की थे सगळा जाणो हो।

भेजेड़ा चेला का काम 2:22 Referans Kwoze

यहून्ना 3:2

एक रात बो ईसु कनै गयो अर बिऊँ बोल्यो, “गरूजी, म्हें जाणा हां क म्हानै सीखाबा ताँई परमेसर तनै भेज्यो ह। अर ज परमेसर थारै सागै नइ होतो तो थे चमत्कार कोनी कर सका हा।”

भेजेड़ा चेला का काम 4:10

जणा थानै अर इजरायल का सगळा रेह्बाळानै ओ बेरो होज्याणो चाए, क ओ मिनख जखो थारी आँख्या क आगै चोखो-भलो निरोगो खड़्यो ह ओ ईसु मसी नासरी का नामऊँ निरोगो होयो ह। ओ बोई ईसु ह जिनै थे सुळी प चढायो हो अर जिनै परमेसर मर्या पाछै ओज्यु जीवायो हो।

लूका 11:20

पण ज म परमेसर की सक्‍तिऊँ ओपरी बलायानै भगाऊँ हूँ, जणा इऊँ आ साबित होवै ह क परमेसर को राज थारै सांकड़ैई ह।

मत्ती 12:28

अर ज म परमेसर की पबितर आत्माऊँ ओपरी बलायानै भगाऊँ, जणा इऊँ आ साबित होवै ह क परमेसर को राज थारै सांकड़ैई ह।

मत्ती 9:8

लोग आ देखर डरग्या। बे परमेसर की जे-जैकार करबा लाग्या क बे मिनखनै ताजूब का काम करबा को हक दिओ ह।

इबरानीआ 2:4

अर परमेसर बी आपका बडा-बडा चमत्काराऊँ, सक्‍तिऊँ भरेड़ा भात-भात का कामाऊँ, सेलाणीऊँ अर पबितर आत्मा का बरदानाऊँ जखा बिकी इंछ्याऊँ बाट्या गया हा, इनै साबित कर्यो।

2 कुरन्थीयो 12:12

अर भेजेड़ा चेला क मांयनै जखी बाता होवै ह, बंय्यांई म बोळी थ्यावसऊँ सेलाणी, चमत्कार, अर ताजूब का काम कर दिखायो हूँ।

भेजेड़ा चेला का काम 26:26

म्हराज अगरीपा अ बाता म थानै बेधड़क खे सकूँ हूँ, क्युं क थे आ सगळी बाता क बारां म जाणो हो। अर अ सगळी बाता थारूँ छानी कोनी क्युं क अ बाता ओला अर कूणा म कोनी घटी।

भेजेड़ा चेला का काम 26:9

“म बी सोच्यो हो, जोक्यु मेरूँ हो सकै बो म नासरत का ईसु नाम क खिलाप करूं।

भेजेड़ा चेला का काम 24:5

ओ मिनख अपरादि ह अर म्हें इनै जगत का सगळा यहूदिआ म बबाळ मचाता देख्या हा, अर ओ नासरी पंथ को खास नेता ह।

भेजेड़ा चेला का काम 22:8

जणा म बोल्यो, ‘म्हराज थे कूण हो?’ अर बे कह्या, ‘म ईसु नासरी हूँ, जिनै तू दिन घालै ह।’

भेजेड़ा चेला का काम 21:28

“ओ इजरायल का रेह्बाळो म्हारी मदद करो ओ बोई मिनख ह जखो हर कठै मूसा का नेम-कायदा, आपणै अर इ मनदर क खिलाप सीख देतो फिरै ह। अर ओ यूनानीयानै मनदर म ल्यार इ पबितर झघानै सूगलो कर्यो ह।”

भेजेड़ा चेला का काम 14:27

बठै जार बे बिस्वासी मंडळी की सभा बुलार बानै बे सगळी बाता खे सुणाई जखी परमेसर गैर-यहूदिआ क मांयनै बाकै हाता करवायो अर कंय्यां गैर-यहूदि मिनखा ताँई सचा परमेसरनै मानबा को गेलो खुल्यो।

भेजेड़ा चेला का काम 13:16

जणा पोलुस खड़्यो होर आपका हात को इसारो मिनखा कानि कर बोल्यो, “परमेसरऊँ डरबाळो गैर-यहूदिओ अर इजरायली मिनखो ध्यानऊँ सुणो।

भेजेड़ा चेला का काम 6:14

म्हें इनै आ खेता सुण्या हा क नासरत को ईसु इ मनदरनै ढाह देसी अर मूसा का दियड़ा रिती-रिवाजानै बदल देसी।”

भेजेड़ा चेला का काम 5:35

जणा पाछै बो बोल्यो, “इजरायल का मिनखो, थे जखो आ मिनखा क सागै करबा जार्या हो बो सोच समजर करज्यो।

भेजेड़ा चेला का काम 3:12

आ देखर पतरस बा मिनखाऊँ बोल्यो, “अरै इजरायल का रेह्बाळो थे सगळा क्याले ताजूब करो हो। अर म्हानै अंय्यां आँख्या पा'ड़र क्याले देखर्या हो जंय्यां म्हेई इनै म्हारी सक्‍ति अर भगतीऊँ निरोगो कर्या होवां?

यहून्ना 19:19

पीळातुस एक तकती प “ईसु नासरी, यहूदिआ को राजा” आ मांडर सुळी प टंगवा दिओ।

यहून्ना 15:24

ज म बाकै बिचमै बे काम कोनी करतो जखा म कर्या हीं जणा बे पाप का भागी कोनी होता। पण इब जद बे बा कामानै देख लिआ हीं, जणा बी बे मेरूँ अर मेरा परम-पिताऊँ, म्हारै दोन्याऊँ बेर राखै ह।

यहून्ना 12:17

भीड़ मऊँ बे मिनख जखा ईसु क सागै बि टेम हा जद बो लाजरनै बोल्यो हो कबरऊँ बारनै आज्या अर बिनै मोतऊँ जीवा दिओ हो इ बात को समचार दुसरा मिनखानै दिआ।

यहून्ना 11:47

जणा फरिसी अर परधान याजक, सभा बुलाई अर बोल्या, “आपानै काँई करनो चाए? ओ मिनख तो बोळा चमत्कार करर्यो ह!

यहून्ना 10:37

ज म मेरा परम-पिता का काम जखा बो मेरूँ चावै ह बानै कोनी करूं, जणा थे मेर प बिस्वास मना करो।

यहून्ना 9:33

ज ओ मिनख परमेसर कानिऊँ नइ होतो जणा क्युंई कोनी कर सकै हो।”

यहून्ना 7:31

भीड़ मऊँ बोळाजणा बिपै बिस्वास कर्या अर बोल्या, “ओ मसी ह , जणाई तो बडा-बडा चमत्कार दिखाया हीं। कोई दुसरो अंय्यां का चमत्कार दिखा सकै ह के?”

यहून्ना 6:27

रोट्या ताँई मेनत मना करो क्युं क बे तो बुसज्यावै, पण अजर-अमर जीवन देबाळी रोटी ताँई मेनत करो। आ बा रोटी ह जखी मिनख को बेटो थानै देसी, क्युं क परम-पिता परमेसर बिनै ओ अधिकार दिओ ह।”

यहून्ना 6:14

मिनख ईसु का इ चमत्कारनै देखर बोल्या, “सचमई ओ बोई परमेसर की खेबाळो ह, जखो जगत म आबाळो हो।”

यहून्ना 5:36

“पण मेरै कनै एक ओर गुवा ह, जिकी गुवाई यहून्ना की गुवाईऊँ बढर ह। क्युं क परम-पिता जखो काम मनै करबा ताँई सूप्यो ह, जखा काम म करूं हूँ। बेई मेरै बारां म गुवाई देवीं ही क, परम-पिता मनै भेज्यो ह।

यहून्ना 4:48

इ बात प ईसु बिऊँ बोल्यो, “थारै मऊँ कोईबी जद ताँई चमत्कार अर ताजूब का काम नइ देखले, बिस्वास कोनी करो।”

यहून्ना 1:45

फलिपूस नतनएलऊँ मिलर बिऊँ बोल्यो, “म्हानै बो मिलगो ह, जिकै बारां म मूसा नेम-कायदा म मांड्यो अर जिकै बारां म परमेसर की खेबाळा बताया हीं। बो युसूफ को बेटो नासरत को रेह्बाळो ईसु ह।”

लूका 24:18

बामैऊँ किल्युपास नाम को एक आदमी हो बो बोल्यो, “तू एकलोई अंय्यां को आबाळो जाबाळो मिनख ह जिनै गेलड़ा दिना म यरूसलेम म जोक्यु घट्यो बिकै बारां म कोनी बेरो?”

मत्ती 2:23

अर नासरत नाम की नगरी म जा बस्यो, जणा बो बचन पूरो होयो, जखो परमेसर की खेबाळो बोल्यो हो: “बो नासरी खुवासी।”

भेजेड़ा चेला का काम 2:19

म उपर अकास म चमत्कार अर निचै धरती प अचरजभर्या काम करस्युं। बा दिना म लोय, लाय अर धुँआ को बादळ होसी। परबु क पाछो आबा का बि म्हान अर मेमाभर्या दिन क आबाऊँ पेली

भेजेड़ा चेला का काम 2:43

भेजेड़ा चेला क हाता चमत्कार अर नइ होबाळा काम बी होर्या हा। इ बजेऊँ सगळा ताजूब करता अर परमेसर को डर मानता।

भेजेड़ा चेला का काम 3:6

जणा पतरस बिऊँ बोल्यो, “पिसो-टक्को तो मेर कनै आथ कोनी। पण जोक्यु मेर कनै ह बो म तनै जरूर देस्युँ ईसु मसी नासरी का नामऊँ खड़्यो हो अर डोला फिरी कर।”

लूका 18:37

बे बिऊँ कह्या, “ईसु नासरी जार्यो ह।”