भेजेड़ा चेला का काम 2:10 - जीवन को च्यानणो (सेकावाटी नया नियम की पोथ्या)

¹⁰ फरूगिया अर पंफुलिया, मिसर अर साईरिन क सारै पड़बाळा लिबिया का रेह्बाळा। अर आपणा मऊँ क्युंक रोमऊँ आएड़ा मूसापिर हा।

भेजेड़ा चेला का काम 2:10 Referans Kwoze

भेजेड़ा चेला का काम 16:6

बे फरूगिया अर गलातिया परदेसा म होर गया, क्युं क पबितर आत्मा बानै एसिया म बचन सुणाबा ताँई मना कर दिओ हो।

भेजेड़ा चेला का काम 18:23

क्युं क दिन बठै रेह्‍र बो बठैऊँ बिदा होर गलातिया अर फरूगिया ठिकाणा म सगळा चेला-चपाट्यानै समाळतो फिर्यो।

भेजेड़ा चेला का काम 15:38

पण पंफुलिया म मरकुस बानै एकला छोडर चोखा समचार परचार म बाकै सागै कोनी गयो हो इ बजेऊँ पोलुस बिनै सागै कोनी लेज्याबो चातो हो।

भेजेड़ा चेला का काम 13:43

सभा क खतम होबा क पाछै यहूदि अर गैर-यहूदि जखा यहूदि धरम पंथ म रळेड़ा भगत हा बे पोलुस अर बरनाबास क गेल होलिआ। पोलुस अर बरनाबास बाऊँ बात कर बानै समजाया की परमेसर की दया म बण्या रेह्ओ।

भेजेड़ा चेला का काम 13:13

पोलुस अर बिकाळा साती पाफुसऊँ झाज म बेठर पंफुलिया की पिराग नगरी म आया; पण यहून्ना जिनै मरकुस बोलता हा बानै छोडर यरूसलेम चलेगो।

2 तिमूतियूस 1:17

अर जद बो रोम नगरी आयो जणा बो मनै जद ताँई टोतो रिह्यो जद ताँई म बिनै कोनी लाध्यो।

रोमीयो 1:15

जणाई म थारै म जखा रोम म रेहर्या हो, बि चोखा समचार को परचार करबा ताँई उतावळो हूँ।

भेजेड़ा चेला का काम 27:5

म्हें कलिकीया अर पंफुलिया का गेला होताहोया लूसिया परदेस का मुरा कसबा म पुग्या।

भेजेड़ा चेला का काम 14:24

जणा पाछै बे पिसदिआ क गेला होर पंफुलिया नाम का इलाका म गया।

भेजेड़ा चेला का काम 11:20

आमऊँ क्युंक साईपरस अर कुरेन का हा। अर जद बे अंताकीया म आया जणा बे यूनानी मिनखा म बी ईसु को समचार सुणाबा लागगा।

मरकुस 15:21

सिकन्दर अर रूफुस को बाप जिको नाम समोन हो, ओ कुरेन गाँव को हो इनै गाँवऊँ आतो देख बे सिपाईड़ा बिनै जोरामादी ईसु की सुळीनै लेज्याबा ताँई बोल्या

मत्ती 27:32

अर जद बे बारनै निकळर क्युंक दूर गया जणा बानै कुरेन को रेह्बाळो समोन नाम को एक मिनख मिल्यो। अर बिनै धमकार खया, “ईसु की सुळी उठार चाल।”

दरसाव 11:8

बाकी लास बी बडी नगरी का चोराया प म्हेलदि ज्यासी। इ नगरीनै बिकी बुराई क चलतै सदोम अर मिसर का नामऊँबी बुलायो जावै ह। आ बाई नगरी ह जठै बाका परबुनै सुळी प चढायो गयो हो।

भेजेड़ा चेला का काम 28:15

अर जद रोम का बिस्वासी भाई म्हारै बारां म सुण्या जणा बे म्हारूँ मिलबा ताँई अपियुस का बजार अर तीन सराया ताँई आया। बानै देखर पोलुस परमेसर को धनेवाद दिओ अर इऊँ बिनै बोळी हिमत मिली।

भेजेड़ा चेला का काम 18:2

जठै बो अकविला नाम का एक यहूदि मिनखऊँ टकरायो। जिकी जन्मभौम पिन्तुस ही। अर बो इटलीऊँ आपकी लूगाई क सागै हाल आयोई हो। क्युं क बठै को म्हराज कलोदियुस सगळा यहूदिआनै रोमऊँ निकळ जाबा को हुकम काड्यो। जणाई पोलुस बाऊँ मिलबा गयो।

भेजेड़ा चेला का काम 13:1

अंताकीया की बिस्वासी मंडळी म परमेसर की खेबाळा अर उपदेस देबाळा कई हा, जंय्यां की बरनाबास, समोन जिनै काळ्यो बी बोलता हा अर कुरेन को लूकियुस अर देस की चोथी पाँती को राजपाल हेरोद को गोद आयड़ो भाई मनाएम, अर साऊल।

भेजेड़ा चेला का काम 6:9

पण अजाद बिस्वासी मंडळी नाम की एक यहूदि अरदास करबाळी झघा का क्युंक यहूदि मिनख जखा कुरेन, सिकन्दरिआ, कलिकीया नगर्याऊँ अर एसिया परदेसऊँ आएड़ा हा, बे बिकै सागै जिरै करबा लाग्या।

भेजेड़ा चेला का काम 6:5

भेजेड़ा चेला की आ बात सगळी बिस्वासी मंडळीनै चोखी लागी। जणा बे सतफनुस नाम का एक मिनखनै जखो बिस्वास अर पबितर आत्माऊँ भरेड़ो हो, अर फिलीप, परखोरस, निकानोर, तिमोन, परमिनास अर अंताकीया को रेह्बाळो निकोलस जखो यहूदि धरम पंथ म रळगो हो, आनै टाळ लिआ।

मत्ती 2:15

अर जद ताँई हेरोद राजा कोनी मर्यो बे बठैई रिह्या। जिऊँ क बो बचन जखो परमेसर की खेबाळो बोल्यो हो पूरो होवै क, “म मेरा बेटानै मिसरऊँ बुलायो हूँ।”

भेजेड़ा चेला का काम 23:11

बि रात परबु बिनै दरसाव देर बोल्यो, “हिमत बांद अर जंय्यां तू मेरै बारां म अठै गुवाई दि ह, ठिक बंय्यांई तनै रोम म बी देणी पड़सी।”

मत्ती 23:15

“हे कपट राखबाळा धरमसास्तर्यो अर फरिसीयो! थार प धिक्कार ह। थे कोईनै चेलो बणाबा ताँई बिकै हात धोर गेल होज्याओ हो अर जद बो यहूदि धरम पंथ म रळज्यावै ह। जणा थे बिनै थारूँ बेत्ती नरक म झोक द्‍यो हो।

भेजेड़ा चेला का काम 2:11

जामैऊँ जलमजात यहूदि अर यहूदि धरमनै मानबाळा हां, अर आपणा मऊँ क्युंक करेती अर अरबऊँ बी आएड़ा हीं। पण आपा सगळा अठै परमेसर का ताजूब का कामा की चरचा आपणी खुदकी भासा मई सुणर्या हां।”

भेजेड़ा चेला का काम 17:21

सगळा एथेंस का रेह्बाळा अर दुसरा देसाऊँ आर बसेड़ा परदेस्या को करीब-करीब सगळो टेम नई-नई बाता खेबा अर सुणबा मई बिततो हो।