भेजेड़ा चेला का काम 19:10 - जीवन को च्यानणो (सेकावाटी नया नियम की पोथ्या)

¹⁰ करीब दो बरस ताँई अंय्यांई चालतो रिह्यो अर अंय्यां करता-करता एसिया का सगळा रेह्बाळा चाए बे यहूदि हो चाए यूनानी ईस्बर को बचन सुण्या।

भेजेड़ा चेला का काम 19:10 Referans Kwoze

भेजेड़ा चेला का काम 20:31

जणा इब थे चेता म रेह्‍वो अर आ कदैई मना भूलज्यो की तीन बरसा ताँई दिन-रात आसुआ क सागै थानै एक-एकनै चेताबो कोनी भूल्यो।

2 तिमूतियूस 1:15

तू जाणै ह क, एसिया दिसावर का रेह्बाळा सगळा मेरूँ मुंडो फेर लिआ ह, जिमै फूगिलुस अर हरमुगनेस बी सामिल ह।

कलुसीयो 3:11

अर इब कोई यूनानी अर यहूदि, सुन्नत हाळो अर बिना सुन्नत हाळो, बिना लोतर का, कुजात, गुलाम अर अजाद म कोई अंतर कोनी ह पण मसी सक्यु अर सगळा म ह।

गलातियो 3:28

जणा इब नइ तो कोई यहूदि रिह्यो अर नइ यूनानी, नइ गुलाम, नइ अजाद, नइ नर, नइ नारी, क्युं क थे सगळा मसी ईसु म एकई हो।

रोमीयो 10:18

पण म बुजूँ हूँ, के बे हेलो कोनी सुण्या? हाँ, पक्काई सुण्या। सास्तर बोलै ह: “बाकी उवाज सगळी धरती प फेलगी, अर बाका बचन धरती का इ कूणाऊँ बि कूणा ताँई पुग्या।”

रोमीयो 10:12

आ इ ताँई ह क यहूदि मिनखा अर यूनानी मिनखा म कोई भेद कोनी क्युं क सगळा को परबु एकई ह। अर बिकी अपरम्पार दया बा सगळा ताँई ह जखा बिनै हेलो देवै ह।

रोमीयो 1:16

म मसी का चोखा समचारऊँ कोनी सरमाऊँ क्युं क जखो बी बिस्वास करै बिकै छुटकारा ताँई ओ समचार पेली यहूदि मिनखा ताँई अर पाछै यूनानी मिनखा ताँई बी परमेसर की सक्‍ति ह।

भेजेड़ा चेला का काम 16:6

बे फरूगिया अर गलातिया परदेसा म होर गया, क्युं क पबितर आत्मा बानै एसिया म बचन सुणाबा ताँई मना कर दिओ हो।

दरसाव 1:11

अर बि उवाज म अंय्यां हेलो आर्यो हो क, “तू जोक्यु बि देखर्यो ह बिनै एक पोथी म मांडतो जा अर बिकै पाछै आ बातानै इफिसुस, स्मुरना, परगमुम, थुआतिरा, सरदिस, फिलीदिलफिआ अर लोदिकीया की सात्यु बिस्वासी मंडळ्यानै भेज दिजे।”

दरसाव 1:4

म यहून्ना, एसिया परदेस की सात्यु बिस्वासी मंडळ्यानै मांडू हूँ , परमेसर जखो ह, हो अर आबाळो ह बिकै कानिऊँ, अर सात्यु आत्मा जखी बिकै सिंघासन क सामै ह बाकै कानिऊँ, अर बिस्वास जोगो गुवा, अर मरेड़ा मऊँ जीबाळो पेलो अर इ धरती का राजा प राज करबाळा ईसु मसी कानिऊँ थार प दया अर सुक-स्यांती होती रेह्‍वै। बो आपणाऊँ परेम करै ह अर आपका लोयऊँ आपानै आपणा पापऊँ सुद करबा ताँई मर्यो ,

1 पतरस 1:1

म ईसु मसी को भेजेड़ो चेलो पतरस, आ चिठी परमेसर का टाळेड़ा मिनखानै मांडूँ हूँ। जखा पिन्तुस, गलातिया, कपुदूकिया, एसिया अर बितूनिया परदेसा म तीनतेरा होगा।

भेजेड़ा चेला का काम 20:18

अर जद बे बिकै कनै पुग्या जणा बो बानै बोल्यो, “थे तो जाणोई हो की जद म एसिया म पेली बर आयो हो, बि दिनऊँ लेर हाल ताँई मेरो चाल-चलन किसोक रिह्यो ह।

भेजेड़ा चेला का काम 19:22

जणा बो आपका दो सात्या तिमूतियूस अर इरास्तुसनै मकीदुनिया भेज्यो, अर आप खुद क्युं क दिन ताँई एसिया म रिह्यो।

भेजेड़ा चेला का काम 19:8

पोलुस यहूदिआ का अरदास घर म तीन म्हेना ताँई बेधड़क बोलतो अर परमेसर का राज क बारां म मिनखानै समजातो रिह्यो।

भेजेड़ा चेला का काम 18:11

अर पोलुस बठै डेड बरस ताँई रेह्‍र मिनखानै परमेसर का बचना की सीख देतो रिह्यो।

भेजेड़ा चेला का काम 18:4

पोलुस हर यहूदिआ का अरामहाळा दिन अरदास करबाळी झघा म यहूदि अर यूनानी मिनखा क सागै चरचा करतो अर बानै समजातो हो।

भेजेड़ा चेला का काम 2:9

आपा जखा पारसी, मेदि, अर एलामी, मिसोपोटामिआ, यहूदिआ अर कपुदूकिया, पिन्तुस अर एसिया,

भेजेड़ा चेला का काम 6:9

पण अजाद बिस्वासी मंडळी नाम की एक यहूदि अरदास करबाळी झघा का क्युंक यहूदि मिनख जखा कुरेन, सिकन्दरिआ, कलिकीया नगर्याऊँ अर एसिया परदेसऊँ आएड़ा हा, बे बिकै सागै जिरै करबा लाग्या।

भेजेड़ा चेला का काम 13:12

जणा टापू को राजपाल आ देखर परबु की सीख प ताजूब क सागै बिस्वास कर्यो।

भेजेड़ा चेला का काम 19:20

अर अंय्यां परबु को बचन मजबूत होर फेलतो रिह्यो।