भेजेड़ा चेला का काम 18:7 - जीवन को च्यानणो (सेकावाटी नया नियम की पोथ्या)

⁷ बठैऊँ बो तितूस यूसतुस नाम का एक परमेसर का गैर-यहूदि भगत क घरा आयो; अर बिको घर हो जखो अरदास करबाळी झघा क सारैई हो।

भेजेड़ा चेला का काम 18:7 Referans Kwoze

भेजेड़ा चेला का काम 16:14

बा लूगाया म थुआतिरा नगरीऊँ लुदिआ नाम की एक लूगाई ही जखी मेंगा भाव का गाबा बेच्या करती ही अर बा परमेसर की भगत ही। परबु बिका मन का पाट खोल दिआ अर बा पोलुस की बाता प गोर करी।

कलुसीयो 4:11

यसु जिनै यूसतुस बी बोलै ह, बिकी बी थानै “जे मसी की” पुगै। परमेसर का राज ताँई अ तीन सुन्नत होयड़ा यहूदि बिस्वासी ह जखा मेरै सागै काम करै ह अर अ मेरो बोळो साथ दिआ हीं।

भेजेड़ा चेला का काम 17:4

बामैऊँ क्युंक जणा बिस्वास कर्या अर पोलुस अर सीलास म जार मिलगा। अंय्यां का बोळा परमेसर का भगत यूनानी मिनख अर मानी-थानी लूगाया बी अंय्यांई करी।

भेजेड़ा चेला का काम 13:42

अर जद बे आपको उपदेस देर बठैऊँ जार्या हा जणा बानै सुणबाळा मिनख बाऊँ बोल्या, “आगला अरामहाळा दिन म्हानै अ बाता ओज्यु सुणाज्यो।”

भेजेड़ा चेला का काम 10:22

जणा बे बिऊँ बोल्या, “म्हारी पलटण को सुबेदार कुरनेलियुस जखो धरमी अर परमेसरऊँ डरबाळो मिनख ह, सगळा यहूदि मिनखा म जिकी बूज ह बो एक परमेसर का पबितर ईस्बर नगरी दुतनै दरसाव म देख्यो अर बो दुत बिनै बोल्यो ह की बो तनै बुलार तेरूँ परमेसर को बचन सुणै।”

भेजेड़ा चेला का काम 10:2

बो परमेसर को भगत हो जखो आपका पूरा परवार समेत ईस्बर को डर मानतो हो, बो सदाई गरीबानै दान दिआ करतो हो अर परमेसरऊँ अरदास कर्या करतो हो।

यहून्ना 9:31

म्हें जाणा हा क परमेसर पाप्या की कोनी सुणै, पण भगता की जखा बोई करै जखो बो बाऊँ चावै ह, अंय्यांलका की परमेसर सुणै ह।

भेजेड़ा चेला का काम 13:43

सभा क खतम होबा क पाछै यहूदि अर गैर-यहूदि जखा यहूदि धरम पंथ म रळेड़ा भगत हा बे पोलुस अर बरनाबास क गेल होलिआ। पोलुस अर बरनाबास बाऊँ बात कर बानै समजाया की परमेसर की दया म बण्या रेह्ओ।

भेजेड़ा चेला का काम 13:50

पण यहूदि नेता, गैर-यहूदिआ की मानी-थानी यहूदि धरमनै मानबाळी भगत लूगाया अर नगरी का मान्या-थान्या मिनख जखा परमेसरनै मानबाळा हा बाका कान भर पोलुस अर बरनाबास क खिलाप बिदरो कर बानै, बि नगरी क बारनै कढवा दिओ।