भेजेड़ा चेला का काम 18:6 - जीवन को च्यानणो (सेकावाटी नया नियम की पोथ्या)

⁶ पण जद बे मिनख पोलुस को बिरोद अर बिकी बुराई करबा लागगा जणा बो आपको पल्लो झाड़ लिओ अर बोल्यो, “थारी करनी थेई पाओ! इमै मेरी कोई जुबाबदारी कोनी अर इबऊँ म गैर-यहूदि मिनखा क कनै जास्युं।”

भेजेड़ा चेला का काम 18:6 Referans Kwoze

भेजेड़ा चेला का काम 13:51

जणा पोलुस अर बरनाबास बानै चेताबा ताँई आपकै पगा की धूळ झाड़र बठैऊँ इकोनियुम चलेगा।

1 पतरस 4:4

पण इब जद थे बाका बा बुरा कामा म सामिल कोनी होवो जणा बानै ताजूब होवै ह। अर बे थारी बुराई करै ह।

लूका 9:5

अर जि जठै थारी सुणाई कोनी होवैक जणा बठै का मिनखानै चेताबा ताँई थारा पगा की धूळ झाड़ दिज्यो।”

मत्ती 27:25

जणा बे सगळा बोल्या, “इका जिमेबार म्हें अर म्हारा टाबर-टिकर हीं।”

1 पतरस 4:14

ज मसी क नाम की बजेऊँ थानै दुख अर बेजती सेणी पड़ै जणा बिनै सोभाग मानो। आ बात इनै दिखावै ह क परमेसर की मेमा भरी आत्मा थारै सागै ह।

2 तिमूतियूस 2:25

अर जखा खिलाप होवीं बानै नरमाईऊँ समजाबाळो होणो चाए; काँई बेरो परमेसर बानै बाकी गळती मानर माफी माँगबा को मन देवै अर बेबी सच जाण जावै।

रोमीयो 3:29

के परमेसर खाली यहूदि मिनखा कोई ह? के गैर-यहूदि मिनखा को परमेसर कोनी? नइ, परमेसर गैर-यहूदि मिनखा को बी ह,

भेजेड़ा चेला का काम 28:28

थानै ओ जाणबो चाए की परमेसर को छुटकारो गैर-यहूदि मिनखा क कनै भेज्यो गयो ह। बे इ छुटकारा का समचारनै सुणसी।”

भेजेड़ा चेला का काम 26:20

जणा म सऊँ पेली दमिसक पाछै यरूसलेम अर पाछै यहूदिआ का सगळा देसा का रेह्बाळा अर परमेसरनै नइ ध्यारबाळा मिनखानै समजातो रिह्यो क पापऊँ तौबा करो, परमेसर कानि आओ अर हियो बदलबा जोगो काम करो।

भेजेड़ा चेला का काम 26:11

अर बोळीबर म अरदास करबाळी झघा म बानै पिट्यो अर बापै ईसु की बुराई करबा ताँई जोर देतो हो। म बापै झाळा भर'र अत्तो बिकराळ होगो हो क म दिसावर नगर्या म बी जार बानै दिन घाल्या करतो हो।

मत्ती 22:10

बे दास गया अर बानै जत्ता बी भला-बुरा मिनख मिल्या बा सगळानै लेर आया अर बाऊँ तम्मू भरगो।

मत्ती 10:14

अर ज कोई थारो मान कोनी करै अर नइ थारी बाता सुणै जणा थे बि घर अर बि नगरीऊँ बारनै आर थारी पगा की धूळ झाड़ दिज्यो। अंय्यां कर थे बानै आ चेता दिज्यो क परमेसर बानै सजा देसी क्युं क बे बिकी बात कोनी सुणी।

लूका 22:65

अर बे बिको निरादर करबा ताँई ओर बी बोळी बाता बोली।

मत्ती 21:43

“इ ताँई म थारूँ खेऊँ हूँ, परमेसर को राज थारूँ खोस लिओ ज्यासी अर बा मिनखानै दे दिओ ज्यासी जखा बिकै खया गेल बरताव करै ह।

मत्ती 8:11

म थानै बताऊँ हूँ क, बोळा मिनख अगुणी अर पाछुणी दिसाऊँ आसी अर बे ईस्बर नगरी राज म अब्राहम, इसाक अर याकूब क सागै जिमबा बेठसी।

1 तिमूतियूस 5:22

मिनखा क सीर प आसिरबाद देबा ताँई हात म्हेलर बानै परमेसर की सेवा म देबा ताँई तावळ मना करजे। दुसरा क पाप म सामिल मना होए, खुदनै पबितर बणायो राख।

मत्ती 21:41

जणा बे ईसुऊँ बोल्या, “बे कुटिचर हा इ ताँई बो बानै बेरहमीऊँ मारसी अर अँगूरा को बाग दुसरानै ठेका प दे देसी जखा बिनै अँगूरा की रुत म बिकी पाँती दे।”