भेजेड़ा चेला का काम 18:12 - जीवन को च्यानणो (सेकावाटी नया नियम की पोथ्या)

¹² जद गलिओ अखाया परदेस को राजपाल हो बि टेम सगळा यहूदि एको कर पोलुसनै पकड़र कचेरी म खड़्यो कर दिओ अर बे बोल्या,

भेजेड़ा चेला का काम 18:12 Referans Kwoze

भेजेड़ा चेला का काम 18:27

अर जद अपुलोस अखाया परदेस जाबा की मन म करी जणा बठै का भाईड़ा बिकी मदद करी अर बिकै हात चेलानै एक कागद भेज्यो क बे बिकी आवभगत करै। अर बो बठै जार बा मिनखा की मदद करी जखा परमेसर की दयाऊँ बिस्वास म आया हा।

भेजेड़ा चेला का काम 13:50

पण यहूदि नेता, गैर-यहूदिआ की मानी-थानी यहूदि धरमनै मानबाळी भगत लूगाया अर नगरी का मान्या-थान्या मिनख जखा परमेसरनै मानबाळा हा बाका कान भर पोलुस अर बरनाबास क खिलाप बिदरो कर बानै, बि नगरी क बारनै कढवा दिओ।

भेजेड़ा चेला का काम 13:7

अर बो राजपाल सिरगियुस-पोलुस जखो दिमागऊँ बोळो तेज हो बिकै सागै हाळो मिनख हो, ओ सिरगियुस-पोलुस बरनाबास अर साऊलनै आपकै कनै बुलार बाऊँ परमेसर को बचन सुणबो चातो हो।

2 कुरन्थीयो 11:10

अर ज मसी की सचाई मेरै मांयनै ह जणा अखाया दिसावर म कोईबी इ बात बेई मनै गुमान करबाऊँ कोनी रोक सकै।

2 कुरन्थीयो 9:2

क्युं क मनै बेरो ह थे इ कामनै करबा ताँई सदाई त्यार रेह्ओ हो। जणाई म मकीदुनिया का मिनखा क सामै थारै बारां म गुमानऊँ खयो क अखाया का मिनख तो गेलड़ा बरसऊँई त्यार हीं अर थारी उजमानै देखर बोळा अंय्यां करबा ताँई आगै आया हीं।

2 कुरन्थीयो 1:1

आ चिठी परमेसर की इंछ्याऊँ म, मसी ईसु को भेजेड़ो चेलो पोलुस अर आपणो बिस्वासी भाई तिमूतियूस परमेसर की कुरन्थी नगरी की बिस्वासी मंडळी का मिनखानै अर अखाया का सगळा परमेसर का मिनखानै मांडां हां।

1 कुरन्थीयो 16:15

थे स्तिफनुस अर बिका परवार क बारां म तो जाणोई हो, क बे अखाया म मसी प सऊँ पेली बिस्वास करबाळा मिनख हीं। बे परमेसर का मिनखा की मदद करबा को बीड़ो उठा राख्यो ह। इ ताँई ओ मेरा लाडला बिस्वास्यो, म थारूँ अरदास करूं हूँ,

रोमीयो 15:26

क्युं क मकीदुनिया अर अखाया की बिस्वासी मंडळी का मिनखानै ओ चोखो लाग्यो क यरूसलेम म परमेसर का मिनखा म जखा गरीब हीं बानै दान देवीं।

भेजेड़ा चेला का काम 25:10

जणा पोलुस बोल्यो, “म रोम हाळा राजा का एक न्याय आसन क सामै खड़्यो हूँ, अर अठैई मेरो न्याय कर्यो जावै। यहूदिआ क खिलाप म क्युंई बुरो कोनी कर्यो इ बातनै तू चोखी ढाळ जाणै ह।

भेजेड़ा चेला का काम 17:13

अर जद थिसलूनिकी का यहूदि मिनखानै ओ बेरो पड़्यो की पोलुस बिरीया म बी परमेसर को बचन सुणार्यो ह जणा बे बठै आर भीड़नै बाकै खिलाप भर दिआ।

भेजेड़ा चेला का काम 14:19

इकै पाछै अंताकीया अर इकोनियुम नगर्याऊँ क्युंक यहूदि आर भीड़नै भड़कार खुद म मिला लिओ। अर बे पोलुसनै भाठाऊँ मार'र बिनै मरेड़ो समजर बिनै नगरी क बारनै घिसर गेर दिआ।

भेजेड़ा चेला का काम 14:2

पण बे यहूदि जखा बिस्वास कोनी कर्या हा बे गैर-यहूदि मिनखानै बिस्वासी भाया क खिलाप भड़काया अर बाकै मना म झेर भर दिओ।

मत्ती 27:19

अर जद पीळातुस न्यायहाळा सिंघासन प बेठ्यो हो जणा बिकी लूगाई बिकन एक संदेसो भेज्यो। जिमै मंडर्यो हो क, “सुआरैसिक म सूपना म इ मिनख की बजेऊँ बोळो दुख पाई हूँ। जणा इ धरमी मिनख क सागै क्युंई बुरो मना करज्यो।”

याकूब 2:6

पण जणा बी थे बा गरीबा को अपमान कर्यो हो। के पिसाळा मिनख थार प जोर कोनी जिमावै अर थानै कचेरी म घिसर कोनी लेज्यावै?

रोमीयो 16:5

बिकै घरा भेळी होबाळी बिस्वासी मंडळीनै बी मेरो नमस्कार। मेरा लाडला इपनितुसनै जखो एसिया म मसीनै मानबाळा म पेलो मिनख ह मेरो नमस्कार खिज्यो।

भेजेड़ा चेला का काम 17:5

इपै यहूदि जळता-बळता पिसा देर क्युंक बदमास मिनखानै आपकै सागै कर लिओ अर नगरी म बिदरो मचाबा लागगा। बे पोलुस अर सीलासनै भीड़ क सामै ल्याबा क चकर म यासोन क घरा धावो बोल्यो।

भेजेड़ा चेला का काम 13:12

जणा टापू को राजपाल आ देखर परबु की सीख प ताजूब क सागै बिस्वास कर्यो।

यहून्ना 19:13

आ सुणर पीळातुस ईसुनै बारनै ल्याओ अर न्यायहाळी गद्दि प बेठगो, इ झघानै “भाठा को चबूतरो” खेता हा। इनै इबरानी भासा म “गब्बतो” बी खेवै ह।

भेजेड़ा चेला का काम 13:8

पण बार-ईसु जादूगर जिको नाम यूनानी भासा म अलिमास हो, बो बाको बिरोद कर टापू का राजपालनै परमेसर प बिस्वास करबाऊँ रोकबो चायो।

भेजेड़ा चेला का काम 18:11

अर पोलुस बठै डेड बरस ताँई रेह्‍र मिनखानै परमेसर का बचना की सीख देतो रिह्यो।

भेजेड़ा चेला का काम 19:21

आ बाता क पाछै पोलुस पबितर आत्माऊँ मकीदुनिया अर अखायाऊँ होर यरूसलेम जाबा की सोची अर बोल्यो क, “बठै जाबा क पाछै मनै रोम बी जाणो ह।”

2 कुरन्थीयो 11:26

म बोळीबर लामो-लामो सफर कर्यो, कई बर तो म उफणती नद्‍या को तो कदै डाकूआ का खतरा को सामनो कर्यो। खुदका मिनखाऊँ खतरा को सामनो कर्यो अर गैर-यहूदि मिनखाऊँ बी खतरा को सामनो कर्यो। नगर्या म, उजाड़ म, अर समदर म मनै तो खतरोई मिल्यो। अर बा मिनखाऊँ बी जखा खुदनै बिस्वासी बतावीं हीं बाऊँ बी मनै तो खतरोई मिल्यो।

1 थिसलूनिकी 2:14

भाई-भाणो थारै सागै बी बाई होई जखी यहूदिआ दिसावर म परमेसर की बिस्वासी मंडळी क सागै होई ही, क्युं क बे बी थारी जंय्यां मसी ईसुनै मानता हा। अर थानै बी थारा मिनखाऊँ बंय्यांई दुख मिल्यो जंय्यां बानै यहूदि मिनखाऊँ मिल्यो।

1 थिसलूनिकी 2:16

अर बे गैर-यहूदि मिनखानै छुटकारा को चोखो समचार सुणाबा ताँई आपानै रोकै ह। अंय्यां करबाऊँ बाकै पाप को घड़ो भरर्यो ह अर परमेसर को परकोप बापै आग्यो ह।