भेजेड़ा चेला का काम 17:5 - जीवन को च्यानणो (सेकावाटी नया नियम की पोथ्या)

⁵ इपै यहूदि जळता-बळता पिसा देर क्युंक बदमास मिनखानै आपकै सागै कर लिओ अर नगरी म बिदरो मचाबा लागगा। बे पोलुस अर सीलासनै भीड़ क सामै ल्याबा क चकर म यासोन क घरा धावो बोल्यो।

भेजेड़ा चेला का काम 17:5 Referans Kwoze

गलातियो 5:26

आपानै नइ तो गुमान करबो चाए, अर नइ एक दुसरानै रीस दिवाणो चाए, अर नइ आपसरी म बळोकड़ोपूणो राखबो चाए।

भेजेड़ा चेला का काम 17:13

अर जद थिसलूनिकी का यहूदि मिनखानै ओ बेरो पड़्यो की पोलुस बिरीया म बी परमेसर को बचन सुणार्यो ह जणा बे बठै आर भीड़नै बाकै खिलाप भर दिआ।

गलातियो 5:21

जळबो, नसो करबो, भोगबिलास करबो अंय्यां का ओर बि बोळा काम हीं। जाकै बारां म पेल्या बी म थानै चेता दिओ हूँ अर ओज्यु चेतार्यो हूँ क, अंय्यां का काम करबाळा मिनख परमेसर का राज म वारिस कोनी होसी।

रोमीयो 16:21

मेरै सागै काम करबाळो तिमूतियूस, लूकियुस, यासोन अर सोसिपतरुस अर मेरा देसवासी कानिऊँ थानै नमस्कार।

भेजेड़ा चेला का काम 17:7

यासोन बानै आपकै घरा राख्यो अर अ सगळा बोली हीं ईसु नाम को कोई ओर राजा ह, अर अ रोम का राजा कैसर को आदेस कोनी मान्यो।

भेजेड़ा चेला का काम 14:2

पण बे यहूदि जखा बिस्वास कोनी कर्या हा बे गैर-यहूदि मिनखानै बिस्वासी भाया क खिलाप भड़काया अर बाकै मना म झेर भर दिओ।

1 कुरन्थीयो 3:3

क्युं क थे हाल ताँई इ दुनिया का मिनखा की जंय्यां हो। थे आपसरी म बळोकड़ोपूणो अर कळै राखो हो। जणा थे इ दुनिया का मिनखा की जंय्यां कोनी के? अर इ दुनिया का मिनखा की जंय्यां बरताव कोनी कर्या के?

भेजेड़ा चेला का काम 19:40

क्युं क आज का इ बबाळ को दोस कदै आपणा सीर नइ मंढ जावै अर इनै सई बोलबा ताँई आपणै कनै कोई बजै बी कोनी।”

भेजेड़ा चेला का काम 18:12

जद गलिओ अखाया परदेस को राजपाल हो बि टेम सगळा यहूदि एको कर पोलुसनै पकड़र कचेरी म खड़्यो कर दिओ अर बे बोल्या,

भेजेड़ा चेला का काम 14:19

इकै पाछै अंताकीया अर इकोनियुम नगर्याऊँ क्युंक यहूदि आर भीड़नै भड़कार खुद म मिला लिओ। अर बे पोलुसनै भाठाऊँ मार'र बिनै मरेड़ो समजर बिनै नगरी क बारनै घिसर गेर दिआ।

भेजेड़ा चेला का काम 13:45

इ भीड़नै देखर यहूदि बळगा अर पोलुस की बाता क खिलाप बोलता होया बिकी बुराई करी।

मत्ती 27:18

बो ओ सुवाल इ ताँई बुज्यो, क्युं क बो जाणतो हो यहूदि अधिकारी जळता-बळता ईसुनै पकड़ाया ह।

याकूब 4:5

थानै अंय्यां नइ सोचबो चाए क, बिधी-बिधान बेफालतुई अंय्यां खेवै ह क, “परमेसर जखी आत्मा आपानै दि ह बि ताँई बोळी जळन राखै ह , क्युं क बो बिऊँ बोळो परेम करै ह।”

भेजेड़ा चेला का काम 7:9

आपणा गोता का बाप-दादा आपका भाईड़ा युसूफ प जळता हा। जणा बे बिनै मिसर देस का मिनखानै बेच दिआ पण परमेसर बिकै सागै हो।

भेजेड़ा चेला का काम 17:6

बठै बानै बे कोनी लाध्या जणा बे यासोन अर क्युंक भायानै नगरी का अधिकारीया क कनै लेग्या अर चिलार कह्या, “बे सगळी दुनिया का मिनखा म उथल-पुथल मचार इब अठै आया हीं।”

भेजेड़ा चेला का काम 17:9

जणा अधिकारी यासोन अर दुसरा बिस्वास्यानै जमानत लेर छोड दिआ।

2 कुरन्थीयो 11:26

म बोळीबर लामो-लामो सफर कर्यो, कई बर तो म उफणती नद्‍या को तो कदै डाकूआ का खतरा को सामनो कर्यो। खुदका मिनखाऊँ खतरा को सामनो कर्यो अर गैर-यहूदि मिनखाऊँ बी खतरा को सामनो कर्यो। नगर्या म, उजाड़ म, अर समदर म मनै तो खतरोई मिल्यो। अर बा मिनखाऊँ बी जखा खुदनै बिस्वासी बतावीं हीं बाऊँ बी मनै तो खतरोई मिल्यो।

1 थिसलूनिकी 1:6

थे कळेस क बावजुद बी पबितर आत्मा का दियड़ा आनंद क सागै परमेसर का बचननै मानर म्हारी अर परबु की जंय्यां चालबाळा बणग्या।