भेजेड़ा चेला का काम 17:4 - जीवन को च्यानणो (सेकावाटी नया नियम की पोथ्या)

⁴ बामैऊँ क्युंक जणा बिस्वास कर्या अर पोलुस अर सीलास म जार मिलगा। अंय्यां का बोळा परमेसर का भगत यूनानी मिनख अर मानी-थानी लूगाया बी अंय्यांई करी।

भेजेड़ा चेला का काम 17:4 Referans Kwoze

भेजेड़ा चेला का काम 17:12

जिऊँ बोळा मिनख बिस्वास कर्या अर बामै यूनानी मिनख अर मानी-थानी लूगाया ही।

भेजेड़ा चेला का काम 14:4

अर नगरी म अंय्यां होयो क मिनखा म फूट पड़गी। कोई भेजेड़ा चेला को तो कोई यहूदि पंथ को हिमायत्यो होयो।

भेजेड़ा चेला का काम 13:43

सभा क खतम होबा क पाछै यहूदि अर गैर-यहूदि जखा यहूदि धरम पंथ म रळेड़ा भगत हा बे पोलुस अर बरनाबास क गेल होलिआ। पोलुस अर बरनाबास बाऊँ बात कर बानै समजाया की परमेसर की दया म बण्या रेह्ओ।

2 कुरन्थीयो 8:5

अर जंय्यां म्हें आस करी ही बिऊँ बेसी बे कर्या। पेली बे खुदनै परबुनै सूप दिआ बिकै पाछै परमेसर की इंछ्याऊँ खुदनै म्हानै सूप दिआ।

भेजेड़ा चेला का काम 28:24

जणा क्युंक तो बिकी बातानै मानली पण क्युंक बिस्वास कोनी कर्यो।

भेजेड़ा चेला का काम 15:22

जणा पाछै भेजेड़ा चेला, बिस्वासी मंडळी का मुखिया अर सगळी बिस्वासी मंडळी क्युंक जणानै टाळर पोलुस अर बरनाबास क सागै अंताकीया भेजबा की ते करी। जणा बे यहूदा जिनै बरसबा बोलता हा अर सीलासनै टाळर, जखा बामै चोखी पेठ राखता हा बानै बाकै सागै भेज्या।

भेजेड़ा चेला का काम 13:50

पण यहूदि नेता, गैर-यहूदिआ की मानी-थानी यहूदि धरमनै मानबाळी भगत लूगाया अर नगरी का मान्या-थान्या मिनख जखा परमेसरनै मानबाळा हा बाका कान भर पोलुस अर बरनाबास क खिलाप बिदरो कर बानै, बि नगरी क बारनै कढवा दिओ।

भेजेड़ा चेला का काम 21:28

“ओ इजरायल का रेह्बाळो म्हारी मदद करो ओ बोई मिनख ह जखो हर कठै मूसा का नेम-कायदा, आपणै अर इ मनदर क खिलाप सीख देतो फिरै ह। अर ओ यूनानीयानै मनदर म ल्यार इ पबितर झघानै सूगलो कर्यो ह।”

भेजेड़ा चेला का काम 19:10

करीब दो बरस ताँई अंय्यांई चालतो रिह्यो अर अंय्यां करता-करता एसिया का सगळा रेह्बाळा चाए बे यहूदि हो चाए यूनानी ईस्बर को बचन सुण्या।

भेजेड़ा चेला का काम 18:4

पोलुस हर यहूदिआ का अरामहाळा दिन अरदास करबाळी झघा म यहूदि अर यूनानी मिनखा क सागै चरचा करतो अर बानै समजातो हो।

भेजेड़ा चेला का काम 17:34

इकै पाछै कई मिनख बिस्वास कर्या अर बिकै गेल गया। आ मिनखा म अरियुपगस सभा को एक मिनख जिको नाम दिओनुसीस अर दमरिस नाम की एक लूगाई अर ओर बी बोळा मिनख हा।

भेजेड़ा चेला का काम 17:17

जि बजेऊँ बो अरदास करबाळी झघा म यहूदि अर गैर-यहूदि मिनखा क सागै जखा परमेसर का भगत हा। अर रोजकी चोक म आबाळा जाबाळा क सागै बी चरचा करतो हो।

भेजेड़ा चेला का काम 16:3

पोलुस क आ मन म ही की बो बिकै सागै चालै, जणा बठै का यहूदि मिनखा क चलतै बो बिकी सुन्नत करी क्युं क बे सगळा जाणता हा क इको बाप यूनानी ह।

भेजेड़ा चेला का काम 15:40

पण पोलुस सीलासनै टाळ्यो अर बिस्वासी भाईड़ा बानै परमेसर क हाता म सू'पर अरदास कर दि जणा पाछै बो बठैऊँ चलेगो।

भेजेड़ा चेला का काम 15:32

यहूदा अर सीलास जखा परमेसर की खेबाळा हा, बे आस बंधाबाळी अर बिस्वासनै मजबूत करबाळी बाता बतार बानै मजबूत कर्या।

भेजेड़ा चेला का काम 15:27

जणाई म्हें थारै कनै यहूदा अर सीलासनै भेजर्या हां जखा आपका मुंडाऊँ अ सगळी बाता थानै खे देसी।

भेजेड़ा चेला का काम 14:1

इकोनियुम म पोलुस अर बरनाबास अरदास करबाळी झघा म गया अर बठै उपदेस दिआ जिऊँ यहूदि अर यूनानी, बोळा मिनख बिस्वास कर्या।

भेजेड़ा चेला का काम 4:23

बठैऊँ छुट-छुटार पतरस अर यहून्ना सिदा आपकी टोळी म जार बानै बे बाता बताई जखी परधान याजक अर यहूदि नेता बानै बोल्या हा।

भेजेड़ा चेला का काम 2:44

सगळा बिस्वास करबाळा एक मन अर एक चित होर संगती करता हा। अर जोक्यु बाकन हो बिनै आपसरी म बाट लेता।

यहून्ना 7:35

जणा यहूदि अधिकारी आपसरी म बोलबा लाग्या, “ओ कठै जाबा की करै ह जिऊँ आपा इनै ढुंढ कोनी सकां? के ओ यूनानी नगर्या म जासी जठै आपणा मिनख रेह्‍वै ह, अर यूनानीयानै सीखासी?

भेजेड़ा चेला का काम 17:10

जणा बठै का बिस्वासी भाईड़ा पोलुस अर सीलासनै रात्यु-रातई बठैऊँ बिरीया भेज दिआ अर बे बठै पुगर सिदा यहूदिआ क अरदास करबाळी झघा गया।

भेजेड़ा चेला का काम 17:14

जणा बठै का मसी भाईड़ा तावळासा पोलुसनै बिदा कर समदर किनारै भेज्या पण सीलास अर तिमूतियूस बिरीया मई रेह्गा।