भेजेड़ा चेला का काम 16:9 - जीवन को च्यानणो (सेकावाटी नया नियम की पोथ्या)

⁹ बठै पोलुस एक दरसाव देख्यो। अर बि दरसाव म बो काँई देखै ह क एक मकीदुनिया को मिनख बिनै हात जो'ड़र खेर्यो ह क, “थे मकीदुनिया आर म्हारी मदद करो।”

भेजेड़ा चेला का काम 16:9 Referans Kwoze

भेजेड़ा चेला का काम 19:21

आ बाता क पाछै पोलुस पबितर आत्माऊँ मकीदुनिया अर अखायाऊँ होर यरूसलेम जाबा की सोची अर बोल्यो क, “बठै जाबा क पाछै मनै रोम बी जाणो ह।”

भेजेड़ा चेला का काम 18:5

अर जद सीलास अर तिमूतियूस मकीदुनियाऊँ आया जणा पोलुस आपको सगळो टेम बचन का परचार मई बितातो हो अर यहूदि मिनखा म आ साबित करतो की ईसुई मसी ह।

रोमीयो 15:26

क्युं क मकीदुनिया अर अखाया की बिस्वासी मंडळी का मिनखानै ओ चोखो लाग्यो क यरूसलेम म परमेसर का मिनखा म जखा गरीब हीं बानै दान देवीं।

भेजेड़ा चेला का काम 20:1

बबाळ थमबा क पाछै पोलुस बिस्वास्यानै बुलार बानै आस बंधार अर बाऊँ बिदा लेर मकीदुनिया कानि रवाना होयो।

1 थिसलूनिकी 4:10

सचमई थे सगळा मकीदुनिया का बिस्वासी भाई-बंदा क सागै प्यार-परेम राखो हो। पण म्हें चावां हां क थे प्यार-परेम म ओर बी बढता जाओ।

2 कुरन्थीयो 12:7

म बोळी ताजूबभरी बाता देखबा की बजेऊँ गुमान नइ करूं इ ताँई मेरी काया म रोग की एक दरदनाक पिड़ा दिनी गई ह, जखी सेतान का एक दुत की जंय्यां मनै मारबा को काम करै ह। पण आ मनै खुद प गुमान करबाऊँ बचावै ह।

2 कुरन्थीयो 11:9

अर जद म थारै कनै हो जणा मनै कमी-घटी होई ही पण बि टेम बी म थार प कोई बोज कोनी गेर्यो। क्युं क मकीदुनियाऊँ मेरा बिस्वासी भाईड़ा आर मेरी सगळी जुर्ता पूरी करी। अर म हर बर खुदनै थार प बोज बणबाऊँ रोक्यो, अर आगै बी रोकस्युं।

2 कुरन्थीयो 9:2

क्युं क मनै बेरो ह थे इ कामनै करबा ताँई सदाई त्यार रेह्ओ हो। जणाई म मकीदुनिया का मिनखा क सामै थारै बारां म गुमानऊँ खयो क अखाया का मिनख तो गेलड़ा बरसऊँई त्यार हीं अर थारी उजमानै देखर बोळा अंय्यां करबा ताँई आगै आया हीं।

2 कुरन्थीयो 8:1

सुणो मेरा लाडला बिस्वास्यो, इब म्हें थानै मकीदुनिया दिसावर की बिस्वासी मंडळ्या प जखी दया परमेसर करी ही बिकै बारां म बतावां हां।

2 कुरन्थीयो 7:5

जद म्हें मकीदुनिया गया हा जद बी म्हानै अराम कोनी मिल्यो, पण म्हानै काया म राड़-दंगा अर हिया म डर की बजेऊँ कई ढाळ दुख भोगणो पड़्यो।

भेजेड़ा चेला का काम 20:3

अर बठै तीन म्हेना रेह्बा क पाछै बो पाणी का झाजऊँ सिरीया जाबो चायो जणा बिनै भणक लागी की यहूदि बिकी ताक म हीं। जणा बो मकीदुनिया होर जाबा की मन म करी।

भेजेड़ा चेला का काम 10:30

जणा कुरनेलियुस खेबा लाग्यो, “आजऊँ ठिक च्यार दिन पेल्या जद म दिन का तीन बजै मेरै घरा अरदास करबा लागर्यो हो जणा म देख्यो क एक मिनख मेरै सामै आर खड़्यो होगो बिका गाबा भळका मारर्या हा।

भेजेड़ा चेला का काम 10:3

जणा एक दिन बिनै दिन का तीन बजै दरसाव होयो क परमेसर को एक ईस्बर नगरी दुत बिकन आर बिऊँ बोल्यो, “ओ कुरनेलियुस!”

भेजेड़ा चेला का काम 9:38

याफा नगरी लुद्दा नगरी क सारैई ही, चेला आ सुण क पतरस लुद्दा नगरी म आयड़ो ह बिकन दो मिनखानै भेज्या क बे बिऊँ अरदास करै क, “बिना देर कर्या दया कर म्हारै कनै आज्या।”

भेजेड़ा चेला का काम 16:10

बिकै ओ दरसाव देखताई म्हें मकीदुनिया जाबो चाया क्युं क परमेसर म्हानै बठै चोखो समचार सुणाबा ताँई बुलायो ह।

भेजेड़ा चेला का काम 16:12

अर बठैऊँ बे जमीन क गेला फलिपी पुग्या। फलिपी मकीदुनिया परदेस की मानेड़ी नगरी अर रोमी मिनखा की बस्ति ही। म्हें क्युंक दिन बठै रिह्या।

भेजेड़ा चेला का काम 19:22

जणा बो आपका दो सात्या तिमूतियूस अर इरास्तुसनै मकीदुनिया भेज्यो, अर आप खुद क्युं क दिन ताँई एसिया म रिह्यो।

भेजेड़ा चेला का काम 19:29

अर अंय्यां पूरी नगरी म हो-हल्लो मचगो अर बे लोग मकीदुनिया का रेह्बाळा गयुस अर अरिस्तखुसनै जखा सफर म पोलुस क सागै हा बानै पकड़ लिआ अर सगळा बानै नगरी का मैदान कानि भगाताई लेग्या।

भेजेड़ा चेला का काम 27:2

म्हें अदरमुतियुमऊँ आबाळा एक पाणी हाळा झाज प चढर चाल पड़्या, जखो एसिया का समदरी भागाऊँ होतो होयो जाबाळो हो। अर एक थिसलूनिकी को रेह्बाळो एक मकीदुनी, जिको नाम अरिस्तखुस हो बो म्हारै सागै हो।