भेजेड़ा चेला का काम 16:2 - जीवन को च्यानणो (सेकावाटी नया नियम की पोथ्या)

² बो मिनख लुस्तरा अर इकोनियुम का बिस्वासी भाया म पेठहाळो हो।

भेजेड़ा चेला का काम 16:2 Referans Kwoze

2 तिमूतियूस 3:15

अर टाबरपुणाऊँई तू पबितर सास्तरनै जाणै ह जखो मसी ईसु म बिस्वास की बजेऊँ तनै छुटकारा ताँई बुदी दे सकै ह।

1 तिमूतियूस 5:10

जिको चोखा काम करबा म नाम होयड़ो हो, अर जखी आपका टाबरानै सूल पाळी हो, जखी पराया अर अणजाण मिनखा की आवभगत करी हो, परमेसर का मिनखा को खुदका घर म आवभगत करी हो, दिन-दुखीया की मदद करी हो, अर जखी खुदनै चोखा काम करबा म लगादि होवै।

इबरानीआ 11:2

अर अंय्यां को बिस्वास करबा की बजेऊँई पुराणा टेम का मिनखा की परमेसर क कानिऊँ बडाई करी गई।

2 तिमूतियूस 3:11

मेर प होया जुलमा, अर मेरा दुखानै देख्यो। अन्ताकीया, इकोनियुम अर लुस्तरा म जोक्यु होयो हो अर कंय्यां-कंय्यां का दुखदाई जुलमानै भोग्यो हो बानै तू जाणै ह। पण परबु मनै बाऊँ बचायो।

1 तिमूतियूस 3:7

बो अंय्यां को मिनख होणो चाए जिकी बिस्वासी मंडळी क अलावा बारका मिनखा म बी ईज्जत हो, अंय्यां नइ हो क बो काळो मुंडो करवार सेतान का जाळ म फस जावै।

भेजेड़ा चेला का काम 16:40

जणा बे बठैऊँ छुटबा क पाछै सिदा लुदिआ क घरा गया अर बिस्वासी भाईड़ाऊँ मिल-मिलार बानै हिमत बंधार बठैऊँ चलेगा।

भेजेड़ा चेला का काम 14:21

बि नगरी म बे परमेसर का समचार सुणार बोळा चेला बणार लुस्तरा अर इकोनियुम होताहोया पिसदिआ का अंताकीया म आगा,

भेजेड़ा चेला का काम 13:51

जणा पोलुस अर बरनाबास बानै चेताबा ताँई आपकै पगा की धूळ झाड़र बठैऊँ इकोनियुम चलेगा।

भेजेड़ा चेला का काम 6:3

इ ताँई यहूदि भाई-भाणो, थारै मऊँ थे सात चोखी पेठहाळा मिनखानै टाळल्यो जखा म पबितर आत्मा अर बुदी होवै अर बानै इ काम की जिमेदारी आपा दे देस्यां।

1 तिमूतियूस 5:25

अंय्यांई चोखा काम बी सामै आवीं हीं अर जखो भला काम सामै कोनी आया बे ओला म कोनी रेह्सी।

भेजेड़ा चेला का काम 1:15

जणा पाछै बा दिना म पतरस बा बिस्वासी भाई-भाणा म खड़्यो होर बोल्यो जखा गिणत-माणत का एक सो बिस हा,

भेजेड़ा चेला का काम 14:1

इकोनियुम म पोलुस अर बरनाबास अरदास करबाळी झघा म गया अर बठै उपदेस दिआ जिऊँ यहूदि अर यूनानी, बोळा मिनख बिस्वास कर्या।

भेजेड़ा चेला का काम 14:6

जणा बानै इको पेल्याई बेरो पड़गो अर बे बाकै आबाऊँ पेलीई लिकोनिआ का लुस्तरा अर दिरबे नाम की नगर्या अर कनै का इलाका म भाग छुट्या।

फलिपी 2:22

जंय्यां बेटो बाप क सागै मिलर मेनत करै ह बंय्यांई तिमूतियूस मेरै सागै मिलर चोखा समचारनै फेलाबा ताँई मेनत करी ह अर बिकी काबलीयतनै थे खुदई चोखी तर्या जाणो हो।