भेजेड़ा चेला का काम 15:9 - जीवन को च्यानणो (सेकावाटी नया नियम की पोथ्या)

⁹ अर बिस्वासऊँ बाका हियानै धोर आपणा म अर बामै कोई भेद-भाव कोनी कर्यो।

भेजेड़ा चेला का काम 15:9 Referans Kwoze

इफिसुस 3:6

ओ भेद ओ ह क मसी का चोखा समचारनै मानबा की बजेऊँ गैर-यहूदि मिनख यहूदि मिनखा क सागै बापोती का हिस्सेदार होर, परमेसर का आसिरबाद म सामिल होगा; अर एकई काया का अंग अर मसी ईसु म करेड़ा बादा का हिस्सेदार होगा।

भेजेड़ा चेला का काम 10:28

जणा बो बाऊँ बोल्यो, “जंय्यां क थे पेलीऊँ जाणोई हो क एक यहूदि मिनख को गैर-यहूदि मिनखऊँ कोई समंद राखबो अर बिका घरा आबो जाबो बरजेड़ो ह, पण परमेसर मनै दिखायो ह क, नइ तो कोई मिनख सूगलो ह अर नइ निची जात को ह।

कलुसीयो 3:11

अर इब कोई यूनानी अर यहूदि, सुन्नत हाळो अर बिना सुन्नत हाळो, बिना लोतर का, कुजात, गुलाम अर अजाद म कोई अंतर कोनी ह पण मसी सक्यु अर सगळा म ह।

गलातियो 5:6

क्युं क मसी ईसु म नइ तो सुन्नत कराबाळो, अर नइ सुन्नत नइ कराबाळो क्यु मांयनै राखै ह। पण बिस्वास जखो परेम की बजेऊँ काम करै ह बोई मांयनै राखै ह।

गलातियो 3:28

जणा इब नइ तो कोई यहूदि रिह्यो अर नइ यूनानी, नइ गुलाम, नइ अजाद, नइ नर, नइ नारी, क्युं क थे सगळा मसी ईसु म एकई हो।

1 कुरन्थीयो 1:2

कुरन्थी नगरी म परमेसर की बिस्वासी मंडळी का मिनखा अर बा सगळा क नाम मांडूँ हूँ, जखा परमेसर का मिनख होबा ताँई बुलाया गया हीं, जखा मसी ईसु क जरिए परमेसरऊँ जुड़ेड़ा हीं। अर बे सगळा जखा हर कठै रेह्‍र म्हारा अर आपणा सगळा का परबु ईसु मसी, को गुणगान करीं हीं।

रोमीयो 3:22

सगळा बिस्वास्या ताँई ईसु मसी प बिस्वास करबा क जरिए बिना कोई भेद कर्या परमेसर कानिऊँ मिलबाळी धारमिक्‍ता परगट करी गई ह।

भेजेड़ा चेला का काम 11:12

अर पबितर आत्मा मनै बाकै सागै बिना झिजक क जाबा ताँई बोल्यो, अर अ छ बिस्वासी भाईड़ा बी मेरै सागै होलिआ, अर म्हें बि मिनख क घरा गया।

1 पतरस 1:22

थे सच का गेला प चाल्या जणा थारा पाप सुद कर दिआ गया, जणा इब थानै चाए क एक दुसराऊँ भाईचारो राखो अर एक दुसराऊँ खरा हिया क सागै डूँगो परेम राखो।

भेजेड़ा चेला का काम 10:34

जणा पतरस खेबा लाग्यो, “इब मनै पक्को बेरो पड़गो की परमेसर कोई भेद-भाव कोनी करै।

1 कुरन्थीयो 7:18

ज सुन्नत करवायड़ा मिनखनै परबु बुलावै जणा बिनै सुन्नत की सेलाणीनै नइ लुखाणो चाए। अर अंय्यांई बिना सुन्नतहाळा मिनखनै जद परबु बुलावै जणा बिनै सुन्नत कराबा की कोई जुर्त कोनी।

रोमीयो 9:24

अर सचमई आपा बे मिनख हा जानै परमेसर बुलायो ह अर खाली यहूदिई नइ, पण गैर-यहूदि बी सामिल ह।

रोमीयो 3:9

जणा काँई बात ह? आपा यहूदि गैर-यहूदि मिनखाऊँ चोखा हां के? नइ, क्याका चोखा हां। जंय्यां क म्हें पेलीई बोल दिआ हा क यहूदि अर यूनानी दोन्युई पाप क बस म हां।

भेजेड़ा चेला का काम 14:27

बठै जार बे बिस्वासी मंडळी की सभा बुलार बानै बे सगळी बाता खे सुणाई जखी परमेसर गैर-यहूदिआ क मांयनै बाकै हाता करवायो अर कंय्यां गैर-यहूदि मिनखा ताँई सचा परमेसरनै मानबा को गेलो खुल्यो।

भेजेड़ा चेला का काम 14:1

इकोनियुम म पोलुस अर बरनाबास अरदास करबाळी झघा म गया अर बठै उपदेस दिआ जिऊँ यहूदि अर यूनानी, बोळा मिनख बिस्वास कर्या।

भेजेड़ा चेला का काम 10:15

इकै पाछै ओज्यु बिका काना म उवाज आई, “जोक्यु परमेसर सुद कर्यो ह बिनै बरजेड़ो मना खे।”