भेजेड़ा चेला का काम 15:1 - जीवन को च्यानणो (सेकावाटी नया नियम की पोथ्या)

¹ इकै पाछै यहूदिआ परदेसऊँ आर क्युंक मिनख बिस्वासी मंडळी का भाईड़ानै सीखाया क, “ज मूसा की रीत गेल थारी सुन्नत नइ करी जावै जणा थानै छुटकारो कोनी मिल सकै।”

भेजेड़ा चेला का काम 15:1 Referans Kwoze

गलातियो 5:6

क्युं क मसी ईसु म नइ तो सुन्नत कराबाळो, अर नइ सुन्नत नइ कराबाळो क्यु मांयनै राखै ह। पण बिस्वास जखो परेम की बजेऊँ काम करै ह बोई मांयनै राखै ह।

भेजेड़ा चेला का काम 15:5

पण फरिसीया मऊँ बिस्वास म आया क्युंक मिनख खड़्या होर बोल्या, “गैर-यहूदि मिनखानै सुन्नत करार नेम-कायदानै मानबो चाए।”

कलुसीयो 2:8

सचमई मसी ईसु जखो मिनख बणर आयो बिमै परमेसर को सगळो सुभाव भरपूरी क सागै बास करै ह। इ ताँई थे बेमतबल की जिरै-बाजीऊँ समळर रेह्ओ कदै कोई थानै आको गुलाम नइ बणाले क्युं क अ मसी कानिऊँ नइ पण मिनखा का रिती-रिवाजा अर जगत प राज करबाळी आत्मा कानिऊँ आवै ह।

भेजेड़ा चेला का काम 15:24

म्हारा काना म आ बात आई ह क म्हारै मऊँ क्युंक मिनख बठै थारै कनै आर थानै आपकी बाताऊँ घबरा दिआ अर भंगरा दिन्या। पण अंय्यां करबा ताँई म्हें तो बानै ओडायो कोनी जणाई तो

यहून्ना 7:22

अरामहाळा दिन मूसा का हुकम गेल, आदमी की सुन्नत कर थे बी तो काम करो हो। पण आ रीत तो मूसा का नियमऊँ पेली आपणा बडका का टेमऊँ चालती आरी ह।

गलातियो 2:1

म चोदा बरसा क पाछै बरनाबास क सागै पाछो यरूसलेम गयो, अर म तितूसनै बि मेरै सागै लेगो।

भेजेड़ा चेला का काम 15:3

जणा बिस्वासी मंडळी बानै थोड़ी घणी दूर छोडर गई अर बे फिनीके अर सामरीया क गेला, गैर-यहूदि कंय्यांसिक मन बदल्यो आ बात बिस्वासी भायानै बताता गया, जिनै सुणर सगळा बोळा राजी होया।

भेजेड़ा चेला का काम 6:14

म्हें इनै आ खेता सुण्या हा क नासरत को ईसु इ मनदरनै ढाह देसी अर मूसा का दियड़ा रिती-रिवाजानै बदल देसी।”

कलुसीयो 2:16

इ ताँई खाबो-पीबो, तिहवार, पुन्यु अर अरामहाळा दिन क बारां म बताबाळा नियम सदाई कोनी बण्या रेह्‍वै अर अ रिती-रिवाज छाया जंय्यां का हीं पण सचाई तो मसी मई ह इ ताँई ज कोई थार प आ बाता की बजेऊँ बलेम लगावै जणा बिऊँ दुखी मना होवो।

भेजेड़ा चेला का काम 21:20

आ सुणर बे परमेसर की बडाई करबा लागगा अर इकै पाछै बोल्या, “मेरा लाडला बिस्वासी भाईड़ा, तू देखै ह क यहूदिआऊँ मिनख झारा की तादाद म बिस्वास कर्या हीं अर मूसा का नेम-कायदा प चालबा ताँई कट्टर हीं।

भेजेड़ा चेला का काम 15:22

जणा पाछै भेजेड़ा चेला, बिस्वासी मंडळी का मुखिया अर सगळी बिस्वासी मंडळी क्युंक जणानै टाळर पोलुस अर बरनाबास क सागै अंताकीया भेजबा की ते करी। जणा बे यहूदा जिनै बरसबा बोलता हा अर सीलासनै टाळर, जखा बामै चोखी पेठ राखता हा बानै बाकै सागै भेज्या।

भेजेड़ा चेला का काम 1:15

जणा पाछै बा दिना म पतरस बा बिस्वासी भाई-भाणा म खड़्यो होर बोल्यो जखा गिणत-माणत का एक सो बिस हा,

भेजेड़ा चेला का काम 15:23

बाकै हात बे अंय्यां मांडर भेज्या क, “अंताकीया, सिरीया अर कलिकीया म रेह्बाळा गैर-यहूदि बिस्वासी भायानै भेजेड़ा चेला अर यरूसलेम की बिस्वासी मंडळी का मुखिया को नमस्कार।

भेजेड़ा चेला का काम 15:32

यहूदा अर सीलास जखा परमेसर की खेबाळा हा, बे आस बंधाबाळी अर बिस्वासनै मजबूत करबाळी बाता बतार बानै मजबूत कर्या।

गलातियो 6:12

जखा मिनख देख-दिखावो चावीं हीं बे थानै सुन्नत करबा ताँई जोर देवीं हीं, अर बे अंय्यां इ ताँई करीं हीं, क बे मसी की सुळी का समचार की बजेऊँ सताया नइ जावीं।