भेजेड़ा चेला का काम 14:3 - जीवन को च्यानणो (सेकावाटी नया नियम की पोथ्या)

³ पोलुस अर बरनाबास बोळा दिना ताँई बठैई रिह्या अर बिना कोई डर क परचार करता रिह्या। अर परबु बी बाका हाताऊँ अचरजभर्या काम अर चमत्कार दिखार आपकी दया का संदेसनै साबित कर्यो।

भेजेड़ा चेला का काम 14:3 Referans Kwoze

इबरानीआ 2:4

अर परमेसर बी आपका बडा-बडा चमत्काराऊँ, सक्‍तिऊँ भरेड़ा भात-भात का कामाऊँ, सेलाणीऊँ अर पबितर आत्मा का बरदानाऊँ जखा बिकी इंछ्याऊँ बाट्या गया हा, इनै साबित कर्यो।

भेजेड़ा चेला का काम 20:32

अर इब म थानै परमेसर की साळसमाळ अर बिकी दया का बचना म सूपूँ हूँ जखो थानै तगड़ो करसी अर जखी बापोत परमेसर का सगळा मिनखा ताँई ह बा थानै बी देसी।

भेजेड़ा चेला का काम 20:24

पण मनै मेरी ज्यान की परवा कोनी म तो बस मेरी भाग दोड़नै पूरी करबो चाऊँ हूँ। अर परमेसर की दया का चोखा समचार सुणाबा को काम जखो परबु मनै सूप्यो ह बिनै पूरो करबो चाऊँ हूँ।

1 थिसलूनिकी 2:2

अर आबी जाणो हो क थिसलूनिकी आबाऊँ पेल्या फलिपी म म्हें दुख उठाया अर बेजत कर्या गया। अर जद म्हें थिसलूनिकी म आया जणा अठै बी म्हारो खूब बिरोद होयो पण परमेसरऊँ अंय्यां की हिमत मिली क बिना डर थानै चोखो समचार सुणावां।

रोमीयो 1:16

म मसी का चोखा समचारऊँ कोनी सरमाऊँ क्युं क जखो बी बिस्वास करै बिकै छुटकारा ताँई ओ समचार पेली यहूदि मिनखा ताँई अर पाछै यूनानी मिनखा ताँई बी परमेसर की सक्‍ति ह।

मरकुस 16:20

अर बिका चेला झघा-झघा जार परबु को परबचन दिओ। बाकै सागै परबु काम करर्यो हो। अर बो चमत्कारी सेलाणीऊँ बचनानै सच करर्यो।

भेजेड़ा चेला का काम 5:32

अर आ बाता का गुवा म्हें हा, बंय्यांई पबितर आत्मा बी गुवा ह जिनै परमेसर बिका मानबाळानै दि ह।”

भेजेड़ा चेला का काम 2:22

“इजरायल का रेह्बाळो, ईसु नासरी क बारां म आ बचनानै सुणो। परमेसर ईसु क हाता सेलाणी-चमत्कार अर अचरजभर्या काम कर आ साबित कर्यो क बो परमेसर कानिऊँ थारै ताँई भेजेड़ो मिनख हो। जंय्यां की थे सगळा जाणो हो।

भेजेड़ा चेला का काम 13:46

जणा पोलुस अर बरनाबास हिमत कर बोल्या, “ओ जरूरी हो क परमेसर को बचन सऊँ पेली थानै सुणायो जावै पण थे इनै थारूँ दूर कर्या अर खुदनै अजर-अमर जीवन को भागी कोनी मान्या जणा इब म्हें गैर-यहूदिआ क कनै जावां हां।

यहून्ना 4:48

इ बात प ईसु बिऊँ बोल्यो, “थारै मऊँ कोईबी जद ताँई चमत्कार अर ताजूब का काम नइ देखले, बिस्वास कोनी करो।”

भेजेड़ा चेला का काम 4:31

बाकै अरदास करताई बा झघा जठै बे भेळा होर्या हा हालबा लागगी अर बे सगळा पबितर आत्माऊँ भरगा अर हिमत क सागै परमेसर का बचनानै बोलबा लागगा।