भेजेड़ा चेला का काम 13:10 - जीवन को च्यानणो (सेकावाटी नया नियम की पोथ्या)

¹⁰ अर बोल्यो, “सगळा छळ कपटऊँ भरेड़ा सेतान की ओलाद, भलाई का बेरी। तू परमेसर का सचा अर सिदा गेलानै तोड़बो मोड़बो कोनी छोडै के?”

भेजेड़ा चेला का काम 13:10 Referans Kwoze

यहून्ना 8:44

थारो बाप सेतान ह, अर थे बिकी इंछ्या प चालबो चाओ हो। बो तो सरूसई हत्यारो ह अर कदैई सच कानि कोनी रिह्यो क्युं क बिमै सच कोनी। बिको झूठ बोलबाळो सुभाव ह क्युं क बो झूठो अर झूठ को बाप ह,

गलातियो 1:7

पण मसी का चोखा समचारनै छोडर दुसरो समचार तो आथई कोनी, पण क्युंक मिनख थानै भंगरार्या हीं अर मसी का चोखा समचार म हेर-फेर करबो चावीं हीं।

2 कुरन्थीयो 11:3

पण मनै डर ह क्युं क कदै अंय्यां नइ होज्या क जंय्यां हवानै जखी धरती की सऊँ पेली नारी ही बिनै साँप चतराईऊँ भंगरा दिओ हो, बंय्यांई थारा हियानै नइ भंगरा दे जिमै मसी ताँई थारी खरी भगती अर ईमानदारी ह।

मत्ती 13:38

खेत इ जगतनै दिखावै ह अर चोखा बीज ह बे परमेसर का राज का टाबर हीं अर खरप्तवार सेतान की ओलाद ह।

1 यहून्ना 3:8

जखोबी मिनख पाप करतो रेह्‍वै ह बो सेतान को ह, क्युं क सेतान जुगादऊँई पाप करतो आयो ह। जणाई तो परमेसर को बेटो परगट होयो जिऊँ क बो सेतान का कामा को नास करदे।

लूका 11:52

सास्तरानै सीखाबाळो हाय ह थार प! थे थारा हात म ज्ञान हाळा घर का ताळा की ताळी तो लेली। पण खुदबी कोनी बड़्या अर नइ दुसरानै बड़बा दिआ।”

2 पतरस 2:15

अ सई गेलानै छोडर भटकगा हीं। अ मिनख बओर का छोरा बिलाम का गेला प चालीं हीं; बिलाम जिनै हराम की कमाई प्यारी ही।

भेजेड़ा चेला का काम 20:30

अर थारै मऊँ बी अंय्यां का मिनख खड़्या होसी जखा टेडी मेडी बाता बोलर बिस्वास्यानै आपकै गेल कर लेसी।

मत्ती 23:13

“हे कपट राखबाळो धरमसास्तर्यो अर फरिसीयो! थार प धिक्कार ह। थे लोगा का ईस्बर नगरी राज म जाबाळा गेलानै रोको हो। थे नइ तो खुद बि गेलै जाओ अर नइ लोगानै बि गेलै जाबा द्‍यो।

मत्ती 15:19

क्युं क हियाऊँ बुरा बिचार, हत्या, रंडीबाजी, कुकरम, चोरी, झूठी गुवाई अर बुराई निकळै ह।

मत्ती 3:7

जद बो देख्यो क बोळासारा फरिसी अर सदुकी पाणी को बतिस्मो लेबा ताँई बिकन आर्या हीं, जणा बो बाऊँ बोल्यो, “अरै सपोलो, परमेसर की सजाऊँ थे बच सको हो इ बात क बारां म थानै कूण बता दिओ?

यहून्ना 1:23

यसाया परमेसर की खेबाळा क खया गेल यहून्ना बानै जुबाब दिओ: “म उजाड़ म, हेलो देबाळा को हेलो हूँ। ‘परबु क चालबा ताँई गेलो सिदो करो।’ ”

लूका 11:39

जणा ईसु बिऊँ बोल्यो, “थे फरिसी हो जखा थाळी कचोळानै बारनै-बारनैऊँ तो मांजो हो। पण बो मांयनैऊँ तो गंदो को गंदो रेह बंय्यांई हात धोया काँई जद थारै मांयनै लालच अर बुराई भरी पड़ी ह।

इफिसुस 4:14

जिऊँ आपा टाबरपुणो नइ करां। जिऊँ आपा मिनखा का ठगपुणा अर चतराईऊँ अर बाकी भंगराबाळी सीख म आर इनै-बिनै भटकता नइ फिरां।