भेजेड़ा चेला का काम 13:1 - जीवन को च्यानणो (सेकावाटी नया नियम की पोथ्या)

¹ अंताकीया की बिस्वासी मंडळी म परमेसर की खेबाळा अर उपदेस देबाळा कई हा, जंय्यां की बरनाबास, समोन जिनै काळ्यो बी बोलता हा अर कुरेन को लूकियुस अर देस की चोथी पाँती को राजपाल हेरोद को गोद आयड़ो भाई मनाएम, अर साऊल।

भेजेड़ा चेला का काम 13:1 Referans Kwoze

भेजेड़ा चेला का काम 4:36

जणा बामै युसूफ नाम को लेवी हो जखो साईपरस को रेह्बाळो हो। जिनै भेजेड़ा चेला बरनाबास खेता हा, जिको मतबल हिमत देबाळो होवै ह।

भेजेड़ा चेला का काम 15:35

पोलुस अर बरनाबास अंताकीया मई रेह्गा अर बोळा मिनखा क सागै परबु का बचननै सीखाता अर चोखा समचार को परचार करता रिह्या।

गलातियो 2:9

अर जद याकूब, केफा अर यहून्ना जखा बिस्वासी मंडळी का खम्बा समज्या जाता हा, बे आ जाणग्या की ओ चोखो समचार परबु की दयाऊँ मिल्यो ह। जणा बे बरनाबास अर मेरै सागै संगती को हात मिला लिआ। अर बे राजी होगा की म्हें गैर-यहूदि मिनखानै चोखो समचार सुणाता रेह्‍वां अर बे खुद यहूदि मिनखानै सुणाता रेह्‍वै।

भेजेड़ा चेला का काम 13:9

जणा साऊल पबितर आत्माऊँ भर'र जिनै पोलुस बी बोलीं हीं बिकै कानि एक टक देख्यो।

इफिसुस 4:11

बोई क्युंकनै तो भेजबा ताँई भेजेड़ा चेला बणार, क्युंकनै परमेसर की खेबाळा बणार, क्युंकनै चोखा समचार को हेलो पाड़बा ताँई, क्युंकनै बिस्वास्या की बिस्वासी मंडळी की रूखाळी करबाळा अर परमेसर की सीख देबाळा बणार टाळ लिआ।

भेजेड़ा चेला का काम 15:32

यहूदा अर सीलास जखा परमेसर की खेबाळा हा, बे आस बंधाबाळी अर बिस्वासनै मजबूत करबाळी बाता बतार बानै मजबूत कर्या।

लूका 3:1

आ बात जणा की ह जद तिबिरियुस कैसर का राज-काज को पन्दरवो बरस हो, जद यहूदिआ को राजपाल पिन्तुस पीळातुस हो, अर गलिल को राजपाल हेरोद हो, अर बिको भाई फलिपूस इतूरिया अर तरखोमीतिस को, अर अबिलेन को राज-काज लिसानियास क तळै हो।

फलिपी 4:22

परमेसर का सगळा मिनख जखा खासकर रोमी समराट का महल म काम करबाळा हीं बाकै कानिऊँ बी थानै जे मसी की पुगै।

गलातियो 2:13

अर जखा यहूदि मिनख बिकै सागै हा बे बी बिका पाखंड म बिकै सागै होगा, अठै ताँई क बरनाबास बी बंय्यांई करबा लाग्यो।

1 कुरन्थीयो 9:6

अर के मनै अर बरनाबासनै इ जिंदगीनै जीबा ताँई काम करबो चाए?

रोमीयो 16:21

मेरै सागै काम करबाळो तिमूतियूस, लूकियुस, यासोन अर सोसिपतरुस अर मेरा देसवासी कानिऊँ थानै नमस्कार।

भेजेड़ा चेला का काम 21:9

बिकै च्यार कुंआरी छोर्या ही जखी परमेसर की खेबाळी ही।

भेजेड़ा चेला का काम 19:6

अर जद पोलुस बापै हात धर्यो जणा बापै पबितर आत्मा उतर्यो। बे भात-भात की बोली बोलबा लागगा अर परमेसर का चोखा समचार को हेलो पाड़बा लागगा।

भेजेड़ा चेला का काम 11:30

अर बरनाबास अर साऊल क हाताऊँ यरूसलेम की बिस्वासी मंडळी का मुखिया क कनै थोड़ी घणी मदद भेजी।

1 थिसलूनिकी 5:20

परमेसर की खेबाळा की खयड़ी बातानै माड़ी मना जाणो।

भेजेड़ा चेला का काम 12:25

बरनाबास अर साऊल यरूसलेम म आपको काम खतम कर यहून्नानै जिनै मरकुस खेता हा आपकै सागै अंताकीया लेर आया।

भेजेड़ा चेला का काम 9:1

हाल बी साऊल नाम को मिनख जखो ईसु का चेलानै धमकार्यो हो अर जानऊँ मार्यो हो, बो म्हायाजक क कनै गयो।

मत्ती 27:32

अर जद बे बारनै निकळर क्युंक दूर गया जणा बानै कुरेन को रेह्बाळो समोन नाम को एक मिनख मिल्यो। अर बिनै धमकार खया, “ईसु की सुळी उठार चाल।”

1 कुरन्थीयो 11:4

इ ताँई जखो बी मिनख सीरनै ढकर अरदास करै ह अर परमेसर की बाता खेवै ह बो मसी को निरादर करै ह। क्युं क मसी बिको सीर ह।

1 कुरन्थीयो 13:2

अर ज म परमेसर की बाता बताऊँ अर म सगळा भेद खोल सकूँ अर सगळो ज्ञान बी जाणल्युं, अर मनै अठै ताँई बिस्वास बी होवै क म डूँगरानै हटा सकूँ हूँ, पण परेम कोनी करूं, जणा म क्युंई कोनी।

1 कुरन्थीयो 13:8

परेम कदैई टळै कोनी; पण एक टेम आसी जद परमेसर की खेबाळा का बोलां की जुर्त कोनी रेह्सी; न्यारी-न्यारी बोली म बोलबा का बरदान की बी जुर्त कोनी रेह्सी; अर ज्ञान बी जातो रेह्सी।

1 कुरन्थीयो 14:29

बिस्वासी मंडळी म दो नहिस तीन जणानैई बोलबो चाए जानै परमेसरऊँ आएड़ा बोल दिआ गया ह बाकी मिनखानै ध्यान देणो चाए क बे काँई खेवै ह।

1 कुरन्थीयो 14:32

परमेसर की खेबाळा की आत्मा खुद क बस म रेह्‍वै ह, जिऊँ बे आपका बोलबा की बारीनै उडिक सकीं।