भेजेड़ा चेला का काम 12:7 - जीवन को च्यानणो (सेकावाटी नया नियम की पोथ्या)

⁷ अर बठै चाणचुकई के होयो क परबु को एक ईस्बर नगरी दुत बि कोठड़ी म परगट होयो। जिऊँ बि कोठड़ी म जोरको च्यानणो होगो अर बो पतरस की पासड़्या प हात धर बिनै जगार बोल्यो, “बेगोसो खड़्यो हो।” अत्ता मई बिकै हातऊँ साँकळा खुलर पड़गी।

भेजेड़ा चेला का काम 12:7 Referans Kwoze

भेजेड़ा चेला का काम 5:19

पण जंय्यांई रात होई जणा ईस्बर नगरी दुत आर बि कोठड़ी का कुआड़ानै खोल दिओ अर बा भेजेड़ा चेलानै बारनै लेज्यार बाऊँ बोल्यो,

भेजेड़ा चेला का काम 16:26

अत्ती बारां मई धरती हालगी अर काळ-कोठड़ी की निम तकात हालगी अर सगळा केद्‍या की साँकळा टूटगी अर कुआड़ बी मतैई खुलगा।

भेजेड़ा चेला का काम 10:30

जणा कुरनेलियुस खेबा लाग्यो, “आजऊँ ठिक च्यार दिन पेल्या जद म दिन का तीन बजै मेरै घरा अरदास करबा लागर्यो हो जणा म देख्यो क एक मिनख मेरै सामै आर खड़्यो होगो बिका गाबा भळका मारर्या हा।

इफिसुस 5:14

क्युं क जखो सक्यानै परगट करै ह बो उजाळोई ह। इ ताँई अंय्यां खेयड़ो ह, “ओ सोबाळा, जागज्या अर मरेड़ा मऊँ जी उठ; अर मसी को उजाळो तेरै प भळकसी”

भेजेड़ा चेला का काम 2:24

पण परमेसर बिनै मोतऊँ ओज्यु जीवा दिओ क्युं क आ होय कोनी सकै ही क मोत बिकै जेवड़ो घाल्या राखती।

लूका 24:4

बे खड़ी-खड़ी सोचबा लागी क, “ईसु की लास कठै गई,” अत्ती बारां मई बाकन दो आदमी आर खड़्या होगा जाका गाबा भळका मारै हा।

लूका 2:9

अर परबु को एक ईस्बर नगरी दुत बाकै सारै आर खड़्यो होगो अर बाकै च्यारूमेर परबु की मेमा को तेज चमक्यो जिऊँ बे डर क मारै धुजबा लागगा।

भेजेड़ा चेला का काम 12:23

बि टेमई परबु को ईस्बर नगरी दुत बिनै मार्यो क्युं क बो परमेसरनै मेमा कोनी दि। अर बिकी काया म किड़ा पड़्या अर बिनै खाबा लाग्या जिऊँ बो मरगो।

भेजेड़ा चेला का काम 9:3

अर जद चालता-चालता बो दमिसक क सांकड़ै लाग्योक जणा चाणचुकई आसमान मऊँ एक च्यानणो बिपै चमक्यो।

दरसाव 18:1

इकै पाछै म एक ओर ईस्बर नगरी दुतनै ईस्बर नगरीऊँ तळै उतरता देख्यो। जिकै कनै बडो अधिकार हो, बिकै मांयनै अंय्यां को मेमा को तेज हो जिऊँ सगळी धरती प च्यानणो होगो हो।

इबरानीआ 1:14

इ ताँई सगळा ईस्बर नगरी दुत छुटकारो पाबाळा मिनखा की सेवा करबा ताँई भेजेड़ी आत्मा हीं।

भेजेड़ा चेला का काम 12:6

जद हेरोद पतरस प मुकदमो चलाबा ताँई बिनै ल्याबाळो हो, बि रात पतरस दो साँकळाऊँ बांदेड़ो दो सिपाईड़ा क बिच म सुत्यो हो। अर कोठड़ी क बारना प रूखाळा पेरो देर्या हा।

मत्ती 2:13

ज्योतस्याँ क चल्या जाबा क पाछै परबु को एक ईस्बर नगरी दुत युसूफनै सपना म दरसाव देर ओडायो, “उठ अर टाबर अर बिकी माँनै लेर मिसर देस म भागज्या अर जद ताँई म तेरूँ नइ बोलुँ जद ताँई बठैई रेह्जे; क्युं क राजा हेरोद इ टाबरनै ढुंढर्यो ह। बो इनै मारबो चावै ह।”

भेजेड़ा चेला का काम 12:8

अर ईस्बर नगरी दुत बिऊँ बोल्यो, “तेरो कोटियो, कमर पट्टो बां'दर जुती पेरले अर फटाफट त्यार होज्या।” जणा पतरस बिकै कह्या गेल हात्युहात त्यार होगो जणा पाछै बो बिनै आपकै गेल आबा ताँई बोल्यो।