भेजेड़ा चेला का काम 11:3 - जीवन को च्यानणो (सेकावाटी नया नियम की पोथ्या)

³ अर बोल्या, “पेली बात तो तू गैर-यहूदि मिनखा क घरा गयो अर उपरऊँ बाकै सागै खायो पीयो।”

भेजेड़ा चेला का काम 11:3 Referans Kwoze

भेजेड़ा चेला का काम 10:28

जणा बो बाऊँ बोल्यो, “जंय्यां क थे पेलीऊँ जाणोई हो क एक यहूदि मिनख को गैर-यहूदि मिनखऊँ कोई समंद राखबो अर बिका घरा आबो जाबो बरजेड़ो ह, पण परमेसर मनै दिखायो ह क, नइ तो कोई मिनख सूगलो ह अर नइ निची जात को ह।

गलातियो 2:12

क्युं क बो गैर-यहूदि मिनखा क सागै रोटी खातो हो, पण जद याकूब क कनैऊँ मिनख बिकै बठै गया, जणा बो बा मिनखाऊँ डर जखा गैर-यहूदि मिनखा की सुन्नत करबो चाता हा गैर-यहूदि मिनखाऊँ न्यारो रेह्बा लाग्यो।

लूका 15:2

जणा फरिसी अर सास्तरानै सीखाबाळा आपसरी म बड़बड़ाबा लाग्या, “ओ तो पाप्याऊँ मिलै अर बाकै सागै खावै।”

2 यहून्ना 1:10

अर ज कोई थानै मसी की सीख कोनी देवै जणा थे बि मिनखनै थारै घर म मना आबा द्‍यो अर नइ बिकी आवभगत करज्यो।

1 कुरन्थीयो 5:11

पण मेरो अंय्यां मांडबा को ओ मतबल ह क थे अंय्यां का मिनखाऊँ नातो मना राखज्यो जखा देख दिखाई का बिस्वासी भाई बणी हीं पण बे कुकरमी, लालची, मूरतीपुजबाळा, गाळीगळोच करबाळा, पियाचरी करबाळा अर ठग हीं। अंय्यां का मिनखा क सागै उठा-बेठी मना राखज्यो।

भेजेड़ा चेला का काम 10:48

अर जणा पाछै पतरस बानै ईसु मसी क नाम म पाणीऊँ बतिस्मो लेबा ताँई हुकम दिओ। इकै पाछै बे सगळा पतरसऊँ हात जो'ड़र कह्या की बो थोड़ा घणा दिन ओर बाकै सागै रेह्‍वै।

भेजेड़ा चेला का काम 10:23

जणा बो बानै मांयनै बुलार बाकी आवभगत करी। दुसरा दिन बो उठर बाकै सागै गयो अर क्युंक याफा का भाईड़ा बी बिकै सागै होलिआ।

मत्ती 9:11

बानै सागै बेठ्या देखर क्युंक फरिसी ईसु का चेलानै खया, “थारो गरूजी तो चुंगी लेबाळा अर पापी मिनखा क सागै खावै अर उठा-बेठी करै ह?”

यहून्ना 18:28

इकै पाछै बे सुआरै ईसुनै केफा क घराऊँ रोमी राजपाल का दरबार म लेग्या पण यहूदि अधिकारी मांयनै कोनी गया, क्युं क बे खुदनै असुद कोनी करबो चावै हा, जिऊँ क बे फसै की रोटी खा सकै।

भेजेड़ा चेला का काम 10:32

जणा तू इब अंय्यां कर याफा म कोईनै भेजर समोन नाम का मिनख जिनै पतरस बी बोलीं हीं बुलाबा भेज, बो चमड़ा को धंधो करबाळा समोन क घरा डटर्यो ह।