भेजेड़ा चेला का काम 1:4 - जीवन को च्यानणो (सेकावाटी नया नियम की पोथ्या)

⁴ एक खास मोका प जद बे बिकै सागै जिमर्या हा जणा ईसु बानै हुकम दिओ, “थे यरूसलेम क बारनै पग मना धरज्यो, पण जि बरदान क बारां म थे मेरा मुंडाऊँ सुण्या हो बिकी बाट जोता रेहज्यो क्युं क बि बात को करार परम-पिता कर्यो ह।

भेजेड़ा चेला का काम 1:4 Referans Kwoze

लूका 24:49

अर जिको करार मेरो परम-पिता मेरूँ कर्यो ह बा पबितर आत्मा म थारै ताँई भेजस्युं। पण थे बि दिन ताँई इ नगरी मई टिक्या रेहज्यो जद ताँई थानै पबितर आत्माऊँ सक्‍ति कोनी मिलज्या।”

यहून्ना 14:16

म थारै ताँई परम-पिताऊँ एक मददगार की माँग करस्युं, जखो सदाई थारै सागै रेह्सी।

यहून्ना 15:26

“जद बो मददगार आसी जखी पबितर आत्मा ह, परम-पिता को सच परगट करसी, अर बा बिकी भेजेड़ीई आसी। बि पबितर आत्मानै म भेजस्युं अर बा मेरै बारां मई बोलसी।

भेजेड़ा चेला का काम 2:33

परमेसर ईसुनै उठार आपकै दाया हात बिठायो जखी आदर की सऊँ उची झघा ह। अर परम-पिता का करार गेल बिनै पबितर आत्मा मिली अर बि आत्मानै बो आपणै उपर पूर दिओ। जिनै थे इब देखर्या अर सुणर्या हो।

यहून्ना 7:39

ईसु आ बात पबितर आत्मा क बारां म कही, जखी बिपै बिस्वास करबाळानै मिलबाळी ही। इ टेम ताँई पबितर आत्मा कोईनैई कोनी मिली ही, क्युं क ईसु हाल ताँई आपकी मेमा म कोनी उठायो गयो हो।

यहून्ना 20:22

आ खेर बे बापै फूंक मारी अर बाऊँ बोल्यो, “पबितर आत्मानै ल्यो।

लूका 12:12

क्युं क पबितर आत्मा बि घड़ी थानै खुदई सीखा देसी की थानै काँई खेणो चाए।”

लूका 11:13

ज थे बुरा होर बी थारा टाबर टिकरानै चोखी चिज देबो जाणो हो। जणा थारो परम-पिता जखो ईस्बर नगरी म बिराजै ह आपका माँगबाळानै पबितर आत्मा क्युं कोनी देसी?”

भेजेड़ा चेला का काम 10:41

सगळा प नइ पण बा गुवा प जानै परमेसर पेल्याऊँ टाळ राख्या हा, अर जखा बिकै ओज्यु जीबा क पाछै बिकै सागै खाया अर पीआ हा।

मत्ती 10:20

क्युं क बोलबाळा थे कोनी पण थारा परम-पिता की पबितर आत्मा थारै मऊँ होर बोलसी।