भेजेड़ा चेला का काम 1:2 - जीवन को च्यानणो (सेकावाटी नया नियम की पोथ्या)

² ईस्बर नगरी म उठाया जाबाऊँ पेली बो पबितर आत्मा की सक्‍तिऊँ खुदका ग्यारा भेजेड़ा चेलानै जानै बो टाळ्या बानै काँई-काँई करबो ह , बा कामा को हुकम दिओ।

भेजेड़ा चेला का काम 1:2 Referans Kwoze

भेजेड़ा चेला का काम 1:9

आ खेर बो बाकै देखता-देखताई ईस्बर नगरी म उठा लिओ गयो अर एक बादळी बिनै ढक लिनी।

इबरानीआ 9:24

क्युं क मसी बि पबितर झघा म कोनी गयो जखी हातऊँ बणाएड़ी अर असली परमेसर का पबितर तम्मू की नकल ह पण बो तो ईस्बर नगरी मई गयो, जिऊँ क बो आपणै कानिऊँ परमेसर क सामै बिचोली करै।

भेजेड़ा चेला का काम 10:38

जंय्यां क थे जाणोई हो क परमेसर, कंय्यां पबितर आत्मा अर सक्‍तिऊँ ईसु नासरी को अभिसेक कर्यो। बो च्यारूमेर जार भलाई करतो अर सेतान का सतायड़ा सगळानै निरोगो करतो क्युं क परमेसर बिकै सागै हो।

यहून्ना 20:21

जणा ईसु बाऊँ ओज्यु बोल्यो, “थानै स्यांती मिलै। जंय्यां परम-पिता मनै भेज्यो ह, ठिक बंय्यांई म थानै भेजूँ हूँ।”

यहून्ना 13:18

“म थारी सगळा की बात कोनी करूं, म बानै जाणू हूँ जानै म टाळ्या हूँ। सास्तर म मंडेड़ो आंक पूरो होसी, ‘जखो मेरी रोटी खाई बोई मेरै लात मारी।’

यहून्ना 13:3

ईसु जाणतो हो क परम-पिता बिकै हाता म सक्यु सूप दिओ ह। अर बो परमेसर क कनैऊँ आयो अर बिकनई पाछो जार्यो ह।

दरसाव 21:14

नगरी की दिवार बारा निम का भाठाऊँ धरेड़ी ही , अर बापै उन्या का बारा भेजेड़ा चेला का नाम मंडर्या हा।

दरसाव 3:22

जिकै कान ह बे बानै खोल ले क, पबितर आत्मा बिस्वासी मंडळ्याऊँ काँई बोलै ह।”

दरसाव 3:16

तू नइ तो ठंडो ह अर नइ गरम पण तू न्युनिवायो ह, इ ताँई म तनै मेरा मुंडाऊँ थूकबाळो हूँ।

दरसाव 3:13

जिकै कान ह बे बानै खोल ले क, पबितर आत्मा बिस्वासी मंडळ्याऊँ काँई बोलै ह।”

दरसाव 2:29

जिकै कान ह बे बानै खोल ले क, पबितर आत्मा बिस्वासी मंडळ्याऊँ काँई बोलै ह।

दरसाव 2:11

जिकै कान ह बे बानै खोल ले क, पबितर आत्मा बिस्वासी मंडळ्याऊँ काँई बोलै ह। जखो बी जीतसी बिनै दुजी मोत कोनी भोगणी पड़सी।”

दरसाव 2:7

जिकै कान ह बे बानै खोल ले क, पबितर आत्मा बिस्वासी मंडळ्याऊँ काँई बोलै ह। जखो बी बुराईऊँ जीतसी म बिनै जीवन का दरख्त को फळ खाबा को हक देस्युँ जखो परमेसर का बाग म ह।

दरसाव 1:1

इ पोथी म बे बाता मांडी गई जखी ईसु मसी दरसाव क जरिए बताई ह। अ बाता ईसु मसीनै परमेसर बताई ह जिऊँ बो आपका दासानै, दरसावा क जरिए बतावै क आबाळा टेम म काँई होबाळो ह। ईसु मसी आपका ईस्बर नगरी दुतनै यहून्ना क कनै भेजर अ बाता बताई।

2 पतरस 3:2

जिऊँ थे बा बातानै जानै परमेसर की खेबाळा पेल्याई खे दिआ हा याद राख सको अर परबु, अर आपणानै छुटकारो देबाळा का हुकमनै याद राखो जखो थानै भेजेड़ा चेला की बजेऊँ दिओ हो।

1 पतरस 3:22

बो ईस्बर नगरी जार परमेसर क दायणै हात बेठगो, अर ईस्बर नगरी दुत, उपरी सक्‍तिया का अधिकारी, सगळी सक्‍तिया बिकै बस म कर दिनी गई।

1 तिमूतियूस 3:16

कोई कोनी नट सकै क, भगती को भेद कंय्यां को म्हान ह, बो जखो मिनख जूण म परगट होयो, पबितर आत्मा जिनै धरमी बतायो, अर ईस्बर नगरी दुत जिनै देख्या, देस-देस म बिको परचार कर्यो गयो, जगत म बिपै बिस्वास कर्यो गयो, अर ईस्बर नगरी म उठा लिओ गयो।

इफिसुस 2:20

जंय्यां एक हेली निम प चिणी जावै ह, बंय्यांई थे परमेसर का भेजेड़ा चेला अर बिकी खेबाळा मिनखा की सीख की निम प सेलाणी हो। जिकै कूणा का सिरा को भाठो खुद मसी ईसुई ह।

गलातियो 1:1

इ चिठी म, म पोलुस मेरो अर मेरै सागैहाळा सगळा भायां को, गलातिया दिसावर की बिस्वासी मंडळ्यानै नमस्कार मांडूँ हूँ। म बोई पोलुस हूँ जिनै भेजेड़ो चेलो होबा ताँई मिनख कोनी बुलाया पण ईसु मसी अर परम-पिता परमेसर जखो ईसु मसीनै मरेड़ा मऊँ जिंदो कर्यो हो बे टाळ्या हीं।

भेजेड़ा चेला का काम 1:13

अर बठै पुगताई बे उपला चोबारा म चलेगा, जठै पतरस, यहून्ना, याकूब, अंदरिआस, फलिपूस, थोमा, बरतुल्मै, मत्ती, हलफई को छोरो याकूब, देस भगत समोन अर याकूब को छोरो यहूदा रेह्ता हा।

भेजेड़ा चेला का काम 1:11

अर बाऊँ बोल्या, “अरै गलिली मिनखो, खड़्या-खड़्या आसमान म काँई देखर्या हो? ओ ईसु जिनै थारै मऊँ ईस्बर नगरी म उठायो गयो ह ओ जंय्यां गयो ह बंय्यांई पाछो आसी।”

यहून्ना 20:17

ईसु बिऊँ बोल्यो, “मेरै हात मना अड़ा क्युं क म हाल ताँई परम-पिता क कनै उपर कोनी गयो हूँ। तू तो अंय्यां कर मेरा भाई-भाणा कनै जा अर बानै बता, ‘म मेरा अर थारा परम-पिता, परमेसर क कनै उपर जार्यो हूँ।’ ”

यहून्ना 17:13

“इब म थारै कनै आर्यो हूँ पण अ बाता म इ जगत म रेह्ता-सेह्ता बोलुँ हूँ, जिऊँ क बाको हियो मेरी खुसीऊँ भरज्या।

यहून्ना 16:28

म परम-पिता कानिऊँई इ जगत म आयो। इब म इ जगतनै छोडर परम-पिता कनै जार्यो हूँ।”

यहून्ना 13:1

फसै का त्युंहार क पेलीई ईसु आ जा'णर क, “मेर ताँई बा घड़ी आगी जद म इ दुनियानै तजर मेरा परम-पिता कनै जाऊँ।” बो धरती प जत्ता बी बिका हा बाऊँ आखरी ताँई एकसोई परेम करतो रिह्यो।

यहून्ना 6:70

ईसु बाऊँ बोल्यो, “म थानै बारवांनै कोनी टाळ्यो के? इकै बावजुद थारै मांयनै एक जणो सेतान ह।”

यहून्ना 6:62

जणा थे काँई करस्यो जद थे मिनख का बेटानै आसमान म उपर जाता देखस्यो, जठै बो पेली हो?

यहून्ना 3:34

क्युं क जिनै परमेसर भेज्यो ह, बो परमेसर का बोल बोलै ह। क्युं क परमेसर बिनै बेथां पबितर आत्माऊँ भर्यो ह।

यहून्ना 1:16

बिकी दया की भरपुरीऊँ आपानै एक क पाछै एक आसिरबाद मिल्यो ह।

लूका 24:51

अर बानै आसिरबाद देतानैई नाकै कर ईस्बर नगरी म उठा लिओ गयो।

लूका 9:51

जद ईसु का ईस्बर नगरी म उठाया जाबा का दिन सांकड़ै हा जणा बो यरूसलेम जाबा ताँई आपका हियानै पक्को कर लिओ।

मरकुस 6:30

भेजेड़ा चेला भेळा होर ईसु कनै आया। अर जोक्यु बे कर्या अर सीखाया हा बो बिनै सक्यु खे सुणायो।

मत्ती 12:28

अर ज म परमेसर की पबितर आत्माऊँ ओपरी बलायानै भगाऊँ, जणा इऊँ आ साबित होवै ह क परमेसर को राज थारै सांकड़ैई ह।

मत्ती 3:16

अर ईसु पाणी को बतिस्मो लेर जंय्यांई पाणी मऊँ बारनै आयो अकास खुलग्यो, अर ईसु परमेसर की पबितर आत्मानै कबूतर क रूप म आपकै उपर उतरता देख्यो।

दरसाव 2:17

जिकै कान ह बे बानै खोल ले क, पबितर आत्मा बिस्वासी मंडळ्याऊँ काँई बोलै ह। जखो जीतै ह, म बिनै ईस्बर नगरी म लुखेड़ो मन्नो देस्युँ। म बिनै एक धोळो भाठो बी देस्युँ जिकै उपर एक नयो नाम मंडेड़ो होसी। बो नाम बि मिनख क सिवाय कोई कोनी जाणसी जिनै बो दिओ ज्यासी।