भेजेड़ा चेला का काम 1:16 - जीवन को च्यानणो (सेकावाटी नया नियम की पोथ्या)

¹⁶ “मेरा यहूदि भाई-भाणो पबितर सास्तर को लेख जखो यहूदा (जखो ईसुनै पकड़बाळा की मदद करी ही) क बारां म मंडेड़ो ह, जिनै बोळी पेल्या पबितर आत्मा दाऊद क मुंडा होर बोल्यो हो, बो तो पूरो होणोई हो।

भेजेड़ा चेला का काम 1:16 Referans Kwoze

यहून्ना 13:18

“म थारी सगळा की बात कोनी करूं, म बानै जाणू हूँ जानै म टाळ्या हूँ। सास्तर म मंडेड़ो आंक पूरो होसी, ‘जखो मेरी रोटी खाई बोई मेरै लात मारी।’

भेजेड़ा चेला का काम 1:20

अर भजना की पोथी म अंय्यां मंडर्यो ह, ‘बिको घर उजड़ जावै, अर बिमै कोई कोनी बसै।’ अर अंय्यां बी मंडर्यो ह की ‘बिको ओदो कोई दुसरो लेले।’

मत्ती 26:56

पण अ सगळी बाता जखी परमेसर की खेबाळा पबितर सास्तर म मांडी ह बानै पूरो होणोई ह।” अर ईसु का चेला बिनै छोडर भागगा।

मत्ती 26:54

ज म अंय्यां करस्युं जणा सास्तर म मंडेड़ो कंय्यां पूरो होसी क्युं क अंय्यां होणोई ह?”

मत्ती 26:47

ईसु अंय्यां बोलर्योई हो, क यहूदा जखो बारा चेला मऊँ एक हो बो आपकै सागै परधान याजक, सास्तरीआ अर यहूदि नेता का हुकमऊँ घणीसारी भीड़ लेर बठै आयो। बाकन तलवार अर लाठ्या बी ही।

1 पतरस 1:11

परमेसर की खेबाळा म बाई पबितर आत्मा ही, जखी मसी म ह। आ आत्मा बानै बताई क मसीनै दुख भोगणो पड़सी अर इकै पाछै बिकी मेमा होसी। परमेसर की खेबाळा ओबी जाणबो चाता हा क ओ कद अर कंय्यां होसी।

मरकुस 14:43

ईसु अंय्यां बोलर्योई हो क यहूदा जखो बारा चेला मऊँ एक हो बो आपकै सागै परधान याजक अर सास्तरानै सीखाबाळा अर यहूदि नेता का हुकमऊँ घणीसारी भीड़ लेर बठै आयो बाकन तलवार अर लाठ्या बी ही।

2 पतरस 2:21

आ मिनखा ताँई तो ओ चोखो होतो क अ इ धारमिक्‍ता का गेलानैई कोनी जाणता, अर जखो हुकम बानै दिओ गयो हो बिऊँ बे मुंडो फेर लेता।

भेजेड़ा चेला का काम 23:6

जणा पोलुस आ जा'णर क अठै एक टोळी सदुकीया की अर दुसरी फरिसीया की ह जणा बो पंचायत म जोरऊँ बोल्यो, “ओ यहूदि भाईड़ो, म फरिसी हूँ अर फरिसीया की ओलाद हूँ, अर मरबा क पाछै ओज्यु जी उठबा की मेरी आस की बातनै लेर मेर प मुकदमो चालर्यो ह।”

भेजेड़ा चेला का काम 23:1

पोलुस म्हापंचायत क कानि एक टक देखर बोल्यो, “इजरायल का यहूदि भाईड़ो, म हाल ताँई परमेसर क सामै ईमानदारी क सागै साप मनऊँ जियो हूँ।”

भेजेड़ा चेला का काम 22:1

“यहूदि भाईड़ो, अर बडको मेरो पक्ष बी सुणो।”

भेजेड़ा चेला का काम 15:7

बोळी देर खिचा-ताणी होबा क पाछै पतरस बामैऊँ खड़्यो होर बोल्यो, “मेरा लाडला बिस्वास्यो, जंय्यां की थे जाणोई हो क थार मऊँ परमेसर मनै टाळ्यो क गैर-यहूदि मेरै मुंडाऊँ परमेसर का चोखा समचारनै सुणर बिपै बिस्वास करै।

भेजेड़ा चेला का काम 13:38

जणा यहूदि भाईड़ो, थे जाणल्यो क ईसुई ह जिकै जरिए थार प पापऊँ माफी की घोसणा करी ह।

भेजेड़ा चेला का काम 13:15

मूसा का नेम-कायदा अर परमेसर की खेबाळा की पोथी मऊँ बाचर अरदास घर का अधिकारी बाऊँ बोल्या, “यहूदि भाईड़ो, मिनखानै देबा ताँई थारै कनै कोई उपदेस ह तो आर ख्यो।”

भेजेड़ा चेला का काम 7:2

जणा सतफनुस बोल्यो, “यहूदि भाई-भाणो अर मेरा बाप समान बडको मेरी सुणो। थानै बेरो होवै तो जद आपणो बाप अब्राहम हारान देस म बसबाऊँ पेली मिसोपोटामिआ म हो। जणा मेमाऊँ भरेड़ो परमेसर बिकै सामै परगट होयो।

भेजेड़ा चेला का काम 2:37

अत्ती सुणताई बे पाणी-पाणी होगा अर पतरस अर दुसरा भेजेड़ा चेलाऊँ बुजबा लाग्या क, “यहूदि भाईड़ो इब म्हानै काँई करबो चाए।”

भेजेड़ा चेला का काम 2:23

परमेसर आपका मकसद अर आबाळी बातानै जाणबाळा ज्ञानऊँ पेल्याई ते कर्यो, क ईसु थारा हाता म सूप्यो ज्यासी अर थे पापी मिनखा क हाता बिनै पकड़र बिका हाता म किलां ठोकर बिनै सुळी प चढार मार गेरस्यो।

यहून्ना 19:36

ओ इ ताँई होयो क सास्तर म मंडेड़ो आंक पूरो होवै, “बिकी एक बी हाडी कोनी तोड़ी ज्यासी।”

यहून्ना 10:35

परमेसर बा मिनखानै परमेसर जंय्यां का खयो, जानै बिको बचन दिओ गयो अर आपा जाणा हां क पबितर सास्तर म मंडेड़ी बात कदैई झूठी कोनी होवै।

लूका 22:47

बो हाल बोलर्योई हो, क बठै भीड़ भेळी होगी अर बि भीड़ क आगै-आगै यहूदा होर्यो जखो बा बारा चेला मऊँ एक हो। बो ईसु कनै आर बिको माखो ले लिओ।

मरकुस 12:36

पण दाऊद खुद पबितर आत्माऊँ भर'र बोल्यो हो: ‘परबु (परमेसर) मेरा परबुऊँ खियो जद ताँई म तेरा दुस्मनानै तेरै पगा तळै नइ कर द्‍युँ मेरै दाया हात बेठ्यो रेह।’

भेजेड़ा चेला का काम 28:25

अर बे आपस म एक मत कोनी होया, जद बे बठैऊँ जाबा लाग्याक जणा पोलुस एक बात बोली, “यसाया परमेसर की खेबाळा का मुंडाऊँ पबितर आत्मा थारा बडकाऊँ कतो सई बोली ही, ‘जार आ मिनखाऊँ खे दे, क

भेजेड़ा चेला का काम 28:17

अर तीन दिना क पाछै पोलुस बठै का यहूदि बडका की एक सभा बुलाई। अर जद बे भेळा होया जणा बो बाऊँ बोल्यो, “यहूदि भाईड़ो, म आपणा मिनखा अर बाप-दादा का रिती-रिवाजा क खिलाप क्युंई कोनी कर्यो इकै बावजुद बी यरूसलेम म बंदि बणार रोमी मिनखा क हाता म सूप्यो गयो।

भेजेड़ा चेला का काम 15:13

अर जद बोलर बे चुप होया जणा याकूब खड़्यो होर बोल्यो, “मेरा लाडला बिस्वास्यो, मेरी सुणो।

मत्ती 26:14

जणा यहूदा इस्करोती जखो बारा चेला मऊँ एक हो परधान याजका क कनै गयो अर बाऊँ बोल्यो,

यहून्ना 17:12

जद म बाकै सागै हो म थारा बि नाम की सक्‍तिऊँ जखो थे मनै दिआ हा बानै बचायो। बामैऊँ कोईबी नास कोनी होयो सिवाय बि मिनख क जखो बि गेला प चाल्यो जखो नास कानि लेज्यावै ह, जिऊँ क सास्तर को आंक पूरो होवै।

2 पतरस 1:21

क्युं क कोईबी भबिस्वाणी मिनखा की इंछ्याऊँ कदैई कोनी आई, पण भगत मिनख पबितर आत्माऊँ परमेसर कानिऊँ बोलता हा।