भेजेड़ा चेला का काम 1:14 - जीवन को च्यानणो (सेकावाटी नया नियम की पोथ्या)

¹⁴ अर आकै सागै क्युंक लूगाया बी ही, अ सगळा एक चित होर अरदास करबा म लाग्या रेह्ता हा। बामै ईसु की माँ मरीयम अर बिको भाई बी हो।

भेजेड़ा चेला का काम 1:14 Referans Kwoze

इफिसुस 6:18

हरेक मोका प अर सगळी बाता म पबितर आत्माऊँ अरदास करता रह्यो अर बंय्यांई सगळा परमेसर का मिनखा ताँई जी ज्यानऊँ अरदास करबा ताँई जागता रेह्ओ।

भेजेड़ा चेला का काम 6:4

अर म्हें म्हारो सगळो टेम अरदास करबा अर बचन को परचार करबा अर सीखाबा म लगास्यां।”

कलुसीयो 4:2

ध्यानऊँ अरदास करबा म लाग्या रह्यो अर परमेसरनै धनेवाद देता रेह्ओ।

भेजेड़ा चेला का काम 2:42

अर बे भेजेड़ा चेलाऊँ उपदेस सुणबा, संगती करबा, एक सागै परबुनै याद करबा ताँई रोटी तोड़बा अर अरदास करबा म रमग्या।

रोमीयो 12:12

आस म राजी रेह्ओ, पिड़ा म थ्यावस राखो, लगातार अरदास करता रेह्ओ।

लूका 18:1

जणा ईसु चेलानै आ बताबा ताँई की बे रोजकी अरदास करता रेह्‍वै। अर हिमत नइ छोडीं एक मिसाल दिनी:

मत्ती 21:22

बिस्वासऊँ अरदास म जोक्यु बी माँगस्यो, बो थानै मिलसी।”

भेजेड़ा चेला का काम 2:1

पेन्तिकूस का त्युंहार हाळै दिन बे सगळा बिस्वासी एक झघा भेळा होर्या हा।

लूका 11:13

ज थे बुरा होर बी थारा टाबर टिकरानै चोखी चिज देबो जाणो हो। जणा थारो परम-पिता जखो ईस्बर नगरी म बिराजै ह आपका माँगबाळानै पबितर आत्मा क्युं कोनी देसी?”

भेजेड़ा चेला का काम 2:46

बे रोजकी एक टोळी की जंय्यां मनदर म मिलता, एक-दुसरा का घरा म रोटी तोड़ता। राजी-खुसी अर सिदा मनऊँ एक सागै रळमिल रोटी खाता।

लूका 24:53

अर बे मनदर म परमेसर को गुणगान करता आपको टेम काटबा लागगा।

मत्ती 12:46

जद ईसु भीड़ऊँ बतळार्यो हो जणा बठै बाकी माँ अर भाईड़ा आर बारनै खड़्या होगा। बे ईसुऊँ बातचित करबा ताँई बिनै उडिकबा लाग्या।

लूका 24:10

अ बाता बताबाळी लूगाया म मरीयम मगदलिनी, योअन्ना अर याकूब की माँ मरीयम अर ओर बी ही जखी बा चेलानै जखा भेजेड़ा चेला खुवाता हा अ बाता बतारी ही।

लूका 23:55

बे लूगाया जखी गलिलऊँ चालर आई ही बे युसूफ क गेल जार बि कबरनै देखी अर आ बी देखी की बिकी लास कंय्यां धरी गई ह।

लूका 23:49

पण बिका जाण-पिछाण का मिनख अर बे लूगाया जखी गलिलऊँ बिकै सागै आई बे दूर खड़ी होर सक्यु देखरी ही।

मरकुस 16:1

अरामहाळा दिन क पाछै मरीयम मगदलिनी, सलोमी अर याकूब की माँ मरीयम ईसु की लास को अभिसेक करबा ताँई सुगंद आबाळी चिज मोल ली

मरकुस 15:40

बठै लूगाया बी ही बे ईसुनै दूरऊँ खड़ी-खड़ी देखै ही बा लूगाया म मरीयम मगदलिनी, छोटक्यो याकूब अर युसूफ की माँ मरीयम अर सलोमी ही।

मत्ती 27:55

बठै घणीसारी लूगाया बी ही बे ईसुनै परैऊँई खड़ी-खड़ी देखै ही बे बिकी सेवा करबा ताँई गलिलऊँ बिकै गेल आई ही।

लूका 24:33

जदकी जदई बे खड़्या होर यरूसलेम रवाना होगा। अर बठै बानै बे ग्यारा चेला अर बाकी का एक सागै भेळा होयड़ा मिल्या।

लूका 8:20

जणा बिनै बतायो गयो की, “तेरा भाईड़ा अर तेरी माँ तेरूँ मिलबा ताँई बारनै खड़्या हीं।”

1 कुरन्थीयो 14:13

इ ताँई जखो मिनख न्यारी बोली बोलै बिनै अरदास बी करबो चाए क जखो बो बोल्यो ह बिको मतबल बी बता सकै।