3 यहून्ना 1:1 - जीवन को च्यानणो (सेकावाटी नया नियम की पोथ्या)

¹ म, बिस्वासी मंडळी को मुखियो, आ चिठी लाडला गयुसनै मांडू हूँ , जिऊँ म बिकै सचाई प चालबा की बजेऊँ परेम करूं हूँ।

3 यहून्ना 1:1 Referans Kwoze

1 यहून्ना 3:18

ओ मेरा टाबरो, आपा बोली अर जबानऊँई प्यार-परेम नइ करां पण ओ प्यार-परेम करमाऊँ अर सचो होणो चाए।

1 कुरन्थीयो 1:14

परमेसर को धनेवाद हो क किरसपुस अर गयुसनै छोडर म थारै माला खिनई बतिस्मो कोनी दिओ।

रोमीयो 16:23

मेरी अर सगळी बिस्वासी मंडळी की मिजमानी करबाळा गयुस को थानै नमस्कार। इरास्तुस जखो नगरी को भंडारी ह अर आपणा बिस्वासी भाईड़ा कुआरतुस को थानै नमस्कार।

भेजेड़ा चेला का काम 19:29

अर अंय्यां पूरी नगरी म हो-हल्लो मचगो अर बे लोग मकीदुनिया का रेह्बाळा गयुस अर अरिस्तखुसनै जखा सफर म पोलुस क सागै हा बानै पकड़ लिआ अर सगळा बानै नगरी का मैदान कानि भगाताई लेग्या।

भेजेड़ा चेला का काम 20:4

जणा बिरीया को पाईरस को छोरो सूपतरुस अर थिसलूनिकी अरिस्तखुस अर सिकन्दुस, दिरबे को गयुस, एसिया को तुखीकुस अर तरीफिमुस एसिया ताँई बिकै सागै होलिआ बाकै सागै तिमूतियूस बी हो।

भेजेड़ा चेला का काम 11:30

अर बरनाबास अर साऊल क हाताऊँ यरूसलेम की बिस्वासी मंडळी का मुखिया क कनै थोड़ी घणी मदद भेजी।

1 पतरस 5:1

इब म, थारै माला बिस्वासी मंडळी का मुखियाऊँ अरदास करूं हूँ। म खुद एक बिस्वासी मंडळी को मुखियो हूँ अर मसी जखो दुख भोग्यो हो बिको म गुवा हूँ अर आबाळी मेमा को म पाँतीवाळ हूँ।

3 यहून्ना 1:2

मेरा लाडला, म अरदास करूं हूँ क, तेरी काया निरोगी रेह्‍वै अर तेरै सागै भलोई होवै, जंय्यांकी तू आत्मिक बाता म आगै बढर्यो ह।